ಚುರುಮುರಿ: ಗುಂಡಿ ಭಾಗ್ಯ!

‘ಲೇ ತೆಪರ, ಇದ್ಯಾಕೋ ಹಿಂಗೆ ಮೂತಿ ಚೂಪು ಮಾಡ್ಕಂಡು ಜೂಗರಿಸ್ತಾ ಕುಂತಿದೀಯ?’ ಹರಟೆಕಟ್ಟೆಯಲ್ಲಿ ತೆಪರೇಸಿಯನ್ನ ಗುಡ್ಡೆ ಕೇಳಿದ.

. ‘ಇವನ್ನ ನೋಡಿದ್ರೆ ಹಕ್ಕಿ ಜ್ವರಾನೋ ಹಂದಿ ಜ್ವರಾನೋ ಬಂದಂಗೆ ಕಾಣ್ಸುತ್ತಪ್ಪ. ಈಗ ಎಲ್ಲ ಕಡೆ ಹಂದಿ ಜ್ವರ ಜಾಸ್ತಿಯಾಗೇತಂತೆ...’ ಕೊಟ್ರ ಕಿಸಕ್ಕೆಂದ.

. ‘ಮಂಜಮ್ಮ ಶುಂಠಿ ಚಾ ಮಾಡು, ಪಾಪ ತೆಪರಂಗೆ ಹುಷಾರಿಲ್ಲ ಅನ್ಸುತ್ತೆ...’ ದುಬ್ಬೀರ ಕನಿಕರ ತೋರಿದ.

. ‘ನಂಗೇನೋ ಇದು ಮೂಳೆ ಜ್ವರ ಅನ್ಸುತ್ತಪ್ಪ. ಬಂಗ್ಲೆ ಗುಡ್ಡದಲ್ಲಿ ಈ ತೆಪರ ಅಸ್ಥಿಪಂಜರ ನೋಡಿ ಹೆದರ್ಕಂಡಿರಬೇಕು, ಒಂದು ತಾಯತ ಕಟ್ಟಿಸಿದ್ರೆ ಸರಿ ಹೋಗ್ತಾನೆ...’ ಗುಡ್ಡೆ ಸಲಹೆ.

. ‘ಅಲ್ಲ, ಈ ಜ್ವರಗಳಲ್ಲಿ ಎಷ್ಟ್ ನಮೂನಿ ಅದಾವು?’ ಮಂಜಮ್ಮ ಕೇಳಿದಳು.

. ‘ಒಂದು ಏಳೆಂಟು ಇರಬೇಕು. ಹಕ್ಕಿ ಜ್ವರ, ಹಂದಿ ಜ್ವರ, ಪ್ರೇಮ ಜ್ವರ, ಪರೀಕ್ಷೆ ಜ್ವರ, ಸಿ.ಡಿ. ಜ್ವರ, ಇ.ಡಿ ಜ್ವರ... ಸಾಕಾ?’

. ‘ಲೇ ಗುಡ್ಡೆ, ಅವೆಲ್ಲ ಏನಿಲ್ಲ, ಬೆಂಗ್ಳೂರಿನ ಗುಂಡಿಗಳಲ್ಲಿ ಬೈಕ್ ಓಡಿಸಿ ಮೈ ಕೈ ನೋವಾಗಿ ಜ್ವರ ಬಂದಿರಬೇಕು ಅಷ್ಟೆ...’

. ‘ಓ... ಅಂದ್ರೆ ಇದು ಗುಂಡಿ ಭಾಗ್ಯ! ಎಲ್ರು ಹುಷಾರಾಗಿ ನೋಡ್ಕಂಡು ಬೈಕ್ ಓಡಿಸ್ರಪ್ಪ, ಆಮೇಲೆ ಯಾವುದಾರ ಗುಂಡಿಗೆ ಬಿದ್ದು ಗೊಟಕ್ ಅಂದೀರ...’ ಮಂಜಮ್ಮ ನಕ್ಕಳು.

. ಎಷ್ಟು ಕೀಟಲೆ ಮಾಡಿದ್ರೂ ಪಿಟಿಕ್ಕನ್ನದೆ ಕೂತಿದ್ದ ತೆಪರೇಸಿ. ‘ಏನಾದ್ರು ಮಾತಾಡೋ, ಏನು ಯೋಚಿಸ್ತಿದೀಯ?’ ದುಬ್ಬೀರ ಕೇಳಿದ.

