ಮಾಸ್:ರಷ್ಯಾದ ಅಧ್ಯಕ್ಷ ವ್ಲಾದಿಮಿರ್ ಪುಟಿನ್ ಅವರ ಈಗಿನ ಅಧಿಕಾರದ ಅವಧಿ 2024ಕ್ಕೆ ಕೊನೆಗೊಳ್ಳಲಿದೆ. ಆ ನಂತರ ಮತ್ತೆ 12 ವರ್ಷಗಳವರೆಗೆ ಅವರು ಅಧಿಕಾರದಲ್ಲಿ ಉಳಿಯಲು ಅವಕಾಶ ನೀಡುವ ಸಂವಿಧಾನ ತಿದ್ದುಪಡಿ ಮಸೂದೆಯನ್ನು ಇಲ್ಲಿನ ಸಂಸತ್ತು ಬುಧವಾರ ಅಂಗೀಕರಿಸಿದೆ.
383 ಸಂಸದರು ಸಾಂವಿಧಾನಿಕ ಸುಧಾರಣಾ ಪ್ಯಾಕೇಜ್ ಪರವಾಗಿ ಮತ ಚಲಾಯಿಸಿದರು. 43 ಸಂಸದರು ಮತದಾನದಿಂದ ದೂರವುಳಿದರು.
ಸಂಸತ್ತಿನ ಕೆಳಮನೆಯು ಈ ತಿದ್ದುಪಡಿಗಳನ್ನು ಅಂಗೀಕರಿಸಿದ ಕೆಲ ಗಂಟೆಗಳ ಬಳಿಕ ಮೇಲ್ಮನೆಯೂ ಒಪ್ಪಿಗೆ ನೀಡಿದೆ. ಉದ್ದೇಶಿತ ತಿದ್ದುಪಡಿ ಬಗ್ಗೆ ಏಪ್ರಿಲ್ 22ರಂದು ದೇಶದಾದ್ಯಂತ ಸಾರ್ವತ್ರಿಕ ಮತದಾನ ನಡೆಯಲಿದೆ.