<p class="title"><strong>ಕೀವ್: </strong>ರಷ್ಯಾ ತನ್ನ ಕಪ್ಪು ಸಮುದ್ರದ ನೌಕಾಬಲದ ಪ್ರತಿಷ್ಠಿತ ಸಮರನೌಕೆ ‘ಮಾಸ್ಕವಾ’ ಕಳೆದುಕೊಂಡ ನಂತರ, ರಷ್ಯಾದ ವಾಯುಪಡೆ ಮತ್ತು ಭೂಸೇನಾ ಪಡೆಗಳು ಪ್ರತೀಕಾರವಾಗಿ ಉಕ್ರೇನ್ ಸೇನಾ ನೆಲೆಗಳನ್ನು ಗುರಿಯಾಗಿಸಿ ಶನಿವಾರ ದಾಳಿ ತೀವ್ರಗೊಳಿಸಿವೆ.</p>.<p class="bodytext">ಶನಿವಾರ ನಸುಕಿನಲ್ಲಿ ಉಕ್ರೇನ್ನ ಲುವಿವ್ ಮತ್ತು ಕೀವ್ ನಗರಗಳ ಮೇಲೆ ರಷ್ಯಾ ಯುದ್ಧ ವಿಮಾನಗಳು ಬಾಂಬ್ ಮತ್ತು ಕ್ಷಿಪಣಿಗಳ ಸುರಿಮಳೆಗರೆದಿವೆ.</p>.<p class="bodytext">ಕೀವ್ ಬಳಿ ಇರುವ ಯುದ್ಧ ಟ್ಯಾಂಕ್ ದುರಸ್ತಿ ಘಟಕ, ಶಸಸ್ತ್ರ ವಾಹನ ತಯಾರಿಕೆ ಮತ್ತು ಸೇನಾ ಸಲಕರಣೆಗಳ ಕಾರ್ಖಾನೆಯನ್ನೂ ದೂರಗಾಮಿ ಶ್ರೇಣಿಯ ಕ್ಷಿಪಣಿಗಳಿಂದ ದ್ವಂಸಗೊಳಿಸಲಾಗಿದೆ. ಮೈಕೊಲೈವ್ನಲ್ಲಿರುವ ಸೇನಾ ವಾಹನಗಳ ದುರಸ್ತಿ ಕಾರ್ಖಾನೆಯನ್ನೂ ನಾಶಪಡಿಸಲಾಗಿದೆ ಎಂದು ರಷ್ಯಾ ಹೇಳಿದೆ.</p>.<p class="bodytext">ಹಾರ್ಕಿವ್, ಡೊನೆಟ್ಸ್ಕ್, ಲುಹಾನ್ಸ್ಕ್ ಪ್ರದೇಶಗಳಲ್ಲಿ ಬಹುಮಹಡಿ ಕಟ್ಟಡಗಳು ಮತ್ತು ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡು ರಷ್ಯಾ ಪಡೆಗಳು ಶೆಲ್ ದಾಳಿ ಮುಂದುವರಿಸಿವೆ.</p>.<p class="bodytext">ಕೀವ್ನ ಆಗ್ನೇಯದ ಡಾರ್ನಿಟ್ಸ್ಕಿ ಜಿಲ್ಲೆಯಲ್ಲಿ ಕ್ಷಿಪಣಿ ದಾಳಿಯಾಗಿದ್ದು, ಸ್ಥಳದಲ್ಲಿ ದಟ್ಟ ಹೊಗೆ ಆವರಿಸಿದೆ. ಒಬ್ಬ ವ್ಯಕ್ತಿ ಮೃತಪಟ್ಟಿದ್ದು, ಹಲವರು ಗಾಯಗೊಂಡಿದ್ದಾರೆ. ರಾಜಧಾನಿಯ ಪಶ್ಚಿಮದಲ್ಲಿ ದಾಳಿ ತೀವ್ರಗೊಳಿಸಲು ರಷ್ಯಾ ಪಡೆಗಳು ಮರುಒಗ್ಗೂಡಿವೆ ಎಂದು ಕೀವ್ಮೇಯರ್ ವಿಟಾಲಿ ಕ್ಲಿಟ್ಸ್ಕೊ ತಿಳಿಸಿದರು.