ಲಿಬಿಯಾ: ಹುಟ್ಟೂರಲ್ಲೇ ಶೋಷಣೆ, ಕನಸು ಹೊತ್ತು ತೆರಳಿದ ನಾಡಲ್ಲಂತೂ ‘ನರಕ’

ಮೆಡಿನೈನ್ (ಟ್ಯುನೇಷಿಯಾ): ಲೈಂಗಿಕ ಗುಲಾಮಗಿರಿ, ವೇಶ್ಯಾವಾಟಿಕೆ ಬಗೆಗಿನ ವರದಿಗಳನ್ನು ಟಿ.ವಿ ವಾಹಿನಿಗಳಲ್ಲಷ್ಟೇ ನೋಡಿದ್ದ ಯುವತಿಯೊಬ್ಬಳು ತನಗೆ ಅರಿವಿಲ್ಲದೆ ಲಿಬಿಯಾದಲ್ಲಿ ಈ ವೇಶ್ಯಾವಾಟಿಕೆಯ ಜಾಲದ ಕೂಪಕ್ಕೆ ಸಿಲುಕಿ ಲೈಂಗಿಕ ಶೋಷಣೆ, ದೌರ್ಜನ್ಯಕ್ಕೆ ಒಳಗಾದ ಕರುಣಾಜನಕ ಕಥೆಯಿದು.

. ಆಕೆಯ ಹೆಸರು ಆಯಿಷಾ. ಪಶ್ಚಿಮ ಆಫ್ರಿಕಾದ ಗಿನಿಯಾ ಮೂಲದವಳು. ಹೋಟೆಲ್ ಮ್ಯಾನೇಜ್ಮೆಂಟ್ ಪದವೀಧರೆಯಾದ ಆಕೆ ತನ್ನ ಸಂಬಂಧಿಗಳು ಮತ್ತು ನೆರೆ ಹೊರೆಯವರಿಂದಲೇ ಲೈಂಗಿಕ ಶೋಷಣೆಗೆ ಒಳಗಾಗಿದ್ದ ನತದೃಷ್ಟೆ. ಇದರ ಪರಿಣಾಮ ಆಕೆಗೆ ಐದು ಬಾರಿ ಗರ್ಭಪಾತವಾಗಿತ್ತು. ಮಧುಮೇಹಿಯೂ ಆಗಿದ್ದಳು.

. ಸಂಬಂಧಿಕರ ಬಲೆಯಿಂದ ತಪ್ಪಿಸಿಕೊಂಡ ಆಕೆ, ಸಿಲುಕಿದ್ದು ಇನ್ನಷ್ಟು ಭಯಂಕರವಾದ ವೇಶ್ಯಾವಾಟಿಕೆಯ ಕೂಪವನ್ನು!!

. ತನ್ನ ತಾಯ್ನಾಡನ್ನು ತೊರೆಯಲೇಬೇಕು ಎಂದು ನಿರ್ಧರಿಸಿದ್ದ ಆಯಿಷಾ, ನೆರೆಯ ಲಿಬಿಯಾದಲ್ಲಿದ್ದ ತನ್ನ ಮಾಜಿ ಸಹಪಾಠಿಯನ್ನು ಸಂಪರ್ಕಿಸಿ, ಆಕೆಯ ನೆರವಿನಿಂದ ಲಿಬಿಯಾಕ್ಕೆ ಬಂದಳು.

. ‘ನಾನು ಲಿಬಿಯಾಕ್ಕೆ ಬರುತ್ತಿದ್ದಂತೆಯೇ ನನ್ನ ಸ್ನೇಹಿತೆಯೇ ನನ್ನ ಬಳಿ ಪುರುಷರನ್ನು ಬಿಟ್ಟು ಲೈಂಗಿಕ ದೌರ್ಜನ್ಯ ಎಸಗಲು ಕಾರಣಳಾದಳು’ ಎಂದು ಕಣ್ಣೀರು ಹಾಕುತ್ತಾರೆ ಆಯಿಷಾ.

