‘ಬೈಡನ್ ಆಡಳಿತವು ಭಾರತ ಸಹಿತ ಜಗತ್ತಿನ ಹಲವು ದೇಶಗಳಿಗೆ 80 ದಶಲಕ್ಷ ಡೋಸ್ ಲಸಿಕೆಯನ್ನು ದೇಣಿಗೆಯಾಗಿ ನೀಡುವ ಪ್ರಕಟಣೆ ನೀಡಿದೆ. ಈಗಾಗಲೇ ಪಾಕಿಸ್ತಾನ, ನೇಪಾಳ, ಭೂತಾನ್, ಬಾಂಗ್ಲಾದೇಶದಂತಹ ಕೆಲವು ರಾಷ್ಟ್ರಗಳಿಗೆ ಕಳುಹಿಸಿಕೊಡಲಾಗಿದೆ. ಆದರೆ ಭಾರತವು ಕೆಲವು ಕಾನೂನು ವಿಷಯಗಳ ಪರಿಶೀಲನೆಗೆ ಸಮಯ ಬೇಕು ಎಂದು ಕೇಳಿದೆ. ಲಸಿಕೆ ಕಳುಹಿಸಿಕೊಡಬಹುದು ಎಂದು ಭಾರತ ಹೇಳಿದ ತಕ್ಷಣ ಲಸಿಕೆ ಪೂರೈಸಲಾಗುವುದು’ ಎಂದು ವಿದೇಶಾಂಗ ವಿಲಾಖೆಯ ವಕ್ತಾರ ನೆಡ್ ಪ್ರೈಸ್ ತಿಳಿಸಿದರು.