ಚುರುಮುರಿ: ದೀಪಾವಳಿ ಧಮಾಕ

‘ಜಯ ಭಾರತ ಜನನಿಯ ತನುಜಾತೆ, ಜಯ ಹೇ ಕರ್ನಾಟಕ ಮಾತೆ’ ಎಂದು ಹಾಡುತ್ತಾ ಬಂದ ಮಡದಿಯ ಕಾಲೆಳೆದೆ- ‘ಮೇಡಂಗೆ ರಾಜ್ಯೋತ್ಸವದ ಖುಷಿ ಹೆಚ್ಚಾಗಿರೋ ಹಾಗಿದೆ’.

. ‘ರಾಜ್ಯೋತ್ಸವವಷ್ಟೇ ಅಲ್ಲಾರಿ, ರಾಷ್ಟ್ರೋತ್ಸವ. ಹೆಣ್ಮಕ್ಳೇ ಸ್ಟ್ರಾಂಗು ಅಂತ ಮತ್ತೆ ಸಾಬೀತಾಯ್ತಲ್ಲ’ ಎಂದಳು.

. ‘ಜನನಿ, ತನುಜಾತೆ ಇಬ್ರೂ ಸ್ಟ್ರಾಂಗೇ. ಆದ್ರೆ ಈಚೆಗೆ ತಾಯಿ ಹೆಚ್ಚು ಸ್ಟ್ರಾಂಗ್ ಆಗ್ತಿದ್ದು ಮಗಳು ಸೊರಗಿದಾಳೆ’.

. ‘ಏನಿಲ್ಲ, ಜಗತ್ತಿನ ದೊಡ್ಡಣ್ಣನ ಚುನಾವಣೇಲಿ ಮಂಡ್ಯದ ಗಂಡು, ಡಾಕ್ಟರ್ ವಿವೇಕ್ ಮೂರ್ತಿ ಕನ್ನಡಮ್ಮನ ಕೀರ್ತಿಪತಾಕೆಯನ್ನು ಹಾರಿಸ್ಲಿಲ್ವೇ? ಅವರನ್ನ ಭಾವಿ ಅಧ್ಯಕ್ಷ ಬೈಡನ್ ಅವರು ಕೋವಿಡ್ ಕಾರ್ಯಪಡೆಯ ಅಧ್ಯಕ್ಷರನ್ನಾಗಿ ನೇಮಿಸಿದಾರೆ.ನಮ್ಮ ದೇಶದ ಮಹಿಳೆಯ ಮಗಳು ಕಮಲಾ ಹ್ಯಾರಿಸ್, ಅಮೆರಿಕದ ಪ್ರಥಮ ಮಹಿಳಾ ಉಪಾಧ್ಯಕ್ಷರಾಗಲಿದ್ದಾರೆ, ಅವರು ಮತ್ತು ಬೈಡನ್ ಜೋಡಿ ಆಯ್ಕೆಯಾಗಿರೋದ್ರಿಂದ ಭಾರತಕ್ಕೆ ಬಹಳ ಅನುಕೂಲ’.

. ‘ಹೇಗೆ ಹೇಳ್ತೀಯಾ?’

. ‘ಬೈಡನ್, ಅಮೆರಿಕದಲ್ಲಿ ದಾಖಲೆಗಳಿಲ್ಲದಿರೋ 5 ಲಕ್ಷ ಭಾರತೀಯರಿಗೆ ಪೌರತ್ವ ನೀಡಿ ಎಚ್ಒನ್ಎನ್ಒನ್ ವೀಸಾ ನೀತಿ ಸಡಿಲಿಸ್ತಾರಂತೆ’.

. ‘ಅಯ್ಯೋ... ಅದು ಎಚ್ಒನ್ಎನ್ಒನ್ ಅಲ್ಲ ಕಣೇ, ಎಚ್ಒನ್ಬಿ ವೀಸಾ... ಆದಾಯ ತರೋ ಕನ್ನಡಿಗ ಸಾಫ್ಟ್ವೇರಿಗರಿಗೆ ಸುಲಭವಾಯಿತು. ಈಗ ನಮ್ಮ ರಾಜಾಹುಲಿ ಫುಲ್ ಖುಷ್! ಕುರ್ಚಿ ಭದ್ರ ಮಾಡ್ಕೊಳ್ಳೋಕೆ ಅವ್ರಿಗೆ ದೀಪಾವಳಿ ಕೊಡುಗೆಗಳ ಡಬಲ್ ಧಮಾಕಾ!’

. ‘ಅದ್ಹೇಗ್ರೀ?’

. ‘ದೇಶದಾದ್ಯಂತ ಹಲವೆಡೆ ಮತ್ತು ಕರ್ನಾಟಕದ ಎರಡು ಕಡೆ ನಡೆದ ವಿಧಾನಸಭಾ ಕ್ಷೇತ್ರಗಳ ಉಪಚುನಾವಣೆಗಳಲ್ಲಿ ಅವರ ಪಕ್ಷ ಜಯಭೇರಿ ಹೊಡೆದಿದೆ ಮತ್ತು ಅವರಿಗಿಂತ ಹೆಚ್ಚು ವಯಸ್ಸಾಗಿರೋರು ಅಮೆರಿಕದ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಅದ್ರಿಂದ ದಿಲ್ಲಿ ಕಮಲ ದಳಪತಿಗಳು, ಅವರಿಗೆ ವಯಸ್ಸಾಯ್ತು, ಕುರ್ಚಿ ಬಿಡಿ ಅನ್ನೋ ಹಾಗಿಲ್ಲ’.

. ‘ಓ ಹೌದಲ್ವೇ?’ ಎನ್ನುತ್ತಾ ಮಡದಿ ನಕ್ಕಳು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ದೀಪಾವಳಿ ಧಮಾಕ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಗುರು ಪೂರ್ಣಿಮೆ: ಮಂತ್ರಾಲಯಕ್ಕೆ ಹರಿದು ಬಂದ ಭಕ್ತರು