</p>.<p>ಬೆಲರೂಸ್ ನೆಲದಿಂದ ಕಾರ್ಯಾಚರಿಸಿರುವರಷ್ಯಾದ ಯುದ್ಧವಿಮಾನಗಳು, ಪೋಲೆಂಡ್ ಗಡಿ ಸಮೀಪದ ಲುವಿವ್ ನಗರದ ಮೇಲೆ ಕ್ಷಿಪಣಿ ದಾಳಿ ಮಾಡಿವೆ. ವಾಯು ರಕ್ಷಣಾ ವ್ಯವಸ್ಥೆಯಿಂದ ನಾಲ್ಕು ಕ್ರೂಸ್ ಕ್ಷಿಪಣಿಗಳನ್ನು ಹೊಡೆದುರುಳಿಸಲಾಗಿದೆ ಎಂದು ಉಕ್ರೇನ್ ಹೇಳಿದೆ.</p>.<p><a href="https://www.prajavani.net/world-news/russia-ukraine-war-lead-to-start-third-world-war-says-russian-media-928878.html" itemprop="url">ರಷ್ಯಾ-ಉಕ್ರೇನ್ ಯುದ್ಧ: ಈಗಾಗಲೇ ಮೂರನೇ ವಿಶ್ವಸಮರ ಪ್ರಾರಂಭ? </a></p>.<p>ಉಕ್ರೇನಿನ ನೆಪ್ಚೂನ್ ಕ್ಷಿಪಣಿಗಳ ದಾಳಿಯಿಂದ ‘ಮಾಸ್ಕವಾ’ ನೌಕೆ ಮುಳುಗಿದ ನಂತರ ರೊಚ್ಚಿಗೆದ್ದಿರುವ ರಷ್ಯಾ, ಉಕ್ರೇನಿನ ವಿಧ್ವಂಸಕ ಮತ್ತುಭಯೋತ್ಪಾದನಾ ಕೃತ್ಯಗಳನ್ನು ಹತ್ತಿಕ್ಕಲು ನಗರಗಳ ಮೇಲೆ ದೂರಗಾಮಿ ಕ್ಷಿಪಣಿಗಳ ದಾಳಿ ತೀವ್ರಗೊಳಿಸುವುದಾಗಿ ಶುಕ್ರವಾರ ಎಚ್ಚರಿಕೆ ನೀಡಿತ್ತು.</p>.<p>‘ಮರಿಯುಪೊಲ್ನಲ್ಲಿ ಕಷ್ಟದ ಪರಿಸ್ಥಿತಿ ಇದೆ. ಸದ್ಯ ಬೀದಿ ಕಾಳಗ ಮುಂದುವರಿದಿದೆ. ನಗರದ ಮೇಲೆ ದಾಳಿ ತೀವ್ರಗೊಳಿಸಲು ರಷ್ಯಾ ಸೇನಾ ಬಲ ಹೆಚ್ಚಿಸಿಕೊಳ್ಳುತ್ತಿದೆ’ ಎಂದು ಉಕ್ರೇನ್ ರಕ್ಷಣಾ ಸಚಿವಾಲಯದ ವಕ್ತಾರ ಒಲೆಕ್ಸಾಂಡರ್ ಮೊಟುಜಿಯಾನಿಕ್ ತಿಳಿಸಿದರು.</p>.<p>ಡಾನ್ಬಾಸ್ ಪ್ರಾಂತ್ಯದ ಲುಹಾನ್ಸ್ಕ್ನಲ್ಲಿ ರಷ್ಯಾದ ಶೆಲ್ ದಾಳಿಗೆ ಒಬ್ಬರು ಮೃತಪಟ್ಟಿದ್ದು, ಮೂವರು ಗಾಯಗೊಂಡಿದ್ದಾರೆ. ಲಿಸಿಚಾನ್ಸ್ಕ್ ಮತ್ತು ಸೆವೆರೊಡೊನೆಟ್ಸ್ಕ್ನಲ್ಲಿ ರಷ್ಯಾ ಪಡೆಗಳ ದಾಳಿಗೆ ಅನಿಲ ಪೈಪ್ ಹಾನಿಗೀಡಾಗಿದೆ ಎಂದು ಗವರ್ನರ್ ಸೆರಿಹಿ ಐದೈ ತಿಳಿಸಿದ್ದಾರೆ.