<p><strong>ಬೆಂಗಳೂರು</strong>: ಇಂದಿನ ದಿನಮಾನಗಳಲ್ಲಿ ಮಹಿಳೆಯರು ಉದ್ಯೋಗ ಹಾಗೂ ಕುಟುಂಬ ಎರಡನ್ನೂ ನಿಭಾಯಿಸುವಲ್ಲಿ ಹೆಣಗಾಡುವುದನ್ನು ನೋಡುತ್ತಿರುತ್ತೇವೆ. ಸ್ವಲ್ಪ ದೂರವಿದ್ದರೂ ಕಚೇರಿ–ಮನೆ, ಮನೆ–ಕಚೇರಿಗೆ ಅಲೆದಾಡುವುದೂ ಅವರಿಗೆ ಸವಾಲೇ ಸರಿ.</p><p>ಆದರೆ ಇಲ್ಲೊಬ್ಬ ಮಹಿಳೆ ಅಚ್ಚರಿ ಎನ್ನುವಂತೆ ಉದ್ಯೋಗ ಹಾಗೂ ಕುಟುಂಬವನ್ನು ಸಮತೋಲಿಸಲು ವಿಮಾನದಲ್ಲಿ ಮನೆ–ಕಚೇರಿ, ಕಚೇರಿ–ಮನೆಗೆ ವಾರದಲ್ಲಿ ಐದು ದಿನ ಅಲೆದಾಡುತ್ತಾರೆ.</p><p>ಮಲೇಷಿಯಾದಲ್ಲಿ ಏರ್ ಏಷಿಯಾ ಕಂಪನಿಯಲ್ಲಿ ಹಣಕಾಸು ಅಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಭಾರತ ಮೂಲದ ರಾಚಿಲ್ ಕೌರ್ ಎನ್ನುವ ಮಹಿಳೆ ಮನೆಯಿಂದ ಕಚೇರಿಗೆ, ಕಚೇರಿಯಿಂದ ಮನೆಗೆ ವಾರದಲ್ಲಿ ಐದು ದಿನ ವಿಮಾನದಲ್ಲಿ ಪ್ರಯಾಣಿಸುತ್ತಾರೆ.</p><p>ರಾಚಿಲ್ ಕೌರ್ ಅವರ ಮನೆ ಮಲೇಷಿಯಾದ ಪೆನಾಂಗ್ನಲ್ಲಿದೆ. ಅವರು ಕೆಲಸ ಮಾಡುವ ಏರ್ ಏಷಿಯಾದ ಕಚೇರಿ ಮಲೇಷಿಯಾದ ಸೆಪಾಂಗ್ನಲ್ಲಿದೆ. ಇವೆರಡ ಅಂತರ 400 ಕಿ.ಮೀ.</p><p>ರಾಚಿಲ್ ಅವರ ಇಬ್ಬರು ಮಕ್ಕಳು ಮತ್ತು ರಾಚಿಲ್ ಅವರ ತಾಯಿ ಪೆನಾಂಗ್ನ ಬಾಡಿಗೆ ಮನೆಯಲ್ಲಿ ನೆಲೆಸಿದ್ದಾರೆ. ಅವರ ಇಬ್ಬರು ಮಕ್ಕಳು ಪೆನಾಂಗ್ನಲ್ಲಿ ಪ್ರಾಥಮಿಕ ಶಾಲೆಗೆ ಹೋಗುತ್ತಾರೆ. ಈ ಹಿನ್ನೆಲೆಯಲ್ಲಿ ಮಕ್ಕಳು ಹಾಗೂ ಕುಟುಂಬಕ್ಕೋಸ್ಕರ ತಾನು ಈ ರೀತಿ ಮಾಡುತ್ತಿದ್ದೇನೆ ಎಂದು ಅವರು ತಿಳಿಸಿದ್ದಾರೆ. ಅಲ್ಲದೇ ಈ ಹಿಂದೆ ಅವರು ವಾರಾಂತ್ಯಕ್ಕೆ ಮಾತ್ರ ಬಂದು ಹೋಗುತ್ತಿದ್ದೆ. ಆದರೆ, ಈಗ ಮಕ್ಕಳು ದೊಡ್ಡವರಾಗುತ್ತಿರುವುದರಿಂದ ಅವರೊಟ್ಟಿಗೆ ನಾನು ಇರಲೇಬೇಕು ಎಂದು ಹೇಳಿದ್ದಾರೆ.