<p>‘ಲೇಯ್, ರಜಾದಲ್ಲಿ ನಮ್ ಹೈಕ್ಳೆಲ್ಲಾ ಮೊಬೈಲ್, ಸಿನಿಮಾ ನೋಡಿ ಆಳಾಗೋಯ್ತವೆ. ಅದಕ್ಕೇ ಒಂದು ಸಮ್ಮರ್ ಕ್ಯಾಂಪ್ ಮಾಡಣ ಅಂದ್ಕಂಡಿವ್ನಿ’ ಎಂದ ಗುದ್ಲಿಂಗ.</p>.<p>‘ಓ ಅಂಗಾ? ಏನೇನು ಯೋಳ್ಕೊಡ್ತೀಯ? ಈ ಜಿಮ್ಮು, ಕರಾಟೆ ಎಲ್ಲಾ ಇರ್ತದಾ?’ ಕೇಳಿದ ಮಾಲಿಂಗ.</p>.<p>‘ಲೇಯ್, ಅವೆಲ್ಲ ಯಾವನಿಗ್ಲಾ ಬೇಕು? ಬೋರೆಲ್ಲ ತಳ ಹತ್ತಿ ಉಪ್ಪಿಡಿದು ಕೂತವೆ. ಹಳೇ ಬಾವಿ ಕೆರೆದು ನೀರ್ ಎತ್ತಕ್ಕೆ ರಾಟೆ ಎಳೆಯೋದು ಯೇಳ್ಕೊಡ್ಬೇಕು’ ಎಂದ ಕಲ್ಲೇಶಿ.</p>.<p>‘ಊ ಕಣ್ಲಾ, ಈ ಡಾನ್ಸು, ಮ್ಯೂಸಿಕ್ಕು, ಕ್ರಾಫ್ಟು ಎಲ್ಲಾ ಯೋಳ್ಕಡೋದು ಬಿಟ್ಟು ಮಕ್ಕಳಿಗೆ ರಾಜಕೀಯ ಪಟ್ಟುಗಳನ್ನ ಯೇಳ್ಕೊಡ್ಬೇಕು. ಭಾಷಣ, ವಿತಂಡವಾದ ಮಾಡಾದು, ಎಲೆಕ್ಷನ್ಗೆ ಬಂಡೆದ್ದು ನಿಂತ್ಕೊಳೋದು, ಟಿ.ವಿ., ಪೇಪರ್ನೋರ್ ಮುಂದೆ ಹೇಳಿಕೆ ಕೊಡೋದು, ಕೊಟ್ಟಿದ್ದನ್ನ ತಿರುಚವ್ರೆ ಅಂತ ಬೊಮ್ಮಿಡಿ ಹೊಡೆಯೋದು ಇಂತದ್ದೆಲ್ಲಾ ಯೇಳ್ಕೊಡೋಣ ಅಂದ್ಕಂಡಿದೀನಿ’.</p>.<p>‘ಸೂಪರ್ ಐಡಿಯಾ ಕಣ್ಲಾ. ಅಂಗೇ ಕಾಲೆಳೆಯೋ ಕಬಡ್ಡಿ ಆಟ, ಕೈ ಕೈ ಮಿಲಾಯಿಸೋಕೆ ಕುಸ್ತಿ ಇಂತ ಸ್ಪೋರ್ಟ್ಸ್ ಯೇಳ್ಕೊಡ್ಬೇಕು’.</p>.<p>‘ಜೊತೆಗೆ ಅಣಕು ಶಾಸನಸಭೆ ಮಾಡಿ ಹೈಕ್ಳಿಗೆ ಆರೋಪ, ಪ್ರತ್ಯಾರೋಪ ಮಾಡೋ ಅಸ್ತ್ರಗಳು, ಬೈದಾಡೋದನ್ನೂ ಹೇಳ್ಕೊಡ್ಬೇಕು’ ಎಂದ ಚಿಕ್ಕೀರ.</p>.<p>‘ಅಂಗೇ ಸ್ಪೋಕನ್ ಕನ್ನಡ ಇನ್ ಬ್ರೋಕನ್ ಇಂಗ್ಲಿಷ್ ಹೇಳ್ಕೊಡ್ಬೇಕು. ಎಲ್ಲಕ್ಕಿಂತ ಮುಖ್ಯವಾಗಿ ನಮ್ ಹೈಕ್ಳು ಲೆಕ್ಕದಾಗೆ ಶಾನೆ ವೀಕು, ಅವಕ್ಕೆ ಮೊದ್ಲು ಪರ್ಸಂಟೇಜ್ ಲೆಕ್ಕ ಯೋಳ್ಕೊಡ್ಬೇಕು...’