</p>.<p><strong>ಉಕ್ರೇನಿನ 3 ಸಾವಿರ ಸೈನಿಕರ ಸಾವು:</strong></p>.<p>ಏಳು ವಾರಗಳ ಯುದ್ಧದಲ್ಲಿ ಸುಮಾರು 2,500ರಿಂದ 3,000 ಉಕ್ರೇನ್ ಸೈನಿಕರು ಹುತಾತ್ಮರಾಗಿದ್ದಾರೆ. ಸುಮಾರು 10 ಸಾವಿರ ಯೋಧರು ಗಾಯಗೊಂಡಿದ್ದಾರೆ. ಹಾಗೆಯೇ ನಮ್ಮ ಸೇನೆ, ರಷ್ಯಾದ ಸುಮಾರು 20 ಸಾವಿರ ಆಕ್ರಮಣಕಾರರನ್ನು ಕೊಂದಿದೆ ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಹೇಳಿದ್ದಾರೆ.</p>.<p><a href="https://www.prajavani.net/world-news/spanish-village-changes-its-name-to-ukraine-in-show-of-solidarity-928978.html" itemprop="url">ಉಕ್ರೇನ್ ಎಂದು ತನ್ನ ಹೆಸರನ್ನೇ ಬದಲಿಸಿಕೊಂಡ ಸ್ಪೇನ್ ದೇಶದ ಆ ಹಳ್ಳಿ: ಕಾರಣ ಏನು? </a></p>.<p>ಭಯೋತ್ಪಾದನೆ ಪ್ರಾಯೋಜಿತ ರಾಷ್ಟ್ರಗಳಾದಉತ್ತರ ಕೊರಿಯಾ, ಕ್ಯೂಬಾ, ಇರಾನ್ ಮತ್ತು ಸಿರಿಯಾ ಪಟ್ಟಿಗೆ ರಷ್ಯಾವನ್ನೂ ಸೇರಿಸಬೇಕೆಂದು ಝೆಲೆನ್ಸ್ಕಿ ಅಮೆರಿಕಕ್ಕೆ ಮನವಿ ಮಾಡಿರುವುದಾಗಿ ‘ವಾಷಿಂಗ್ಟನ್ ಪೋಸ್ಟ್’ ವರದಿ ಮಾಡಿದೆ.</p>.<p>‘ಪುಟಿನ್ ಮೇಲೆ ಒತ್ತಡ ಹೆಚ್ಚಿಸಲು ನಾವು ಎಲ್ಲ ಆಯ್ಕೆಗಳನ್ನು ಪರಿಗಣಿಸುವುದನ್ನು ಮುಂದುವರಿಸುತ್ತೇವೆ’ ಎಂದು ಶ್ವೇತಭವನದ ವಕ್ತಾರರು ಪ್ರತಿಕ್ರಿಯಿಸಿರುವುದಾಗಿ ಅದು ಹೇಳಿದೆ.</p>.