ಇಸ್ರೇಲ್ ಜತೆಗಿನ ಸಂಬಂಧ ಅಬಾಧಿತ: ಅಮೆರಿಕ

ರಾಷ್ಟ್ರೀಯ ಭದ್ರತಾ ಕೌನ್ಸಿಲ್‌ನ ವಕ್ತಾರ ಜಾನ್ ಕಿರ್ಬಿ, ‘ಬೈಡನ್ ಹಾಕಿದ ಕೆಂಪು ಗೆರೆಯನ್ನು ಇಸ್ರೇಲ್ ದಾಟಿಲ್ಲ. ರಫಾ ನಗರದಲ್ಲಿ ಇಸ್ರೇಲ್ ಪೂರ್ಣ ಪ್ರಮಾಣದ ದಾಳಿ ನಡೆಸುವುದಿಲ್ಲ ಎಂಬಂತೆ ಅಮೆರಿಕಕ್ಕೆ ಕಂಡುಬರುತ್ತಿದೆ. ರಫಾದಲ್ಲಿರುವ ಜನನಿಬಿಡ ಕೇಂದ್ರಗಳನ್ನು ಗುರಿಯಾಗಿಸಿ ದಾಳಿ ಮಾಡಿಲ್ಲ’ ಎಂದು ತಿಳಿಸಿದ್ದಾರೆ.

‘ಜನರು ಮೃತಪಟ್ಟಿರುವುದು ಹೃದಯವಿದ್ರಾವಕ, ಭೀಕರ. ಈ ದಾಳಿಯ ಕುರಿತು ಇಸ್ರೇಲ್ ನಡೆಸುತ್ತಿರುವ ತನಿಖೆಯ ಫಲಿತಾಂಶಗಳ ಮೇಲೆ ಅಮೆರಿಕ ನಿಗಾ ವಹಿಸಿದೆ. ಈ ದಾಳಿಯಲ್ಲಿ ಹಮಾಸ್‌ನ ಇಬ್ಬರು ಹಿರಿಯ ಮುಖ್ಯಸ್ಥರು ಹತರಾಗಿದ್ದಾರೆ ಎಂಬುದು ನಮಗೆ ಅರ್ಥವಾಗಿದೆ. ಮುಗ್ಧ ಜನರ ರಕ್ಷಣೆಗಾಗಿ ಅಗತ್ಯವಿರುವ ಕ್ರಮಗಳನ್ನು ಕೈಗೊಳ್ಳುವಂತೆ ಇಸ್ರೇಲ್‌ಗೆ ಮೊದಲಿನಿಂದಲೂ ಹೇಳುತ್ತಾ ಬಂದಿದ್ದೇವೆ’ ಎಂದೂ ಹೇಳಿದ್ದಾರೆ.