ವಿಡಿಯೊ ಗೇಮ್ಸ್‌ಗಳಿಂದ ಮಕ್ಕಳಲ್ಲಿ ಹೃದಯ ಸಂಬಂಧಿ ಗಂಭೀರ ಸಮಸ್ಯೆ: ಅಧ್ಯಯನ

ಮೆಲ್ಬರ್ನ್ : ‘ವಿಡಿಯೊ ಗೇಮ್ಸ್ಗಳಿಂದ ಮಕ್ಕಳಲ್ಲಿ ಗಂಭೀರ ಸ್ವರೂಪದ ಹೃದಯ ಸಂಬಂಧಿ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು’ ಎಂದು ಈಚೆಗೆ ನಡೆದಿರುವ ಅಧ್ಯಯನ ವರದಿಯೊಂದು ಎಚ್ಚರಿಸಿದೆ.

. ‘ಹಾರ್ಟ್ ರೈಮ್’ ನಿಯತಕಾಲಿಕದಲ್ಲಿ ಈಚೆಗೆ ಈ ಅಧ್ಯಯನ ವರದಿಯು ಪ್ರಕಟವಾಗಿದೆ. ಮಕ್ಕಳಲ್ಲಿನ ಹೃದಯಬಡಿತ ಕ್ರಮದಲ್ಲಿ ಏರುಪೇರಾಗಬಹುದು ಹಾಗೂ ವಿಡಿಯೊ ಗೇಮ್ಸ್ ಆಡುವಾಗಲೇ ಪ್ರಜ್ಞೆ ಕಳೆದುಕೊಳ್ಳುವ ಸಂದರ್ಭಗಳು ತಲೆದೋರಬಹುದು ಎಂದು ವರದಿ ತಿಳಿಸಿದೆ.

. ‘ವಿಡಿಯೊ ಗೇಮ್ಸ್ಗಳು ಮಕ್ಕಳನ್ನು ಅಸಹಜ ಸ್ಥಿತಿಗೆ ಒಯ್ಯಲಿವೆ. ಆದರೆ, ಹೃದಯಸಂಬಂಧಿ ಸಮಸ್ಯೆಗಳ ಲಕ್ಷಣಗಳು ಮುಂದಾಗಿಯೇ ಗೋಚರಿಸದಿರಬಹುದು’ ಎಂದು ಅಧ್ಯಯನ ತಂಡದ ನೇತೃತ್ವವನ್ನು ವಹಿಸಿದ್ದ ಆಸ್ಟ್ರೇಲಿಯದ ದ ಹಾರ್ಟ್ ಸೆಂಟರ್ನ ಕ್ಲೇರ್ ಎಂ.ಲಾಲಿ ಅವರು ಅಭಿಪ್ರಾಯಪಡುತ್ತಾರೆ.

. ಎಲೆಕ್ಟ್ರಾನಿಕ್ ಪರಿಕರಗಳ ಜೊತೆಗೆ ಆಟವಾಡುವಾಗ ಮಕ್ಕಳು ಹಠಾತ್ತನೇ ಪ್ರಜ್ಞೆ ಕಳೆದುಕೊಳ್ಳಬಹುದು. ಇಂಥ ಲಕ್ಷಣಗಳು ಭವಿಷ್ಯದಲ್ಲಿ ಅವರಿಗೆ ಗಂಭೀರ ಸಮಸ್ಯೆ ತಂದೊಡ್ಡಬಹುದು. ಹೀಗಾಗಿ, ಹೃದ್ರೋಗ ತಜ್ಞರ ತಪಾಸಣೆಗೆ ಒಳಪಡಿಸುವುದು ಉತ್ತಮ ಎಂದೂಸಲಹೆ ಮಾಡುತ್ತಾರೆ.

. ಮಕ್ಕಳು ಹಠಾತ್ತನೇ ಪ್ರಜ್ಞೆ ಕಳೆದುಕೊಂಡಿರುವ ವಿವಿಧ ಪ್ರಕರಣಗಳ ಅಧ್ಯಯನದ ಜೊತೆಗೆ ಪೂರಕವಾದ ಸಂಶೋಧನಾ ಲೇಖನಗಳನ್ನುಅಧ್ಯಯನ ತಂಡ ಪರಾಮರ್ಶೆ ಮಾಡಿದೆ. 22 ಪ್ರಕರಣಗಳನ್ನು ಗಮನಿಸಿದ್ದು, ಹೆಚ್ಚಿನ ಪ್ರಕರಣಗಳಲ್ಲಿ ಸಮಸ್ಯೆಗೆ ಮೂಲ ಕಾರಣವೇ ವಿಡಿಯೊ ಗೇಮ್ಸ್ ಎಂಬುದು ದೃಢಪಟ್ಟಿದೆ ಎಂದು ಹೇಳಿದ್ದಾರೆ.