</p><p>ಕೆಲಸಕ್ಕೆ ಹೋಗುವ ದಿನಗಳಲ್ಲಿ ರಾಚಿಲ್ ಅವರು ಪ್ರತಿದಿನ ಬೆಳಿಗ್ಗೆ 4ಕ್ಕೆ ಎದ್ದು 5 ಗಂಟೆಗೆ ಪೆನಾಂಗ್ ವಿಮಾನ ನಿಲ್ದಾಣದಲ್ಲಿರುತ್ತಾರೆ. 5.55ಕ್ಕೆ ವಿಮಾನ ಏರಿ ಬೆಳಿಗ್ಗೆ 7.45ಕ್ಕೆ ಸೆಪಾಂಗ್ನ ಏರ್ ಏಷಿಯಾ ಕಚೇರಿಯಲ್ಲಿರುತ್ತಾರೆ. ವಾಪಸ್ ಮನೆ ತಲುಪಿದಾಗ ರಾತ್ರಿ 7 ಗಂಟೆಯಾಗಿರುತ್ತದೆ.</p><p>ಈ ಪ್ರಕ್ರಿಯೆ ಇಷ್ಟು ಕಷ್ಟವಾದರೂ, ಹೆಚ್ಚು ಹಣ ಖರ್ಚಾದರೂ ಕಚೇರಿಯಲ್ಲಿ ಇದ್ದಾಗ ನೂರಕ್ಕೆ ನೂರರಷ್ಟು ಕೆಲಸದ ಕಡೆಗೆ ಗಮನ ಹರಿಸುವೆ. ಮನೆಯಲ್ಲಿದ್ದಾಗ ನೂರಕ್ಕೆ ನೂರರಷ್ಟು ಕುಟುಂಬದ ಕಡೆಗೆ ಗಮನ ಹರಿಸುವೆ ಎಂದು ಹೇಳುತ್ತಾರೆ.</p><p>ಇನ್ನೊಂದು ವಿಶೇಷ ಎಂದರೆ ರಾಚಿಲ್ ಅವರು ಸೆಪಾಂಗ್ ಹೋಗಲು ಈ ಮೊದಲು ಕೌಲಾಲಂಪುರ್ದಲ್ಲಿ ಬಾಡಿಗೆ ಮನೆ ಮಾಡಿದ್ದಾಗ ಅದಕ್ಕೆ ಕೊಡುತ್ತಿದ್ದ ಬಾಡಿಗೆ ಭಾರತೀಯ ರೂಪಾಯಿಯಲ್ಲಿ ₹25 ಸಾವಿರ. ಆದರೆ ರಾಚಿಲ್ ಅವರು ವಿಮಾನ ಪ್ರಯಾಣಕ್ಕೆ ತಿಂಗಳಿಗೆ ರಿಯಾಯಿತಿ ದರದಲ್ಲಿ ಪಾವತಿಸುತ್ತಿರುವುದು ₹20 ಸಾವಿರ!</p><p>ಪ್ರಯಾಣದ ವೇಳೆ ಓದು, ಸಂಗೀತದ ಜೊತೆ ಸಮಯ ಕಳೆಯುತ್ತೇನೆ. ಈ ಬಗ್ಗೆ ಹಲವರು ನೀನು ಹುಚ್ಚಿ ಎಂದು ಕಿಚಾಯಿಸುತ್ತಾರೆ. ಇದರಿಂದ ನನಗೇನು ಬೇಸರವಿಲ್ಲ ಎಂದಿದ್ದಾರೆ.</p><p>ಈ ಕುರಿತು ಮಲೇಷಿಯಾದ ಸಿಎನ್ಎ ಇನ್ಸೈಡರ್ ಎಂಬ ಚಾನಲ್ನ ಯೂಟ್ಯೂಬ್ನಲ್ಲಿ ರಾಚಿಲ್ ಅವರ ಸಂದರ್ಶನ ಪ್ರಸಾರವಾಗಿದೆ. ಈ ಸಂದರ್ಶನ ಇಂಟರ್ನೆಟ್ನಲ್ಲಿ ಗಮನ ಸೆಳೆದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಇಂದಿನ ದಿನಮಾನಗಳಲ್ಲಿ ಮಹಿಳೆಯರು ಉದ್ಯೋಗ ಹಾಗೂ ಕುಟುಂಬ ಎರಡನ್ನೂ ನಿಭಾಯಿಸುವಲ್ಲಿ ಹೆಣಗಾಡುವುದನ್ನು ನೋಡುತ್ತಿರುತ್ತೇವೆ. ಸ್ವಲ್ಪ ದೂರವಿದ್ದರೂ ಕಚೇರಿ–ಮನೆ, ಮನೆ–ಕಚೇರಿಗೆ ಅಲೆದಾಡುವುದೂ ಅವರಿಗೆ ಸವಾಲೇ ಸರಿ.</p><p>ಆದರೆ ಇಲ್ಲೊಬ್ಬ ಮಹಿಳೆ ಅಚ್ಚರಿ ಎನ್ನುವಂತೆ ಉದ್ಯೋಗ ಹಾಗೂ ಕುಟುಂಬವನ್ನು ಸಮತೋಲಿಸಲು ವಿಮಾನದಲ್ಲಿ ಮನೆ–ಕಚೇರಿ, ಕಚೇರಿ–ಮನೆಗೆ ವಾರದಲ್ಲಿ ಐದು ದಿನ ಅಲೆದಾಡುತ್ತಾರೆ.</p><p>ಮಲೇಷಿಯಾದಲ್ಲಿ ಏರ್ ಏಷಿಯಾ ಕಂಪನಿಯಲ್ಲಿ ಹಣಕಾಸು ಅಧಿಕಾರಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಭಾರತ ಮೂಲದ ರಾಚಿಲ್ ಕೌರ್ ಎನ್ನುವ ಮಹಿಳೆ ಮನೆಯಿಂದ ಕಚೇರಿಗೆ, ಕಚೇರಿಯಿಂದ ಮನೆಗೆ ವಾರದಲ್ಲಿ ಐದು ದಿನ ವಿಮಾನದಲ್ಲಿ ಪ್ರಯಾಣಿಸುತ್ತಾರೆ.</p><p>ರಾಚಿಲ್ ಕೌರ್ ಅವರ ಮನೆ ಮಲೇಷಿಯಾದ ಪೆನಾಂಗ್ನಲ್ಲಿದೆ. ಅವರು ಕೆಲಸ ಮಾಡುವ ಏರ್ ಏಷಿಯಾದ ಕಚೇರಿ ಮಲೇಷಿಯಾದ ಸೆಪಾಂಗ್ನಲ್ಲಿದೆ. ಇವೆರಡ ಅಂತರ 400 ಕಿ.ಮೀ.</p><p>ರಾಚಿಲ್ ಅವರ ಇಬ್ಬರು ಮಕ್ಕಳು ಮತ್ತು ರಾಚಿಲ್ ಅವರ ತಾಯಿ ಪೆನಾಂಗ್ನ ಬಾಡಿಗೆ ಮನೆಯಲ್ಲಿ ನೆಲೆಸಿದ್ದಾರೆ. ಅವರ ಇಬ್ಬರು ಮಕ್ಕಳು ಪೆನಾಂಗ್ನಲ್ಲಿ ಪ್ರಾಥಮಿಕ ಶಾಲೆಗೆ ಹೋಗುತ್ತಾರೆ. ಈ ಹಿನ್ನೆಲೆಯಲ್ಲಿ ಮಕ್ಕಳು ಹಾಗೂ ಕುಟುಂಬಕ್ಕೋಸ್ಕರ ತಾನು ಈ ರೀತಿ ಮಾಡುತ್ತಿದ್ದೇನೆ ಎಂದು ಅವರು ತಿಳಿಸಿದ್ದಾರೆ. ಅಲ್ಲದೇ ಈ ಹಿಂದೆ ಅವರು ವಾರಾಂತ್ಯಕ್ಕೆ ಮಾತ್ರ ಬಂದು ಹೋಗುತ್ತಿದ್ದೆ. ಆದರೆ, ಈಗ ಮಕ್ಕಳು ದೊಡ್ಡವರಾಗುತ್ತಿರುವುದರಿಂದ ಅವರೊಟ್ಟಿಗೆ ನಾನು ಇರಲೇಬೇಕು ಎಂದು ಹೇಳಿದ್ದಾರೆ.