. ‘ಏನಿಲ್ಲ, ಮನುಷ್ಯನಿಗೆ ಹಕ್ಕಿ ಜ್ವರ, ಹಂದಿ ಜ್ವರ ಬರ್ತಾವೆ ಓಕೆ, ಅದೇ ತರ ಅಕಸ್ಮಾತ್ ಹಂದಿಗಳಿಗೆ ಮನುಷ್ಯನ ಜ್ವರ ಬಂದ್ರೆ ಅವು ಹೆಂಗಾಡ್ತಿದ್ವು ಅಂತ ಯೋಚಿಸ್ತಿದ್ದೆ...’ ಎಂದ ತೆಪರ.

. ‘ಯಪ್ಪಾ , ಇದ್ನ ನಾವು ಯೋಚಿಸ್ಲೇ ಇಲ್ವಲ್ಲೋ...’ ಎಂದ ಕೊಟ್ರ.

. ‘ಇಂಥದೆಲ್ಲ ಟೀವಿ ಪತ್ರಕರ್ತರಿಗೇ ಹೊಳಿಯೋದು’ ಎಂದ ಗುಡ್ಡೆ.

. ಎಲ್ಲರೂ ಗೊಳ್ಳಂತ ನಕ್ಕರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಗುಂಡಿ ಭಾಗ್ಯ!

ದಸರಾಗೆ ಬಾನು ಮುಷ್ತಾಕ್: ಸುಪ್ರೀಂ ಕೋರ್ಟ್‌ನಲ್ಲಿ ಇಂದು ಮೇಲ್ಮನವಿ ಅರ್ಜಿ ವಿಚಾರಣೆ

ಚಿನಕುರುಳಿ: ಗುರುವಾರ, 18 ಸೆಪ್ಟೆಂಬರ್ 2025

ಚುರುಮುರಿ: ಮಂತ್ರಿ ಸಂದರ್ಶನ

ಆಳಂದ ಕ್ಷೇತ್ರದಲ್ಲಿ ಮತಕಳವು ಆರೋಪ: ಚುನಾವಣಾ ಆಯೋಗಕ್ಕೆ ರಾಹುಲ್‌ ಗಾಂಧಿ ಗಡುವು

Asia Cup: 'ಸೂಪರ್ 4' ಹಂತಕ್ಕೆ ಶ್ರೀಲಂಕಾ; ಟೂರ್ನಿಯಿಂದ ಹೊರಬಿದ್ದ ಅಫ್ಗಾನಿಸ್ತಾನ

ವಿಶ್ವ ಚಾಂಪಿಯನ್‌ಷಿಪ್‌ ಕುಸ್ತಿ: ಭಾರತಕ್ಕೆ ನಿರಾಸೆ

ಜುರೇಲ್‌–ಪಡಿಕ್ಕಲ್ ಜುಗಲ್‌ಬಂದಿ: ಡ್ರಾ ಹಾದಿಯಲ್ಲಿ ಮೊದಲ ‘ಟೆಸ್ಟ್‌’

ಏಷ್ಯಾ ಕಪ್ ಟಿ20 ಕ್ರಿಕೆಟ್: ನಾಲ್ಕರ ಘಟ್ಟಕ್ಕೂ ಮುನ್ನ ಭಾರತಕ್ಕೆ ‘ಅಭ್ಯಾಸ’

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ದಸರಾಗೆ ಬಾನು ಮುಷ್ತಾಕ್: ಸುಪ್ರೀಂ ಕೋರ್ಟ್‌ನಲ್ಲಿ ಇಂದು ಮೇಲ್ಮನವಿ ಅರ್ಜಿ ವಿಚಾರಣೆ

ಚಿನಕುರುಳಿ: ಗುರುವಾರ, 18 ಸೆಪ್ಟೆಂಬರ್ 2025

ಚುರುಮುರಿ: ಮಂತ್ರಿ ಸಂದರ್ಶನ

ಆಳಂದ ಕ್ಷೇತ್ರದಲ್ಲಿ ಮತಕಳವು ಆರೋಪ: ಚುನಾವಣಾ ಆಯೋಗಕ್ಕೆ ರಾಹುಲ್‌ ಗಾಂಧಿ ಗಡುವು