<p>‘ಮಳೆ ನಿಂತರೂ ಮರದ ಹನಿ ನಿಲ್ಲುವುದಿಲ್ಲ ಅನ್ನುವಂತೆ, ಬೈ ಎಲೆಕ್ಷನ್ ಮುಗಿದರೂ ರಾಜಕಾರಣಿಗಳ ಬೈಗುಳ ನಿಂತಿಲ್ಲ...’ ನ್ಯೂಸ್ ಪೇಪರ್ ಓದುತ್ತಾ ಸುಮಿ ಗೊಣಗಿಕೊಂಡಳು.</p>.<p>‘ಈಗ ಕಾಲ ಬದಲಾಗಿದೆ. ಚುನಾವಣಾ ಪ್ರಚಾರದಲ್ಲಿ ನಾಯಕರು ಎದುರಾಳಿಗಳನ್ನು ಬೈದಾಗ ಸಿಗುವ ಕಿಮ್ಮತ್ತು ಗಾಂಧಿ, ಬುದ್ಧನ ಕಥೆ ಹೇಳಿದರೆ ಸಿಗುವುದಿಲ್ಲವಂತೆ. ಬೈಗುಳ ಆಧರಿಸಿ ಮತ ಗಳಿಕೆಯ ಲೆಕ್ಕ ಹಾಕುತ್ತಿದ್ದಾರೆ’ ಎಂದ ಶಂಕ್ರಿ.</p>.<p>‘ಹೀಗೆ ಬೈದಾಡಿದ್ರೆ ನಾಯಕರ ಗಾತ್ರ, ಘನತೆಗೆ ಧಕ್ಕೆ ಆಗೋದಿಲ್ವೇ?’</p>.<p>‘ಆಗೊಲ್ಲವಂತೆ, ನಾಯಕರು ಯಾವ ಸಂದರ್ಭದಲ್ಲಿ, ಯಾವ ಭಾಷೆಯಲ್ಲಿ ಬೈದರು ಎಂಬುದನ್ನು ಕೂಡಿ-ಕಳೆದು, ಎಣಿಸಿ-ಗುಣಿಸಿ, ಭಾಗಿಸಿ, ತೂಗಿಸಿದಾಗ ಚುನಾವಣೆಯ ಪಕ್ಕಾ ಲೆಕ್ಕ ಸಿಗುತ್ತದೆ’ ಅಂದ ಶಂಕ್ರಿ.</p>.<p>‘ಎ ಪಕ್ಷದವರು ಬಿ ಪಕ್ಷದವರನ್ನು ಬೈದರು, ಹಾಗೇ ಆ ಪಕ್ಷದವರು ಈ ಪಕ್ಷದವರನ್ನು ತಿರುಗಿಸಿ ಬೈದರು. ಅಂತಿಮ ಉತ್ತರ ಏನು ದೊರೆಯುತ್ತದೆ?’</p>.<p>‘ಸರಳ ಗಣಿತ. ಎ ಪ್ಲಸ್ ಬಿ ಹೋಲ್ ಸ್ಕ್ವೇರ್ ಈಸ್ ಈಕ್ವಲ್ ಟು ಎ ಸ್ಕ್ವೇರ್ ಪ್ಲಸ್ ಟೂ ಎಬಿ ಪ್ಲಸ್ ಬಿ ಸ್ಕ್ವೇರ್...’</p>.<p>‘ನನಗೆ ಅರ್ಥ ಆಗಲಿಲ್ಲ’.</p>.<p>‘ನನಗೂ ಅರ್ಥವಾಗಿಲ್ಲ. ಪಕ್ಷದ ನಾಯಕರ ಒಟ್ಟು ಬೈಗುಳವನ್ನು ಕ್ಷೇತ್ರದ ಮತದಾರರ ಒಟ್ಟಾರೆ ಅಭಿರುಚಿಯಿಂದ ಭಾಗಿಸಬೇಕು. ಶೇಷ ಸೊನ್ನೆ ಬದಲು ಇನ್ನೇನಾದರೂ ಉಳಿದರೆ, ಕ್ಷೇತ್ರದಲ್ಲಿ ಆ ಪಕ್ಷ ಉಳಿಯುತ್ತದೆ’ ಎಂದ ಶಂಕ್ರಿ.</p>.<p>‘ಅಲ್ಲಾರೀ, ಹೀಗೆಲ್ಲಾ ಬೈದಾಡಿದರೆ ಬರಬೇಕಾದ ವೋಟುಗಳೂ ಮೈನಸ್ ಆಗೋದಿಲ್ವೇ?’</p>.<p>‘ಆಗೊಲ್ಲ, ಯಾಕೆಂದರೆ ಎದುರಾಳಿ ಪಕ್ಷದವರೂ ಅಷ್ಟೇ ಪ್ರಮಾಣದಲ್ಲಿ ಬೈದು ಮೈನಸ್ ಮಾಡಿಕೊಳ್ಳುವುದರಿಂದ ಮೈನಸ್ ಇಂಟು ಮೈನಸ್ ಪ್ಲಸ್ ಆಗುತ್ತದೆ...’</p>.<p>‘ಚುನಾವಣೆ ಗಣಿತ ಅರ್ಥವಾಗುತ್ತಿಲ್ಲ, ಮೊದಲೇ ನಾನು ಗಣಿತದಲ್ಲಿ ವೀಕು...’ ಎನ್ನುತ್ತಾ ಸುಮಿ ನ್ಯೂಸ್ ಪೇಪರ್ ಮಡಚಿಟ್ಟು ಎದ್ದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಮಳೆ ನಿಂತರೂ ಮರದ ಹನಿ ನಿಲ್ಲುವುದಿಲ್ಲ ಅನ್ನುವಂತೆ, ಬೈ ಎಲೆಕ್ಷನ್ ಮುಗಿದರೂ ರಾಜಕಾರಣಿಗಳ ಬೈಗುಳ ನಿಂತಿಲ್ಲ...’ ನ್ಯೂಸ್ ಪೇಪರ್ ಓದುತ್ತಾ ಸುಮಿ ಗೊಣಗಿಕೊಂಡಳು.</p>.<p>‘ಈಗ ಕಾಲ ಬದಲಾಗಿದೆ. ಚುನಾವಣಾ ಪ್ರಚಾರದಲ್ಲಿ ನಾಯಕರು ಎದುರಾಳಿಗಳನ್ನು ಬೈದಾಗ ಸಿಗುವ ಕಿಮ್ಮತ್ತು ಗಾಂಧಿ, ಬುದ್ಧನ ಕಥೆ ಹೇಳಿದರೆ ಸಿಗುವುದಿಲ್ಲವಂತೆ. ಬೈಗುಳ ಆಧರಿಸಿ ಮತ ಗಳಿಕೆಯ ಲೆಕ್ಕ ಹಾಕುತ್ತಿದ್ದಾರೆ’ ಎಂದ ಶಂಕ್ರಿ.</p>.<p>‘ಹೀಗೆ ಬೈದಾಡಿದ್ರೆ ನಾಯಕರ ಗಾತ್ರ, ಘನತೆಗೆ ಧಕ್ಕೆ ಆಗೋದಿಲ್ವೇ?’</p>.<p>‘ಆಗೊಲ್ಲವಂತೆ, ನಾಯಕರು ಯಾವ ಸಂದರ್ಭದಲ್ಲಿ, ಯಾವ ಭಾಷೆಯಲ್ಲಿ ಬೈದರು ಎಂಬುದನ್ನು ಕೂಡಿ-ಕಳೆದು, ಎಣಿಸಿ-ಗುಣಿಸಿ, ಭಾಗಿಸಿ, ತೂಗಿಸಿದಾಗ ಚುನಾವಣೆಯ ಪಕ್ಕಾ ಲೆಕ್ಕ ಸಿಗುತ್ತದೆ’ ಅಂದ ಶಂಕ್ರಿ.</p>.<p>‘ಎ ಪಕ್ಷದವರು ಬಿ ಪಕ್ಷದವರನ್ನು ಬೈದರು, ಹಾಗೇ ಆ ಪಕ್ಷದವರು ಈ ಪಕ್ಷದವರನ್ನು ತಿರುಗಿಸಿ ಬೈದರು. ಅಂತಿಮ ಉತ್ತರ ಏನು ದೊರೆಯುತ್ತದೆ?’</p>.<p>‘ಸರಳ ಗಣಿತ. ಎ ಪ್ಲಸ್ ಬಿ ಹೋಲ್ ಸ್ಕ್ವೇರ್ ಈಸ್ ಈಕ್ವಲ್ ಟು ಎ ಸ್ಕ್ವೇರ್ ಪ್ಲಸ್ ಟೂ ಎಬಿ ಪ್ಲಸ್ ಬಿ ಸ್ಕ್ವೇರ್...’</p>.<p>‘ನನಗೆ ಅರ್ಥ ಆಗಲಿಲ್ಲ’.</p>.<p>‘ನನಗೂ ಅರ್ಥವಾಗಿಲ್ಲ. ಪಕ್ಷದ ನಾಯಕರ ಒಟ್ಟು ಬೈಗುಳವನ್ನು ಕ್ಷೇತ್ರದ ಮತದಾರರ ಒಟ್ಟಾರೆ ಅಭಿರುಚಿಯಿಂದ ಭಾಗಿಸಬೇಕು. ಶೇಷ ಸೊನ್ನೆ ಬದಲು ಇನ್ನೇನಾದರೂ ಉಳಿದರೆ, ಕ್ಷೇತ್ರದಲ್ಲಿ ಆ ಪಕ್ಷ ಉಳಿಯುತ್ತದೆ’ ಎಂದ ಶಂಕ್ರಿ.</p>.<p>‘ಅಲ್ಲಾರೀ, ಹೀಗೆಲ್ಲಾ ಬೈದಾಡಿದರೆ ಬರಬೇಕಾದ ವೋಟುಗಳೂ ಮೈನಸ್ ಆಗೋದಿಲ್ವೇ?’</p>.<p>‘ಆಗೊಲ್ಲ, ಯಾಕೆಂದರೆ ಎದುರಾಳಿ ಪಕ್ಷದವರೂ ಅಷ್ಟೇ ಪ್ರಮಾಣದಲ್ಲಿ ಬೈದು ಮೈನಸ್ ಮಾಡಿಕೊಳ್ಳುವುದರಿಂದ ಮೈನಸ್ ಇಂಟು ಮೈನಸ್ ಪ್ಲಸ್ ಆಗುತ್ತದೆ...’</p>.<p>‘ಚುನಾವಣೆ ಗಣಿತ ಅರ್ಥವಾಗುತ್ತಿಲ್ಲ, ಮೊದಲೇ ನಾನು ಗಣಿತದಲ್ಲಿ ವೀಕು...’ ಎನ್ನುತ್ತಾ ಸುಮಿ ನ್ಯೂಸ್ ಪೇಪರ್ ಮಡಚಿಟ್ಟು ಎದ್ದಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>