ಚುರುಮುರಿ: ಹೊಸ ಸಂಕಲ್ಪ

‘ಹೋದ ವರ್ಷದ ನಿಮ್ಮ ಸಂಕಲ್ಪ ಏನಾಯ್ತು ರೀ’ ನಗುತ್ತಾ ಕೇಳಿದಳು ಹೆಂಡತಿ.

. ‘ಅಂದ್ರೆ, ನ್ಯೂ ಇಯರ್ ರೆಸಲ್ಯೂಷನ್ ಬಗ್ಗೆ ಕೇಳ್ತಿದ್ದೀಯಾ’ ಪತ್ನಿಯ ವ್ಯಂಗ್ಯ ಅರ್ಥವಾಗದವನಂತೆ ಕೇಳಿದೆ.

. ‘ಹ್ಞೂಂ... ಅದೇ, ಮೊಬೈಲ್ ಫೋನ್ನಲ್ಲಿ ಸೋಷಿಯಲ್ ಮೀಡಿಯಾ ನೋಡಲ್ಲ ಅಂತ ಶಪಥ ಮಾಡಿದ್ರಲ್ಲ’ ನೆನಪಿಸಿದಳು.

. ‘ಮನದ ಸಂಕಲ್ಪಗಳನ್ನು ಈಡೇರಿಸಿಕೊಳ್ಳೋದು ಹೇಗೆ ಅನ್ನೋದನ್ನ ತಿಳ್ಕೊಳ್ಳೋದಕ್ಕೆ ಫೇಸ್ಬುಕ್, ಇನ್ಸ್ಟಾ, ಯೂಟ್ಯೂಬ್ ನೋಡಿದೆ, ಅಲ್ಲಿಗೆ ನನ್ನ ರೆಸಲ್ಯೂಷನ್ ಫೇಲ್ ಆಯ್ತು’.

. ‘ನಿಮ್ಮ ಹಣೆಬರಹ ಅಷ್ಟೇ ಅಲ್ವಾ?’ ತಿವಿದಳು ಪತ್ನಿ.

. ‘ಈ ಬಾರಿ ಹೊಸ ರೆಸಲ್ಯೂಷನ್ ತಗೊಳ್ತೀನಿ, ಅದನ್ನ ತಪ್ಪದೇ ಪಾಲಿಸ್ತೀನಿ’ ದೃಢ ಧ್ವನಿಯಲ್ಲಿ ಹೇಳಿದೆ.

. ‘ಏನು ಹೊಸ ಸಂಕಲ್ಪ?’ ಮತ್ತೆ ಕೇಳಿದಳು.

. ‘ಮನೆಯ ಒಳಗಾಗಲಿ, ಹೊರಗಾಗಲಿ, ಹೆಂಗಸರಿಗಾಗಲಿ, ಗಂಡಸರಿಗಾಗಲಿ ಕೆಟ್ಟ ಮಾತುಗಳನ್ನು ಆಡುವುದಿಲ್ಲ’.

. ‘ಶಹಭಾಷ್, ಮತ್ತೆ?’

. ‘ಹೋಳಿ ಹಬ್ಬದಲ್ಲಿ ಬಿಟ್ಟು, ಬೇರೆ ಯಾವುದೇ ಸಂದರ್ಭದಲ್ಲಿ ತಲೆ ಮೇಲೆ ಮೊಟ್ಟೆ ಹೊಡೆಸಿ ಕೊಳ್ಳುವಂತಹ ಕೆಲಸ ಮಾಡಲ್ಲ’.

. ‘ವೆರಿಗುಡ್, ಮುಂದೆ?’

. ‘ಇನ್ಮುಂದೆ ಸುಮ್ ಸುಮ್ಮನೆ ಚಾಟಿಯಲ್ಲಿ ಹೊಡ್ಕೊಳಲ್ಲ’ ಎನ್ನುತ್ತಾ ಮುಂದುವರಿದು ಕೇಳಿದೆ, ‘ನಿನ್ನ ಸಂಕಲ್ಪ ಏನು?’

. ಈ ಪ್ರಶ್ನೆಗಾಗಿಯೇ ಕಾಯುತ್ತಿದ್ದವಳಂತೆ ಉತ್ತರಿಸಿದಳು, ‘ನಿರ್ಮಲಕ್ಕನ ರೀತಿ ನಿಮ್ಮ ಜೇಬಿಗೆ ಸುಮ್ ಸುಮ್ಮನೆ ಟ್ಯಾಕ್ಸ್ ಹಾಕಲ್ಲ’.

. ‘ಓಹ್, ಖುಷಿ ಪಡೋ ವಿಷಯ ಇದು. ಮತ್ತೆ?’

. ‘ನಿಮಗೆ ಸಂಬಳವಾದ ತಕ್ಷಣ, ಅಷ್ಟೂ ಹಣವನ್ನ ನನ್ನ ಬ್ಯಾಂಕ್ ಖಾತೆಗೆ ವರ್ಗಾಯಿಸುವವರೆಗೆ ಮನೆಯಲ್ಲಿ ಅಡುಗೆ ಮಾಡಲ್ಲ’.

. ‘ಓಹ್, ನೀನು ನಿರ್ಮಲಕ್ಕನಿಗೇ ಅಕ್ಕ ಆಗಿಬಿಟ್ಟೆ. ನನ್ನ ಸಂಕಲ್ಪ ನಾನು ಪಾಲಿಸ್ತೀನಿ, ನಿನ್ನ ಸಂಕಲ್ಪ ನೀನು ಪಾಲಿಸಲೇಬೇಡ, ಈ ಆಟ ಇಲ್ಲಿಗೇ ಸಾಕು’ ಎನ್ನುತ್ತಾ ಮನೆಯಿಂದ ಹೊರಗಡಿಯಿಟ್ಟೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಹೊಸ ಸಂಕಲ್ಪ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