<p><a href="https://www.prajavani.net/world-news/russia-bans-entry-to-british-pm-johnson-928907.html" itemprop="url">ಬ್ರಿಟನ್ ಪ್ರಧಾನಿ ಬೋರಿಸ್ ಸೇರಿ ಹಲವು ಅಧಿಕಾರಿಗಳಿಗೆ ರಷ್ಯಾ ಪ್ರವೇಶ ನಿರ್ಬಂಧ </a></p>.<p><strong>52ನೇ ದಿನದ ಬೆಳವಣಿಗೆಗಳು</strong></p>.<p>*ದಕ್ಷಿಣ ಸ್ಪೇನ್ನ ಫ್ಯುಯೆಂಟಸ್ ಡಿ ಆ್ಯಂಡಲೂಸಿಯಾ ನಗರವು ತನ್ನ ಹೆಸರನ್ನು ‘ಉಕ್ರೇನ್’ ಎಂದು ಮರುನಾಮಕರಣ ಮಾಡಿಕೊಂಡಿದೆ. ನಗರದ ರಸ್ತೆಗಳಿಗೆ ಕೀವ್, ಒಡೆಸಾ, ಮರಿಯುಪೊಲ್ ಹೆಸರಿಟ್ಟಿದೆ</p>.<p>*ರಷ್ಯಾದ ಮೇಲೆ ಹೇರಿರುವ ನಿರ್ಬಂಧಗಳು ಸಾಕಾಗುತ್ತಿಲ್ಲ. ವಿಶ್ವದ ಪ್ರಜಾಪ್ರಭುತ್ವ ರಾಷ್ಟ್ರಗಳೆಲ್ಲವೂ ರಷ್ಯಾದಿಂದ ತೈಲ ಖರೀದಿ ಸ್ಥಗಿತಗೊಳಿಸಬೇಕು– ಉಕ್ರೇನ್ ಅಧ್ಯಕ್ಷ ಝೆಲೆನ್ಸ್ಕಿ ಆಗ್ರಹ</p>.<p>*ರಷ್ಯಾದ ಆಕ್ರಮಣದ ವಿರುದ್ಧ ನ್ಯಾಟೊ ಸದಸ್ಯ ರಾಷ್ಟ್ರ ಟರ್ಕಿಯಿಂದಎಲ್ಲ ರೀತಿಯ ಬೆಂಬಲ ಪಡೆಯಲು ಪ್ರಯತ್ನ ನಡೆಸುತ್ತಿದ್ದೇವೆ– ಉಕ್ರೇನ್ ರಾಜತಾಂತ್ರಿಕರ ಹೇಳಿಕೆ</p>.<p>*ಮರಿಯುಪೊಲ್ ನಗರ ರಕ್ಷಣೆ ಮಾಡುತ್ತಿರುವ ರಕ್ಷಕರ ನಾಶ, ರಷ್ಯಾದ ಜತೆಗಿನ ಶಾಂತಿ ಮಾತುಕತೆಯನ್ನು ಕೊನೆಗೊಳಿಸಲಿದೆ– ಝೆಲೆನ್ಸ್ಕಿ ಎಚ್ಚರಿಕೆ</p>.<p>*ರಷ್ಯಾ ವಿಶೇಷ ಸೇನಾ ಕಾರ್ಯಾಚರಣೆ ಆರಂಭಿಸುವುದಕ್ಕೂ ಮೊದಲೇ ಜರ್ಮನಿ ಮತ್ತು ಅಮೆರಿಕ ಜತೆಗೂಡಿ ಉಕ್ರೇನ್ನಲ್ಲಿ ಹಲವು ವರ್ಷಗಳಿಂದ ಸೇನಾ ಜೈವಿಕ ಅಸ್ತ್ರಗಳ ಚಟುವಟಿಕೆಗಳನ್ನು ನಡೆಸುತ್ತಿವೆ. ಅದೂ ಈಗಲೂ ಮುಂದುವರಿದಿರುವ ಸಾಧ್ಯತೆ ಇದೆ– ರಷ್ಯಾದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರೆ ಮರಿಯಾ ಝಕಾರೊವಾ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ಕೀವ್: </strong>ರಷ್ಯಾ ತನ್ನ ಕಪ್ಪು ಸಮುದ್ರದ ನೌಕಾಬಲದ ಪ್ರತಿಷ್ಠಿತ ಸಮರನೌಕೆ ‘ಮಾಸ್ಕವಾ’ ಕಳೆದುಕೊಂಡ ನಂತರ, ರಷ್ಯಾದ ವಾಯುಪಡೆ ಮತ್ತು ಭೂಸೇನಾ ಪಡೆಗಳು ಪ್ರತೀಕಾರವಾಗಿ ಉಕ್ರೇನ್ ಸೇನಾ ನೆಲೆಗಳನ್ನು ಗುರಿಯಾಗಿಸಿ ಶನಿವಾರ ದಾಳಿ ತೀವ್ರಗೊಳಿಸಿವೆ.</p>.<p class="bodytext">ಶನಿವಾರ ನಸುಕಿನಲ್ಲಿ ಉಕ್ರೇನ್ನ ಲುವಿವ್ ಮತ್ತು ಕೀವ್ ನಗರಗಳ ಮೇಲೆ ರಷ್ಯಾ ಯುದ್ಧ ವಿಮಾನಗಳು ಬಾಂಬ್ ಮತ್ತು ಕ್ಷಿಪಣಿಗಳ ಸುರಿಮಳೆಗರೆದಿವೆ.</p>.<p class="bodytext">ಕೀವ್ ಬಳಿ ಇರುವ ಯುದ್ಧ ಟ್ಯಾಂಕ್ ದುರಸ್ತಿ ಘಟಕ, ಶಸಸ್ತ್ರ ವಾಹನ ತಯಾರಿಕೆ ಮತ್ತು ಸೇನಾ ಸಲಕರಣೆಗಳ ಕಾರ್ಖಾನೆಯನ್ನೂ ದೂರಗಾಮಿ ಶ್ರೇಣಿಯ ಕ್ಷಿಪಣಿಗಳಿಂದ ದ್ವಂಸಗೊಳಿಸಲಾಗಿದೆ. ಮೈಕೊಲೈವ್ನಲ್ಲಿರುವ ಸೇನಾ ವಾಹನಗಳ ದುರಸ್ತಿ ಕಾರ್ಖಾನೆಯನ್ನೂ ನಾಶಪಡಿಸಲಾಗಿದೆ ಎಂದು ರಷ್ಯಾ ಹೇಳಿದೆ.</p>.<p class="bodytext">ಹಾರ್ಕಿವ್, ಡೊನೆಟ್ಸ್ಕ್, ಲುಹಾನ್ಸ್ಕ್ ಪ್ರದೇಶಗಳಲ್ಲಿ ಬಹುಮಹಡಿ ಕಟ್ಟಡಗಳು ಮತ್ತು ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡು ರಷ್ಯಾ ಪಡೆಗಳು ಶೆಲ್ ದಾಳಿ ಮುಂದುವರಿಸಿವೆ.</p>.<p class="bodytext">ಕೀವ್ನ ಆಗ್ನೇಯದ ಡಾರ್ನಿಟ್ಸ್ಕಿ ಜಿಲ್ಲೆಯಲ್ಲಿ ಕ್ಷಿಪಣಿ ದಾಳಿಯಾಗಿದ್ದು, ಸ್ಥಳದಲ್ಲಿ ದಟ್ಟ ಹೊಗೆ ಆವರಿಸಿದೆ. ಒಬ್ಬ ವ್ಯಕ್ತಿ ಮೃತಪಟ್ಟಿದ್ದು, ಹಲವರು ಗಾಯಗೊಂಡಿದ್ದಾರೆ. ರಾಜಧಾನಿಯ ಪಶ್ಚಿಮದಲ್ಲಿ ದಾಳಿ ತೀವ್ರಗೊಳಿಸಲು ರಷ್ಯಾ ಪಡೆಗಳು ಮರುಒಗ್ಗೂಡಿವೆ ಎಂದು ಕೀವ್ಮೇಯರ್ ವಿಟಾಲಿ ಕ್ಲಿಟ್ಸ್ಕೊ ತಿಳಿಸಿದರು.