<p>‘ಮಳ್ಳಿ ಮಳ್ಳಿ, ಮಂಚಕ್ಕೆ ಎಷ್ಟು ಕಾಲು?’</p>.<p>‘ಮೂರು ಮತ್ತೊಂದೇ ಕಣೋ ಮಳ್ಳ. ಕಾಲ ಬದಲಾದರೂ ಮಂಚದ ಕಾಲು ಬದಲಾಗಿಲ್ಲ’.</p>.<p>‘ಮಳ್ಳಿ, ಸರ್ಕಾರದ ಬೋರ್ಡ್ ಚೇರ್ಮನ್ ಕುರ್ಚಿಗೂ ನಾಲ್ಕೇ ಕಾಲು ಅಲ್ವಾ?’</p>.<p>‘ಹಾಗೇನಿಲ್ಲ. 360 ಡಿಗ್ರಿ ತಿರುಗುವ, ತಲೆ ತಿರುಗಿಸುವ ಒಂಟಿ ಕಾಲಿನ ಕುರ್ಚಿಗಳೂ ಇವೆ. ತೆಪ್ಪಗೆ ಕೂರುವ ನಾಲ್ಕು ಕಾಲಿನ ಕುರ್ಚಿಗಳೂ ಇವೆ’.</p>.<p>‘ಕಾಲುಗಳಿಗಿಂತ, ಬೋರ್ಡ್ ಕುರ್ಚಿ ಪಡೆಯಲು ಎಷ್ಟು ಜನರ ಕಾಲು ಹಿಡಿಯಬೇಕು ಎಂಬ ಲೆಕ್ಕ ಮುಖ್ಯ ಅಲ್ವೇನೆ ಮಳ್ಳಿ?’</p>.<p>‘ಹೌದೋ ಮಳ್ಳ, ಮೊದಲ ಕಂತಿನಲ್ಲಿ ಶಾಸಕರು ಸುಖಾಸೀನದ ಬೋರ್ಡ್ ಕುರ್ಚಿಗಳನ್ನು ಪಡೆದಿದ್ದಾರೆ. ಮುಂದಿನ ಕಂತಿನಲ್ಲಿ ಹಂಚಿಕೆಯಾಗಲು ಇನ್ನಷ್ಟು ‘ಅಭಿವೃದ್ಧಿ’ ನಿಗಮ, ‘ಸಮೃದ್ಧಿ’ ಮಂಡಳಿ ಕುರ್ಚಿಗಳು ಖಾಲಿ ಇವೆ. ಅವುಗಳನ್ನು ಪಡೆದುಕೊಳ್ಳಲು ಕುರ್ಚಿ ಫೈಟ್ ಶುರುವಾಗಿದೆ ಕಣೋ ಮಳ್ಳ’.</p>.<p>‘ಹೋರಾಟ ಮಾಡದಿದ್ದರೆ ಕುರ್ಚಿ ಸಿಗೋದಿಲ್ವಾ?’</p>.<p>‘ಅತ್ತುಕರೆದು ಕುರ್ಚಿ ದಕ್ಕಿಸಿಕೊಳ್ಳುವ ಧರ್ಮಾತ್ಮರ ಕಾಲ ಇದಲ್ಲ. ಲಾಬಿ ಮಾಡಿ ಲಾಭ ಮಾಡಿಕೊಳ್ಳಬೇಕು ಇಲ್ಲವೇ ಹೋರಾಡಿ ಗೆಲ್ಲಬೇಕು’.</p>.<p>‘ಉಪವಾಸ ಸತ್ಯಾಗ್ರಹ ಮಾಡಿದರೆ ಕುರ್ಚಿ ಸಿಗಬಹುದು ಅಲ್ವಾ?’</p>.<p>‘ಗಾಂಧೀಜಿ ಕಾಲದ ಶಾಂತಿ, ಸಂಯಮದ ಸತ್ಯಾಗ್ರಹಕ್ಕೆ ಈಗ ಕಿಮ್ಮತ್ತು ಇಲ್ಲವಂತೆ. ಅನಿರ್ದಿಷ್ಟಾವಧಿ ಧರಣಿ, ಪ್ರತಿಕೃತಿ ದಹನ, ಬಸ್ಸಿಗೆ ಬೆಂಕಿ ಹಚ್ಚುವುದು, ವಾಹನಗಳನ್ನು ಚಚ್ಚುವುದೂ ಈಗ ಓಲ್ಡ್ ಸ್ಟೈಲ್ ಹೋರಾಟವಂತೆ. ಸೋಷಿಯಲ್ ಮೀಡಿಯಾಗಳಲ್ಲಿ ಟಿಆರ್ಪಿ ಹೆಚ್ಚುವಂತಹ ವಿಭಿನ್ನ ಹೋರಾಟ ಮಾಡಿ ಗಮನ ಸೆಳೆಯಬೇಕಂತೆ’.