</p>.<p>‘ಅದೆಲ್ಲ ಸರಿ, ಈ ಟ್ರಿಪ್ಪು ಅಂತ ಕರ್ಕೊಂಡ್ ಓಯ್ತಾರಲ್ಲ, ಹೈಕ್ಳನ್ನ ಎಲ್ಲಿಗೆ ಕರ್ಕಂಡೋಗೋದು?’</p>.<p>‘ಬಯಲುಸೀಮೆ ಗೋಮಾಳ, ಕಿತ್ತೂರ್ ಸೀಮೆ ಕೆರೆ, ಮಲ್ನಾಡಿನ ಸೇತುವೆಗಳನ್ನ ತೋರಿಸಿ, ಎಚ್ಚಮನಾಯಕನಂಗೆ ‘ನೋಡುಬಾ ಮಗನೆ ನೋಡುಬಾ, ಎಂಗ್ ನುಂಗವ್ರೆ ನೋಡಿ ಕಲಿಬಾ’ ಅಂತ ತೋರುಸ್ಬೇಕು’.</p>.<p>‘ಊ ಕಣ್ರಲಾ, ನಮ್ ಹೈಕ್ಳನ್ನ ಇಂಗ್ ತಯಾರಿ ಮಾಡ್ಬಿಟ್ರೆ ಮೂಗುನೇಣಿಕ್ಕದ ರಾಜಕೀಯ ಹೋರಿಗಳೆಲ್ಲಾ ತಮ್ಮ ಉಂಡಾಡಿ ಕರು, ಪೋರಿಗಳಿಗೆ ಪಟ್ಟ ಕಟ್ಟೋದು ಅರ್ಧ ತಪ್ತದೆ’ ಎಂದ ಪರ್ಮೇಶಿ. ಎಲ್ಲಾ ಹೌದೌದು ಎಂದು ತಲೆಯಾಡಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಲೇಯ್, ರಜಾದಲ್ಲಿ ನಮ್ ಹೈಕ್ಳೆಲ್ಲಾ ಮೊಬೈಲ್, ಸಿನಿಮಾ ನೋಡಿ ಆಳಾಗೋಯ್ತವೆ. ಅದಕ್ಕೇ ಒಂದು ಸಮ್ಮರ್ ಕ್ಯಾಂಪ್ ಮಾಡಣ ಅಂದ್ಕಂಡಿವ್ನಿ’ ಎಂದ ಗುದ್ಲಿಂಗ.</p>.<p>‘ಓ ಅಂಗಾ? ಏನೇನು ಯೋಳ್ಕೊಡ್ತೀಯ? ಈ ಜಿಮ್ಮು, ಕರಾಟೆ ಎಲ್ಲಾ ಇರ್ತದಾ?’ ಕೇಳಿದ ಮಾಲಿಂಗ.</p>.<p>‘ಲೇಯ್, ಅವೆಲ್ಲ ಯಾವನಿಗ್ಲಾ ಬೇಕು? ಬೋರೆಲ್ಲ ತಳ ಹತ್ತಿ ಉಪ್ಪಿಡಿದು ಕೂತವೆ. ಹಳೇ ಬಾವಿ ಕೆರೆದು ನೀರ್ ಎತ್ತಕ್ಕೆ ರಾಟೆ ಎಳೆಯೋದು ಯೇಳ್ಕೊಡ್ಬೇಕು’ ಎಂದ ಕಲ್ಲೇಶಿ.</p>.<p>‘ಊ ಕಣ್ಲಾ, ಈ ಡಾನ್ಸು, ಮ್ಯೂಸಿಕ್ಕು, ಕ್ರಾಫ್ಟು ಎಲ್ಲಾ ಯೋಳ್ಕಡೋದು ಬಿಟ್ಟು ಮಕ್ಕಳಿಗೆ ರಾಜಕೀಯ ಪಟ್ಟುಗಳನ್ನ ಯೇಳ್ಕೊಡ್ಬೇಕು. ಭಾಷಣ, ವಿತಂಡವಾದ ಮಾಡಾದು, ಎಲೆಕ್ಷನ್ಗೆ ಬಂಡೆದ್ದು ನಿಂತ್ಕೊಳೋದು, ಟಿ.