</p>.<p>ಬೆಲರೂಸ್ ನೆಲದಿಂದ ಕಾರ್ಯಾಚರಿಸಿರುವರಷ್ಯಾದ ಯುದ್ಧವಿಮಾನಗಳು, ಪೋಲೆಂಡ್ ಗಡಿ ಸಮೀಪದ ಲುವಿವ್ ನಗರದ ಮೇಲೆ ಕ್ಷಿಪಣಿ ದಾಳಿ ಮಾಡಿವೆ. ವಾಯು ರಕ್ಷಣಾ ವ್ಯವಸ್ಥೆಯಿಂದ ನಾಲ್ಕು ಕ್ರೂಸ್ ಕ್ಷಿಪಣಿಗಳನ್ನು ಹೊಡೆದುರುಳಿಸಲಾಗಿದೆ ಎಂದು ಉಕ್ರೇನ್ ಹೇಳಿದೆ.</p>.<p><a href="https://www.prajavani.net/world-news/russia-ukraine-war-lead-to-start-third-world-war-says-russian-media-928878.html" itemprop="url">ರಷ್ಯಾ-ಉಕ್ರೇನ್ ಯುದ್ಧ: ಈಗಾಗಲೇ ಮೂರನೇ ವಿಶ್ವಸಮರ ಪ್ರಾರಂಭ? </a></p>.<p>ಉಕ್ರೇನಿನ ನೆಪ್ಚೂನ್ ಕ್ಷಿಪಣಿಗಳ ದಾಳಿಯಿಂದ ‘ಮಾಸ್ಕವಾ’ ನೌಕೆ ಮುಳುಗಿದ ನಂತರ ರೊಚ್ಚಿಗೆದ್ದಿರುವ ರಷ್ಯಾ, ಉಕ್ರೇನಿನ ವಿಧ್ವಂಸಕ ಮತ್ತುಭಯೋತ್ಪಾದನಾ ಕೃತ್ಯಗಳನ್ನು ಹತ್ತಿಕ್ಕಲು ನಗರಗಳ ಮೇಲೆ ದೂರಗಾಮಿ ಕ್ಷಿಪಣಿಗಳ ದಾಳಿ ತೀವ್ರಗೊಳಿಸುವುದಾಗಿ ಶುಕ್ರವಾರ ಎಚ್ಚರಿಕೆ ನೀಡಿತ್ತು.</p>.<p>‘ಮರಿಯುಪೊಲ್ನಲ್ಲಿ ಕಷ್ಟದ ಪರಿಸ್ಥಿತಿ ಇದೆ. ಸದ್ಯ ಬೀದಿ ಕಾಳಗ ಮುಂದುವರಿದಿದೆ. ನಗರದ ಮೇಲೆ ದಾಳಿ ತೀವ್ರಗೊಳಿಸಲು ರಷ್ಯಾ ಸೇನಾ ಬಲ ಹೆಚ್ಚಿಸಿಕೊಳ್ಳುತ್ತಿದೆ’ ಎಂದು ಉಕ್ರೇನ್ ರಕ್ಷಣಾ ಸಚಿವಾಲಯದ ವಕ್ತಾರ ಒಲೆಕ್ಸಾಂಡರ್ ಮೊಟುಜಿಯಾನಿಕ್ ತಿಳಿಸಿದರು.</p>.<p>ಡಾನ್ಬಾಸ್ ಪ್ರಾಂತ್ಯದ ಲುಹಾನ್ಸ್ಕ್ನಲ್ಲಿ ರಷ್ಯಾದ ಶೆಲ್ ದಾಳಿಗೆ ಒಬ್ಬರು ಮೃತಪಟ್ಟಿದ್ದು, ಮೂವರು ಗಾಯಗೊಂಡಿದ್ದಾರೆ. ಲಿಸಿಚಾನ್ಸ್ಕ್ ಮತ್ತು ಸೆವೆರೊಡೊನೆಟ್ಸ್ಕ್ನಲ್ಲಿ ರಷ್ಯಾ ಪಡೆಗಳ ದಾಳಿಗೆ ಅನಿಲ ಪೈಪ್ ಹಾನಿಗೀಡಾಗಿದೆ ಎಂದು ಗವರ್ನರ್ ಸೆರಿಹಿ ಐದೈ ತಿಳಿಸಿದ್ದಾರೆ.