<p><strong>ಇಸ್ಲಾಮಾಬಾದ್/ ನವದೆಹಲಿ (ಪಿಟಿಐ, ಐಎಎನ್ಎಸ್): </strong>ಮೆಮೊಗೇಟ್ ಹಗರಣದಲ್ಲಿ ಸಾಕ್ಷಿ ಹೇಳಲು ಇಸ್ಲಾಮಾಬಾದ್ಗೆ ಹೊರಟಿರುವ ತಮಗೆ ಸಾಕಷ್ಟು ಬೆದರಿಕೆ ಇದ್ದರೂ, ಇದ್ಯಾವುದಕ್ಕೂ ಹೆದರದೆ ಸತ್ಯವನ್ನು ಬಹಿರಂಗಪಡಿಸುವುದಾಗಿ ಪಾಕಿಸ್ತಾನ ಮೂಲದ ಅಮೆರಿಕದ ಉದ್ಯಮಿ ಮನ್ಸೂರ್ ಇಜಾಜ್ ಹೇಳಿದ್ದಾರೆ.<br /> <br /> `ನನ್ನ ಪಾಕಿಸ್ತಾನ ಭೇಟಿಯನ್ನು ಬೆಂಬಲಿಸುವುದಾಗಿ ಅಮೆರಿಕ ಭರವಸೆ ನೀಡಿದೆ, ಬೆದರಿಕೆಗಳ ಹಿಂದೆ ಯಾರಿದ್ದಾರೋ ತಿಳಿಯದು, ಆದರೆ ಅವರ್ಯಾರಿಗೂ ನಾನು ಪಾಕಿಸ್ತಾನಕ್ಕೆ ಬರುವುದನ್ನು ತಡೆಯಲು ಸಾಧ್ಯವಿಲ್ಲ~ ಎಂದು ಅವರು ಲಂಡನ್ನಲ್ಲಿ ಶನಿವಾರ ಜಿಯೊ ಟಿ.ವಿಗೆ ಹಾಗೂ ಭಾರತದ ಎನ್ಡಿಟಿವಿಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.<br /> <br /> ಲಂಡನ್ನಲ್ಲಿನ ಪಾಕಿಸ್ತಾನದ ಹೈ ಕಮಿಷನ್ ಕಚೇರಿಯಿಂದ 1 ವರ್ಷದ ಅವಧಿಗೆ ವೀಸಾ ಪಡೆದುಕೊಂಡಿರುವ ಇಜಾಜ್, ಇಸ್ಲಾಮಾಬಾದ್ಗೆ ಎಂದು ತೆರಳುವರು ಎಂಬುದನ್ನು ತಿಳಿಸಿಲ್ಲ. <br /> <br /> ಸುಪ್ರೀಂಕೋರ್ಟ್ ನೇಮಿಸಿರುವ ತನಿಖಾ ಆಯೋಗದ ಎದುರು ಜನವರಿ 16ರಂದು ಹಾಜರಾಗಬೇಕಾಗಿದ್ದ ಅವರು ಭದ್ರತಾ ಕಾರಣಗಳಿಂದಾಗಿ ಬರಲಾಗಿರಲಿಲ್ಲ. ಆದರೆ ಮುಂದಿನ ವಾರ ಹಾಜರಾಗುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.<br /> <br /> <strong>ಮಲಿಕ್ ಭರವಸೆ:</strong> ಈ ನಡುವೆ ಇಜಾಜ್ ಅವರಿಗೆ ಸಂಪೂರ್ಣ ಭದ್ರತೆ ಒದಗಿಸುವುದರ ಜೊತೆಗೆ, ಅಗತ್ಯ ಬಂದರೆ ಸೇನೆಯ ನೆರವನ್ನೂ ಪಡೆಯುವುದಾಗಿ ಒಳಾಡಳಿತ ಸಚಿವ ರೆಹಮಾನ್ ಮಲಿಕ್ ಭರವಸೆ ನೀಡಿದ್ದಾರೆ.<br /> <br /> ಇಜಾಜ್ ಅವರ ಭದ್ರತೆಗೆ ಸರ್ಕಾರ ಕ್ರಮ ಕೈಗೊಳ್ಳದಿದ್ದರೆ ಉದ್ದೇಶಿತ ಪಾಕಿಸ್ತಾನ ಭೇಟಿಯನ್ನು ಪುನರ್ಪರಿಶೀಲಿಸುವಂತೆ ತಮ್ಮ ಕಕ್ಷಿದಾರರಿಗೆ ತಿಳಿಸುವುದಾಗಿ ಇಜಾಜ್ ಅವರ ವಕೀಲರು ಹೇಳಿದ್ದ ಹಿನ್ನೆಲೆಯಲ್ಲಿ ಮಲಿಕ್ ಈ ಹೇಳಿಕೆ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಇಸ್ಲಾಮಾಬಾದ್/ ನವದೆಹಲಿ (ಪಿಟಿಐ, ಐಎಎನ್ಎಸ್): </strong>ಮೆಮೊಗೇಟ್ ಹಗರಣದಲ್ಲಿ ಸಾಕ್ಷಿ ಹೇಳಲು ಇಸ್ಲಾಮಾಬಾದ್ಗೆ ಹೊರಟಿರುವ ತಮಗೆ ಸಾಕಷ್ಟು ಬೆದರಿಕೆ ಇದ್ದರೂ, ಇದ್ಯಾವುದಕ್ಕೂ ಹೆದರದೆ ಸತ್ಯವನ್ನು ಬಹಿರಂಗಪಡಿಸುವುದಾಗಿ ಪಾಕಿಸ್ತಾನ ಮೂಲದ ಅಮೆರಿಕದ ಉದ್ಯಮಿ ಮನ್ಸೂರ್ ಇಜಾಜ್ ಹೇಳಿದ್ದಾರೆ.<br /> <br /> `ನನ್ನ ಪಾಕಿಸ್ತಾನ ಭೇಟಿಯನ್ನು ಬೆಂಬಲಿಸುವುದಾಗಿ ಅಮೆರಿಕ ಭರವಸೆ ನೀಡಿದೆ, ಬೆದರಿಕೆಗಳ ಹಿಂದೆ ಯಾರಿದ್ದಾರೋ ತಿಳಿಯದು, ಆದರೆ ಅವರ್ಯಾರಿಗೂ ನಾನು ಪಾಕಿಸ್ತಾನಕ್ಕೆ ಬರುವುದನ್ನು ತಡೆಯಲು ಸಾಧ್ಯವಿಲ್ಲ~ ಎಂದು ಅವರು ಲಂಡನ್ನಲ್ಲಿ ಶನಿವಾರ ಜಿಯೊ ಟಿ.ವಿಗೆ ಹಾಗೂ ಭಾರತದ ಎನ್ಡಿಟಿವಿಗೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.<br /> <br /> ಲಂಡನ್ನಲ್ಲಿನ ಪಾಕಿಸ್ತಾನದ ಹೈ ಕಮಿಷನ್ ಕಚೇರಿಯಿಂದ 1 ವರ್ಷದ ಅವಧಿಗೆ ವೀಸಾ ಪಡೆದುಕೊಂಡಿರುವ ಇಜಾಜ್, ಇಸ್ಲಾಮಾಬಾದ್ಗೆ ಎಂದು ತೆರಳುವರು ಎಂಬುದನ್ನು ತಿಳಿಸಿಲ್ಲ. <br /> <br /> ಸುಪ್ರೀಂಕೋರ್ಟ್ ನೇಮಿಸಿರುವ ತನಿಖಾ ಆಯೋಗದ ಎದುರು ಜನವರಿ 16ರಂದು ಹಾಜರಾಗಬೇಕಾಗಿದ್ದ ಅವರು ಭದ್ರತಾ ಕಾರಣಗಳಿಂದಾಗಿ ಬರಲಾಗಿರಲಿಲ್ಲ. ಆದರೆ ಮುಂದಿನ ವಾರ ಹಾಜರಾಗುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.<br /> <br /> <strong>ಮಲಿಕ್ ಭರವಸೆ:</strong> ಈ ನಡುವೆ ಇಜಾಜ್ ಅವರಿಗೆ ಸಂಪೂರ್ಣ ಭದ್ರತೆ ಒದಗಿಸುವುದರ ಜೊತೆಗೆ, ಅಗತ್ಯ ಬಂದರೆ ಸೇನೆಯ ನೆರವನ್ನೂ ಪಡೆಯುವುದಾಗಿ ಒಳಾಡಳಿತ ಸಚಿವ ರೆಹಮಾನ್ ಮಲಿಕ್ ಭರವಸೆ ನೀಡಿದ್ದಾರೆ.<br /> <br /> ಇಜಾಜ್ ಅವರ ಭದ್ರತೆಗೆ ಸರ್ಕಾರ ಕ್ರಮ ಕೈಗೊಳ್ಳದಿದ್ದರೆ ಉದ್ದೇಶಿತ ಪಾಕಿಸ್ತಾನ ಭೇಟಿಯನ್ನು ಪುನರ್ಪರಿಶೀಲಿಸುವಂತೆ ತಮ್ಮ ಕಕ್ಷಿದಾರರಿಗೆ ತಿಳಿಸುವುದಾಗಿ ಇಜಾಜ್ ಅವರ ವಕೀಲರು ಹೇಳಿದ್ದ ಹಿನ್ನೆಲೆಯಲ್ಲಿ ಮಲಿಕ್ ಈ ಹೇಳಿಕೆ ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