. ಕೆಲವು ಮಕ್ಕಳು ಹೃದಯಸ್ತಂಭನದಿಂದ ಮೃತಪಟ್ಟಿದ್ದಾರೆ ಎಂದು ತಿಳಿಸಿದ್ದಾರೆ. ಕೆಲವು ಪ್ರಕರಣಗಳನ್ನು ತಪಾಸಣೆಗೆ ಒಳಪಡಿಸಿದಾಗ ಮಕ್ಕಳು ಗಂಭೀರ ಸಮಸ್ಯೆಗೆ ತುತ್ತಾಗಿರುವುದು ಕಂಡುಬಂದಿದೆ. ಇನ್ನು ಕೆಲ ಸಂದರ್ಭಗಳಲ್ಲಿ ಮಕ್ಕಳ ಕುಟುಂಬದ ಸದಸ್ಯರಲ್ಲಿಯೂ ಇಂತ ಲಕ್ಷಣಗಳು ಕಂಡುಬಂದಿವೆ ಎಂದು ಹೇಳಿದ್ದಾರೆ.

. ಎಲೆಕ್ಟ್ರಾನಿಕ್ ಗೇಮ್ಸ್ನಿಂದಾಗುವ ಪ್ರತಿಕೂಲ ಪರಿಣಾಮಗಳ ಕುರಿತು ಕುಟುಂಬಗಳು ಮತ್ತು ಆರೋಗ್ಯ ಕ್ಷೇತ್ರದ ಪ್ರಮುಖರು ಚಿಂತನೆ ನಡೆಸುವುದು ಅಗತ್ಯ. ಮಕ್ಕಳು ಗೇಮ್ಸ್ ಜೊತೆಗೆ ಭಾವನಾತ್ಮಕವಾಗಿ ಬೆಸೆಯುವುದರಿಂದ ಅದರ ಪರಿಣಾಮವು ನರವ್ಯವಸ್ಥೆಯ ಮೇಲೂ ಆಗಲಿದೆ ಎಂದು ಅವರು ವಿಶ್ಲೇಷಿಸಿದ್ದಾರೆ.

. ಹೃದಯಾಘಾತದ ಸಂದರ್ಭದಲ್ಲಿ ಬಹುತೇಕ ರೋಗಿಗಳು ಉದ್ವೇಗದ ಸ್ಥಿತಿಯಲ್ಲಿ ಅಂದರೆ ಆಟದಲ್ಲಿ ಜಯ ಅಥವಾ ಸೋಲಿನ ಸಂದರ್ಭದಲ್ಲಿ ಇರುತ್ತಾರೆ. ಅಥವಾ ತನ್ನ ಜೊತೆಗೆ ಆಟವಾಡುತ್ತಿರುವವರ ಜೊತೆಗೆ ಸಂಘರ್ಷದ ಮನಸ್ಥಿತಿಯಲ್ಲಿ ಇರುತ್ತಾರೆ ಎಂದು ಹೇಳಿದ್ದಾರೆ.

. ಹೃದಯ ಸಂಬಂಧಿ ಸಮಸ್ಯೆಗಳಿರುವ ಮಕ್ಕಳು ತೀವ್ರ ಸ್ಪರ್ಧೆಯುಳ್ಳ ಆಟೋಟಗಳಲ್ಲಿ ತೊಡಗಿದಾಗ ಅಪಾಯಕ್ಕೆ ಗುರಿಯಾಗಬಹುದು ಎಂದು ಈಗಾಗಲೇ ತಿಳಿದಿತ್ತು. ಆದರೆ, ವಿಡಿಯೊ ಗೇಮ್ಸ್ನಲ್ಲಿಯೂ ಗಂಭೀರ ಸಮಸ್ಯೆ ಕಾಣಿಸಲಿದೆ ಎಂಬುದು ಆಘಾತ ಮೂಡಿಸುವ ಸಂಗತಿ ಎಂದು ಅಧ್ಯಯನದಲ್ಲಿ ಪಾಲ್ಗೊಂಡಿದ್ದ ಕ್ರಿಸ್ಟಿಯನ್ ಟರ್ನರ್ ಹೇಳಿದರು.

. ವಿಡಿಯೊ ಗೇಮ್ಸ್ಗಳು ಮಕ್ಕಳಿಗೆ ಒಂದು ಸುರಕ್ಷಿತ ಚಟುವಟಿಕೆ ಎಂದು ಇದುವರೆಗೂ ಭಾವಿಸಲಾಗಿತ್ತು. ಆದರೆ, ವಾಸ್ತವ ಸಂಗತಿಯು ಹಾಗಿಲ್ಲ ಎಂಬುದೇ ಈ ಅಧ್ಯಯನದಲ್ಲಿ ಕಂಡುಬಂದಿರುವ ಪ್ರಮುಖ ಅಂಶವಾಗಿದೆ ಎಂದೂ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಡಿಯೊ ಗೇಮ್ಸ್‌ಗಳಿಂದ ಮಕ್ಕಳಲ್ಲಿ ಹೃದಯ ಸಂಬಂಧಿ ಗಂಭೀರ ಸಮಸ್ಯೆ: ಅಧ್ಯಯನ

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...