</p>.<p><strong>ಉಕ್ರೇನಿನ 3 ಸಾವಿರ ಸೈನಿಕರ ಸಾವು:</strong></p>.<p>ಏಳು ವಾರಗಳ ಯುದ್ಧದಲ್ಲಿ ಸುಮಾರು 2,500ರಿಂದ 3,000 ಉಕ್ರೇನ್ ಸೈನಿಕರು ಹುತಾತ್ಮರಾಗಿದ್ದಾರೆ. ಸುಮಾರು 10 ಸಾವಿರ ಯೋಧರು ಗಾಯಗೊಂಡಿದ್ದಾರೆ. ಹಾಗೆಯೇ ನಮ್ಮ ಸೇನೆ, ರಷ್ಯಾದ ಸುಮಾರು 20 ಸಾವಿರ ಆಕ್ರಮಣಕಾರರನ್ನು ಕೊಂದಿದೆ ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಹೇಳಿದ್ದಾರೆ.</p>.<p><a href="https://www.prajavani.net/world-news/spanish-village-changes-its-name-to-ukraine-in-show-of-solidarity-928978.html" itemprop="url">ಉಕ್ರೇನ್ ಎಂದು ತನ್ನ ಹೆಸರನ್ನೇ ಬದಲಿಸಿಕೊಂಡ ಸ್ಪೇನ್ ದೇಶದ ಆ ಹಳ್ಳಿ: ಕಾರಣ ಏನು? </a></p>.<p>ಭಯೋತ್ಪಾದನೆ ಪ್ರಾಯೋಜಿತ ರಾಷ್ಟ್ರಗಳಾದಉತ್ತರ ಕೊರಿಯಾ, ಕ್ಯೂಬಾ, ಇರಾನ್ ಮತ್ತು ಸಿರಿಯಾ ಪಟ್ಟಿಗೆ ರಷ್ಯಾವನ್ನೂ ಸೇರಿಸಬೇಕೆಂದು ಝೆಲೆನ್ಸ್ಕಿ ಅಮೆರಿಕಕ್ಕೆ ಮನವಿ ಮಾಡಿರುವುದಾಗಿ ‘ವಾಷಿಂಗ್ಟನ್ ಪೋಸ್ಟ್’ ವರದಿ ಮಾಡಿದೆ.</p>.<p>‘ಪುಟಿನ್ ಮೇಲೆ ಒತ್ತಡ ಹೆಚ್ಚಿಸಲು ನಾವು ಎಲ್ಲ ಆಯ್ಕೆಗಳನ್ನು ಪರಿಗಣಿಸುವುದನ್ನು ಮುಂದುವರಿಸುತ್ತೇವೆ’ ಎಂದು ಶ್ವೇತಭವನದ ವಕ್ತಾರರು ಪ್ರತಿಕ್ರಿಯಿಸಿರುವುದಾಗಿ ಅದು ಹೇಳಿದೆ.</p>.<p><a href="https://www.prajavani.net/world-news/russia-bans-entry-to-british-pm-johnson-928907.html" itemprop="url">ಬ್ರಿಟನ್ ಪ್ರಧಾನಿ ಬೋರಿಸ್ ಸೇರಿ ಹಲವು ಅಧಿಕಾರಿಗಳಿಗೆ ರಷ್ಯಾ ಪ್ರವೇಶ ನಿರ್ಬಂಧ </a></p>.