</p><p>ಕೆಲಸಕ್ಕೆ ಹೋಗುವ ದಿನಗಳಲ್ಲಿ ರಾಚಿಲ್ ಅವರು ಪ್ರತಿದಿನ ಬೆಳಿಗ್ಗೆ 4ಕ್ಕೆ ಎದ್ದು 5 ಗಂಟೆಗೆ ಪೆನಾಂಗ್ ವಿಮಾನ ನಿಲ್ದಾಣದಲ್ಲಿರುತ್ತಾರೆ. 5.55ಕ್ಕೆ ವಿಮಾನ ಏರಿ ಬೆಳಿಗ್ಗೆ 7.45ಕ್ಕೆ ಸೆಪಾಂಗ್ನ ಏರ್ ಏಷಿಯಾ ಕಚೇರಿಯಲ್ಲಿರುತ್ತಾರೆ. ವಾಪಸ್ ಮನೆ ತಲುಪಿದಾಗ ರಾತ್ರಿ 7 ಗಂಟೆಯಾಗಿರುತ್ತದೆ.</p><p>ಈ ಪ್ರಕ್ರಿಯೆ ಇಷ್ಟು ಕಷ್ಟವಾದರೂ, ಹೆಚ್ಚು ಹಣ ಖರ್ಚಾದರೂ ಕಚೇರಿಯಲ್ಲಿ ಇದ್ದಾಗ ನೂರಕ್ಕೆ ನೂರರಷ್ಟು ಕೆಲಸದ ಕಡೆಗೆ ಗಮನ ಹರಿಸುವೆ. ಮನೆಯಲ್ಲಿದ್ದಾಗ ನೂರಕ್ಕೆ ನೂರರಷ್ಟು ಕುಟುಂಬದ ಕಡೆಗೆ ಗಮನ ಹರಿಸುವೆ ಎಂದು ಹೇಳುತ್ತಾರೆ.</p><p>ಇನ್ನೊಂದು ವಿಶೇಷ ಎಂದರೆ ರಾಚಿಲ್ ಅವರು ಸೆಪಾಂಗ್ ಹೋಗಲು ಈ ಮೊದಲು ಕೌಲಾಲಂಪುರ್ದಲ್ಲಿ ಬಾಡಿಗೆ ಮನೆ ಮಾಡಿದ್ದಾಗ ಅದಕ್ಕೆ ಕೊಡುತ್ತಿದ್ದ ಬಾಡಿಗೆ ಭಾರತೀಯ ರೂಪಾಯಿಯಲ್ಲಿ ₹25 ಸಾವಿರ. ಆದರೆ ರಾಚಿಲ್ ಅವರು ವಿಮಾನ ಪ್ರಯಾಣಕ್ಕೆ ತಿಂಗಳಿಗೆ ರಿಯಾಯಿತಿ ದರದಲ್ಲಿ ಪಾವತಿಸುತ್ತಿರುವುದು ₹20 ಸಾವಿರ!</p><p>ಪ್ರಯಾಣದ ವೇಳೆ ಓದು, ಸಂಗೀತದ ಜೊತೆ ಸಮಯ ಕಳೆಯುತ್ತೇನೆ. ಈ ಬಗ್ಗೆ ಹಲವರು ನೀನು ಹುಚ್ಚಿ ಎಂದು ಕಿಚಾಯಿಸುತ್ತಾರೆ. ಇದರಿಂದ ನನಗೇನು ಬೇಸರವಿಲ್ಲ ಎಂದಿದ್ದಾರೆ.</p><p>ಈ ಕುರಿತು ಮಲೇಷಿಯಾದ ಸಿಎನ್ಎ ಇನ್ಸೈಡರ್ ಎಂಬ ಚಾನಲ್ನ ಯೂಟ್ಯೂಬ್ನಲ್ಲಿ ರಾಚಿಲ್ ಅವರ ಸಂದರ್ಶನ ಪ್ರಸಾರವಾಗಿದೆ. ಈ ಸಂದರ್ಶನ ಇಂಟರ್ನೆಟ್ನಲ್ಲಿ ಗಮನ ಸೆಳೆದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>