. ‘ನನ್ನನ್ನು ಕೋಣೆಯೊಂದರಲ್ಲಿ ಕೂಡಿಹಾಕಿದ್ದ ಸ್ನೇಹಿತೆ, ನಾಯಿಗೆ ನೀಡುವಂತೆ ಊಟ ನೀಡುತ್ತಿದ್ದಳು. ನಂತರ ಕೋಣೆಗೆ ಮದ್ಯಪಾನ ಮಾಡಿದ ಪುರುಷ ಬರುತ್ತಿದ್ದ. ಬಳಿಕದ್ದು ನನಗೆ ನೆನಪಿಲ್ಲ’ ಎಂದು ನಡುಗುತ್ತ, ಗದ್ಗದಿತರಾಗಿ ಹೇಳುತ್ತಾರೆ.

. ಮೂರು ತಿಂಗಳು ವೇಶ್ಯಾವಾಟಿಕೆಯ ಕೂಪದಲ್ಲಿದ್ದ ಆಯಿಷಾ ಮೇಲೆ ವ್ಯಕ್ತಿಯೊಬ್ಬ ಕರುಣೆ ತೋರಿದ. ಆಕೆಯನ್ನು ಬಂಧಿಸಿದ್ದ ವ್ಯಕ್ತಿಗೆ ಬೆದರಿಕೆ ಹಾಕಿ ಆಯಿಷಾಳನ್ನು ಬಿಡಿಸಿದ ಆತ, ಹಣಕಾಸಿನ ನೆರವನ್ನೂ ನೀಡಿ ಆಕೆಯನ್ನು ಟ್ಯುನೇಶಿಯಾಗೆ ಕಳುಹಿಸಿಕೊಟ್ಟ.

. ಮಧುಮೇಹಕ್ಕೆ ಚಿಕಿತ್ಸೆ ಪಡೆಯುತ್ತಿರುವ ಆಯಿಷಾ, ಕಳೆದ ವರ್ಷದ ಕೊನೆಯಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ಯುರೋಪಿನಲ್ಲಿ ಜೀವನ ಕಳೆಯುವ ಕನಸು ಕಾಣುತ್ತಿದ್ದಾರೆ. ‘ನನಗೆ ಎದುರಾದಂತಹ ಕಷ್ಟಗಳು ನನ್ನ ವೈರಿಗೂ ಬರಬಾರದು’ಎಂದು ಹೇಳುತ್ತಾರೆ.

. ಎರಡು ವರ್ಷಗಳಿಂದ, ಅವರು ದಕ್ಷಿಣ ಟ್ಯುನೇಷಿಯಾದ ಮೆಡೆನೈನ್ನಲ್ಲಿ ಇತರ ವಲಸೆ ಮಹಿಳೆಯರೊಂದಿಗೆ ವಾಸಿಸುತ್ತಿದ್ದಾರೆ. ಆಯಿಷಾ ಅವರಂತೆ ಇಲ್ಲಿನ ಲೈಂಗಿಕ ಗುಲಾಮಗಿರಿ ಕೂಪದಲ್ಲಿ ಸಿಲುಕಿದ ಬಹುತೇಕ ಮಹಿಳೆಯರದ್ದೂ ವಿಭಿನ್ನ ಕಥೆಗಳಿವೆ.

. ಲಿಬಿಯಾದಲ್ಲಿ ಒಂಟಿ ಮಹಿಳೆಯರ ಮೇಲೆ ಈ ರೀತಿಯ ದೌರ್ಜನ್ಯಗಳು ಹೆಚ್ಚು. ಹೆಚ್ಚಿನವರು ವೇಶ್ಯಾವಾಟಿಕೆ, ಅತ್ಯಾಚಾರ ಅಥವಾ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾಗುತ್ತಾರೆ ಎಂದು ಸ್ಥಳೀಯ ರೆಡ್ ಕ್ರೆಸೆಂಟ್ ಮುಖ್ಯಸ್ಥ ಮೊಂಗಿ ಸ್ಲಿಮ್ ಹೇಳುತ್ತಾರೆ.

