ಕುಟುಪಲಾಂಗ್: ವಿಶ್ವದ ಅತಿದೊಡ್ಡ ನಿರಾಶ್ರಿತರ ಶಿಬಿರವೆಂದೇ ಖ್ಯಾತಿ ಪಡೆದಿರುವ ಕುಟುಪಲಾಂಗ್ನಲ್ಲಿ 2 ಲಕ್ಷದಷ್ಟು ರೋಹಿಂಗ್ಯಾ ಮುಸ್ಲಿಮರು ಭಾನುವಾರ ರ್ಯಾಲಿ ನಡೆಸಿದರು.
ಎರಡು ವರ್ಷಗಳ ಹಿಂದೆ ತಮ್ಮವರ ಮೇಲೆ ನಡೆದ ಹಿಂಸಾಚಾರವನ್ನು ಖಂಡಿಸಿ ಲಕ್ಷಾಂತರ ಜನ ದೇಶ ತೊರೆದಿದ್ದರು. ಮ್ಯಾನ್ಮಾರ್ ಸೇನೆಯ ವಿರುದ್ಧ ಸಿಡಿದೆದ್ದ ಇವರ ಆಕ್ರೋಶ ಇನ್ನೂ ತಣ್ಣಗಾಗಿಲ್ಲ. ‘ನರಮೇಧ ದಿನ’ ಎಂದು ಕರೆಯುವ ಈ ದಿನ ಎರಡನೇ ವರ್ಷಾಚರಣೆಗಾಗಿ ದೊಡ್ಡಮಟ್ಟದಲ್ಲಿ ರ್ಯಾಲಿ ನಡೆಸಿದರು.
ಮ್ಯಾನ್ಮಾರ್ನ ರಖೈನ್ ರಾಜ್ಯದಿಂದ 2017 ರ ಆಗಸ್ಟ್ನಲ್ಲಿ 7.40 ಲಕ್ಷ ರೋಹಿಂಗ್ಯಾಗಳು ಪರಾರಿಯಾಗಿದ್ದರು. ತಮ್ಮ ಮೇಲೆ ನಡೆದ ಅಮಾನವೀಯ ದೌರ್ಜನ್ಯದಿಂದ ತಪ್ಪಿಸಿಕೊಳ್ಳಲು ದೇಶ ತೊರೆದಿದ್ದರು. ಆಗ್ನೇಯ ಬಾಂಗ್ಲಾದೇಶದಿಂದ 2 ಲಕ್ಷ ರೋಹಿಂಗ್ಯಾಗಳು ಓಡಿಹೋಗಿದ್ದರು.
‘ದೇವರು ದೊಡ್ಡವನು, ರೋಹಿಂಗ್ಯಾಗಳು ದೀರ್ಘಾಯುಷಿಗಳು’ ಎಂಬ ಘೋಷಣೆಯನ್ನು ಪುರುಷರು ರ್ಯಾಲಿಯಲ್ಲಿ ಕೂಗಿದರು.