ಕ್ವೆಟ್ಟಾ: ಪಾಕಿಸ್ತಾನದ ಭದ್ರತಾ ಪಡೆಗಳು ಅಫ್ಗಾನಿಸ್ತಾನದ ಗಡಿ ಸಮೀಪ ಏಳು ಉಗ್ರರನ್ನು ಹತ್ಯೆ ಮಾಡಿದೆ ಎಂದು ಸೇನೆ ಸೋಮವಾರ ತಿಳಿಸಿದೆ.
ಗುಪ್ತಚರ ಮಾಹಿತಿ ಆಧರಿಸಿ ನೈರುತ್ಯ ಬಲೂಚಿಸ್ತಾನ ಪ್ರಾಂತ್ಯದ ಝೋಬ್ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳು ಕಾರ್ಯಾಚರಣೆ ನಡೆಸಿದವು. ಈ ವೇಳೆ ನಡೆದ ಗುಂಡಿನ ಚಕಮಕಿಯಲ್ಲಿ ಏಳು ಉಗ್ರರು ಹತರಾದರು. ಅವರ ಬಳಿಯಿದ್ದ ಯುದ್ಧ ಸಾಮಗ್ರಿಗಳನ್ನು ವಶಕ್ಕೆ ಪಡೆದಿರುವುದಾಗಿ ಅದು ಹೇಳಿದೆ.
ಈ ಭಾಗದಲ್ಲಿ ಬಲೂಚ್ ರಾಷ್ಟ್ರೀಯವಾದಿಗಳು, ಇಸ್ಲಾಮಿಕ್ ಉಗ್ರರ ಗುಂಪುಗಳು ಮತ್ತು ಐಎಸ್ ಗುಂಪುಗಳು ಇತ್ತೀಚೆಗೆ ಭದ್ರತಾ ಪಡೆಗಳ ಮೇಲೆ ದಾಳಿಗಳನ್ನು ನಡೆಸಿದ್ದವು.