ಲಂಡನ್ ಜೈಲಿನಲ್ಲಿರುವ ನೀರವ್ನನ್ನು ವಿಚಾರಣೆಗಾಗಿ ಬುಧವಾರ ವೆಸ್ಟ್ ಮಿನಿಸ್ಟರ್ ಮ್ಯಾಜಿಸ್ಟ್ರೇಟ್ ಕೋರ್ಟ್ಗೆ ಹಾಜರುಪಡಿಸಲಾಗಿತ್ತು. ಈ ವೇಳೆ, ಜಾಮೀನು ಬಾಂಡ್ನ ಮೊತ್ತವನ್ನು ದ್ವಿಗುಣಗೊಳಿಸಲು ಸಿದ್ಧವಿರುವುದಾಗಿ ನೀರವ್ ಪರ ವಕೀಲರು ನ್ಯಾಯಾಲಯಕ್ಕೆ ತಿಳಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಚೀಫ್ ಮ್ಯಾಜಿಸ್ಟ್ರೇಟ್ ಎಮ್ಮಾ ಅರ್ಬತ್ನೋಟ್, ‘ನೀರವ್ ಬೃಹತ್ ವಂಚನೆ ಪ್ರಕರಣವನ್ನು ಎದುರಿಸುತ್ತಿದ್ದು, ಆತ ಶರಣಾಗದೆ ತಪ್ಪಿಸಿಕೊಳ್ಳಬಹುದು ಎಂಬ ನಮ್ಮ ಕಳವಳವನ್ನು 20 ಲಕ್ಷ ಪೌಂಡ್ ಬಾಂಡ್ ನಿಗದಿಪಡಿಸುವ ಮೂಲಕ ನಿವಾರಿಸಲು ಸಾಧ್ಯವಿಲ್ಲ’ ಎಂದಿದ್ದಾರೆ.