ವಿ., ಪೇಪರ್ನೋರ್ ಮುಂದೆ ಹೇಳಿಕೆ ಕೊಡೋದು, ಕೊಟ್ಟಿದ್ದನ್ನ ತಿರುಚವ್ರೆ ಅಂತ ಬೊಮ್ಮಿಡಿ ಹೊಡೆಯೋದು ಇಂತದ್ದೆಲ್ಲಾ ಯೇಳ್ಕೊಡೋಣ ಅಂದ್ಕಂಡಿದೀನಿ’.</p>.<p>‘ಸೂಪರ್ ಐಡಿಯಾ ಕಣ್ಲಾ. ಅಂಗೇ ಕಾಲೆಳೆಯೋ ಕಬಡ್ಡಿ ಆಟ, ಕೈ ಕೈ ಮಿಲಾಯಿಸೋಕೆ ಕುಸ್ತಿ ಇಂತ ಸ್ಪೋರ್ಟ್ಸ್ ಯೇಳ್ಕೊಡ್ಬೇಕು’.</p>.<p>‘ಜೊತೆಗೆ ಅಣಕು ಶಾಸನಸಭೆ ಮಾಡಿ ಹೈಕ್ಳಿಗೆ ಆರೋಪ, ಪ್ರತ್ಯಾರೋಪ ಮಾಡೋ ಅಸ್ತ್ರಗಳು, ಬೈದಾಡೋದನ್ನೂ ಹೇಳ್ಕೊಡ್ಬೇಕು’ ಎಂದ ಚಿಕ್ಕೀರ.</p>.<p>‘ಅಂಗೇ ಸ್ಪೋಕನ್ ಕನ್ನಡ ಇನ್ ಬ್ರೋಕನ್ ಇಂಗ್ಲಿಷ್ ಹೇಳ್ಕೊಡ್ಬೇಕು. ಎಲ್ಲಕ್ಕಿಂತ ಮುಖ್ಯವಾಗಿ ನಮ್ ಹೈಕ್ಳು ಲೆಕ್ಕದಾಗೆ ಶಾನೆ ವೀಕು, ಅವಕ್ಕೆ ಮೊದ್ಲು ಪರ್ಸಂಟೇಜ್ ಲೆಕ್ಕ ಯೋಳ್ಕೊಡ್ಬೇಕು...’</p>.<p>‘ಅದೆಲ್ಲ ಸರಿ, ಈ ಟ್ರಿಪ್ಪು ಅಂತ ಕರ್ಕೊಂಡ್ ಓಯ್ತಾರಲ್ಲ, ಹೈಕ್ಳನ್ನ ಎಲ್ಲಿಗೆ ಕರ್ಕಂಡೋಗೋದು?’</p>.<p>‘ಬಯಲುಸೀಮೆ ಗೋಮಾಳ, ಕಿತ್ತೂರ್ ಸೀಮೆ ಕೆರೆ, ಮಲ್ನಾಡಿನ ಸೇತುವೆಗಳನ್ನ ತೋರಿಸಿ, ಎಚ್ಚಮನಾಯಕನಂಗೆ ‘ನೋಡುಬಾ ಮಗನೆ ನೋಡುಬಾ, ಎಂಗ್ ನುಂಗವ್ರೆ ನೋಡಿ ಕಲಿಬಾ’ ಅಂತ ತೋರುಸ್ಬೇಕು’.</p>.<p>‘ಊ ಕಣ್ರಲಾ, ನಮ್ ಹೈಕ್ಳನ್ನ ಇಂಗ್ ತಯಾರಿ ಮಾಡ್ಬಿಟ್ರೆ ಮೂಗುನೇಣಿಕ್ಕದ ರಾಜಕೀಯ ಹೋರಿಗಳೆಲ್ಲಾ ತಮ್ಮ ಉಂಡಾಡಿ ಕರು, ಪೋರಿಗಳಿಗೆ ಪಟ್ಟ ಕಟ್ಟೋದು ಅರ್ಧ ತಪ್ತದೆ’ ಎಂದ ಪರ್ಮೇಶಿ. ಎಲ್ಲಾ ಹೌದೌದು ಎಂದು ತಲೆಯಾಡಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