<p><strong>52ನೇ ದಿನದ ಬೆಳವಣಿಗೆಗಳು</strong></p>.<p>*ದಕ್ಷಿಣ ಸ್ಪೇನ್ನ ಫ್ಯುಯೆಂಟಸ್ ಡಿ ಆ್ಯಂಡಲೂಸಿಯಾ ನಗರವು ತನ್ನ ಹೆಸರನ್ನು ‘ಉಕ್ರೇನ್’ ಎಂದು ಮರುನಾಮಕರಣ ಮಾಡಿಕೊಂಡಿದೆ. ನಗರದ ರಸ್ತೆಗಳಿಗೆ ಕೀವ್, ಒಡೆಸಾ, ಮರಿಯುಪೊಲ್ ಹೆಸರಿಟ್ಟಿದೆ</p>.<p>*ರಷ್ಯಾದ ಮೇಲೆ ಹೇರಿರುವ ನಿರ್ಬಂಧಗಳು ಸಾಕಾಗುತ್ತಿಲ್ಲ. ವಿಶ್ವದ ಪ್ರಜಾಪ್ರಭುತ್ವ ರಾಷ್ಟ್ರಗಳೆಲ್ಲವೂ ರಷ್ಯಾದಿಂದ ತೈಲ ಖರೀದಿ ಸ್ಥಗಿತಗೊಳಿಸಬೇಕು– ಉಕ್ರೇನ್ ಅಧ್ಯಕ್ಷ ಝೆಲೆನ್ಸ್ಕಿ ಆಗ್ರಹ</p>.<p>*ರಷ್ಯಾದ ಆಕ್ರಮಣದ ವಿರುದ್ಧ ನ್ಯಾಟೊ ಸದಸ್ಯ ರಾಷ್ಟ್ರ ಟರ್ಕಿಯಿಂದಎಲ್ಲ ರೀತಿಯ ಬೆಂಬಲ ಪಡೆಯಲು ಪ್ರಯತ್ನ ನಡೆಸುತ್ತಿದ್ದೇವೆ– ಉಕ್ರೇನ್ ರಾಜತಾಂತ್ರಿಕರ ಹೇಳಿಕೆ</p>.<p>*ಮರಿಯುಪೊಲ್ ನಗರ ರಕ್ಷಣೆ ಮಾಡುತ್ತಿರುವ ರಕ್ಷಕರ ನಾಶ, ರಷ್ಯಾದ ಜತೆಗಿನ ಶಾಂತಿ ಮಾತುಕತೆಯನ್ನು ಕೊನೆಗೊಳಿಸಲಿದೆ– ಝೆಲೆನ್ಸ್ಕಿ ಎಚ್ಚರಿಕೆ</p>.<p>*ರಷ್ಯಾ ವಿಶೇಷ ಸೇನಾ ಕಾರ್ಯಾಚರಣೆ ಆರಂಭಿಸುವುದಕ್ಕೂ ಮೊದಲೇ ಜರ್ಮನಿ ಮತ್ತು ಅಮೆರಿಕ ಜತೆಗೂಡಿ ಉಕ್ರೇನ್ನಲ್ಲಿ ಹಲವು ವರ್ಷಗಳಿಂದ ಸೇನಾ ಜೈವಿಕ ಅಸ್ತ್ರಗಳ ಚಟುವಟಿಕೆಗಳನ್ನು ನಡೆಸುತ್ತಿವೆ. ಅದೂ ಈಗಲೂ ಮುಂದುವರಿದಿರುವ ಸಾಧ್ಯತೆ ಇದೆ– ರಷ್ಯಾದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರೆ ಮರಿಯಾ ಝಕಾರೊವಾ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>