. ವಲಸೆ ಮಾರ್ಗಗಳಲ್ಲಿ, ಬಂಧನ ಕೇಂದ್ರಗಳಲ್ಲಿ, ಕಾರಾಗೃಹಗಳಲ್ಲಿ ವಲಸಿಗರ ವಿರುದ್ಧ ಲೈಂಗಿಕ ದೌರ್ಜನ್ಯಗಳು ನಡೆಯುತ್ತಿವೆ ಎಂದು ವಿಶ್ವಸಂಸ್ಥೆ–2019ರ ವರದಿ ತಿಳಿಸಿದೆ. ಇಂಥ ಅಪರಾಧ ಕೃತ್ಯಗಳು ಲಿಬಿಯಾದಲ್ಲಿ 2014ರಿಂದಲೂ ಹೆಚ್ಚಿದೆ.

. ಲಿಬಿಯಾದಲ್ಲಿ ಮೂರು ವಲಸೆಗಾರರ ಬಂಧನ ಕೇಂದ್ರಗಳನ್ನು 2019ರ ಮಧ್ಯದಲ್ಲಿ ಮುಚ್ಚಲಾಯಿತ್ತು. ಲೈಂಗಿಕ ಅಪರಾಧಗಳನ್ನು ಎದುರಿಸಲು ರಕ್ಷಣಾ ಅಧಿಕಾರಿಗಳನ್ನು ನಿಯೋಜಿಸಲು ವಿಶ್ವಸಂಸ್ಥೆ ಕಳೆದ ವರ್ಷ ನಿರ್ಧರಿಸಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಲಿಬಿಯಾ: ಹುಟ್ಟೂರಲ್ಲೇ ಶೋಷಣೆ, ಕನಸು ಹೊತ್ತು ತೆರಳಿದ ನಾಡಲ್ಲಂತೂ ‘ನರಕ’

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

WCC | ವಿಜಯಿಗಳ ಕಾದಾಟಕ್ಕೆ ಪಾಕಿಸ್ತಾನಕ್ಕಿಲ್ಲ ಆಹ್ವಾನ, RCB ಸ್ಪರ್ಧೆಯೂ ಅನುಮಾನ!

ಒಕ್ಕಲಿಗರು, ಲಿಂಗಾಯತರು ರಾಷ್ಟ್ರಮಟ್ಟದಲ್ಲಿ ಓಬಿಸಿಗಳು: ಉಪಮುಖ್ಯಮಂತ್ರಿ ಡಿಕೆಶಿ

ಹುಬ್ಬಳ್ಳಿ: ಎಂಜಿನಿಯರ್‌ ಈಗ ಬಿಸಿಸಿಐ ಅಂಪೈರ್‌

ವಿಶ್ವ ಬಾಕ್ಸಿಂಗ್ ಕಪ್: ಸಾಕ್ಷಿ, ಜಾಸ್ಮಿನ್‌, ನೂಪುರ್‌ಗೆ ಚಿನ್ನ

Wimbeldon: ಪುರುಷರ ಡಬಲ್ಸ್‌: ಕ್ವಾರ್ಟರ್‌ ಫೈನಲ್‌ಗೆ ಫ್ರಿಟ್ಜ್‌

ENG vs IND Test | ಗೆಲುವಿನ ದೀಪ ಬೆಳಗಿಸಿದ ಆಕಾಶ್: ಭಾರತಕ್ಕೆ 336 ರನ್ ಜಯ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

WCC | ವಿಜಯಿಗಳ ಕಾದಾಟಕ್ಕೆ ಪಾಕಿಸ್ತಾನಕ್ಕಿಲ್ಲ ಆಹ್ವಾನ, RCB ಸ್ಪರ್ಧೆಯೂ ಅನುಮಾನ!

ಒಕ್ಕಲಿಗರು, ಲಿಂಗಾಯತರು ರಾಷ್ಟ್ರಮಟ್ಟದಲ್ಲಿ ಓಬಿಸಿಗಳು: ಉಪಮುಖ್ಯಮಂತ್ರಿ ಡಿಕೆಶಿ