</p>.<p>‘ಲೇಟೆಸ್ಟಾಗಿ, ಫ್ಲೆಕ್ಸ್ ಹರಿಯುವ, ಧ್ವಜಬಲ ಪರಾಕ್ರಮ ಪ್ರದರ್ಶನದ ಹೋರಾಟಗಳು ಗಮನ ಸೆಳೆಯುತ್ತಿವೆ. ಮಹಾತ್ಮರು ಹುತಾತ್ಮರಾದ ನಂತರ ಜನರ ಪರಿಸ್ಥಿತಿ, ಅಭಿರುಚಿಗೆ ತಕ್ಕಂತೆ ಹೋರಾಟಗಳ ಸ್ವರೂಪವೂ ಬದಲಾಗುತ್ತಿದೆ ಕಣೆ ಮಳ್ಳಿ...’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಮಳ್ಳಿ ಮಳ್ಳಿ, ಮಂಚಕ್ಕೆ ಎಷ್ಟು ಕಾಲು?’</p>.<p>‘ಮೂರು ಮತ್ತೊಂದೇ ಕಣೋ ಮಳ್ಳ. ಕಾಲ ಬದಲಾದರೂ ಮಂಚದ ಕಾಲು ಬದಲಾಗಿಲ್ಲ’.</p>.<p>‘ಮಳ್ಳಿ, ಸರ್ಕಾರದ ಬೋರ್ಡ್ ಚೇರ್ಮನ್ ಕುರ್ಚಿಗೂ ನಾಲ್ಕೇ ಕಾಲು ಅಲ್ವಾ?’</p>.<p>‘ಹಾಗೇನಿಲ್ಲ. 360 ಡಿಗ್ರಿ ತಿರುಗುವ, ತಲೆ ತಿರುಗಿಸುವ ಒಂಟಿ ಕಾಲಿನ ಕುರ್ಚಿಗಳೂ ಇವೆ. ತೆಪ್ಪಗೆ ಕೂರುವ ನಾಲ್ಕು ಕಾಲಿನ ಕುರ್ಚಿಗಳೂ ಇವೆ’.</p>.<p>‘ಕಾಲುಗಳಿಗಿಂತ, ಬೋರ್ಡ್ ಕುರ್ಚಿ ಪಡೆಯಲು ಎಷ್ಟು ಜನರ ಕಾಲು ಹಿಡಿಯಬೇಕು ಎಂಬ ಲೆಕ್ಕ ಮುಖ್ಯ ಅಲ್ವೇನೆ ಮಳ್ಳಿ?’</p>.<p>‘ಹೌದೋ ಮಳ್ಳ, ಮೊದಲ ಕಂತಿನಲ್ಲಿ ಶಾಸಕರು ಸುಖಾಸೀನದ ಬೋರ್ಡ್ ಕುರ್ಚಿಗಳನ್ನು ಪಡೆದಿದ್ದಾರೆ. ಮುಂದಿನ ಕಂತಿನಲ್ಲಿ ಹಂಚಿಕೆಯಾಗಲು ಇನ್ನಷ್ಟು ‘ಅಭಿವೃದ್ಧಿ’ ನಿಗಮ, ‘ಸಮೃದ್ಧಿ’ ಮಂಡಳಿ ಕುರ್ಚಿಗಳು ಖಾಲಿ ಇವೆ. ಅವುಗಳನ್ನು ಪಡೆದುಕೊಳ್ಳಲು ಕುರ್ಚಿ ಫೈಟ್ ಶುರುವಾಗಿದೆ ಕಣೋ ಮಳ್ಳ’.</p>.<p>‘ಹೋರಾಟ ಮಾಡದಿದ್ದರೆ ಕುರ್ಚಿ ಸಿಗೋದಿಲ್ವಾ?’</p>.<p>‘ಅತ್ತುಕರೆದು ಕುರ್ಚಿ ದಕ್ಕಿಸಿಕೊಳ್ಳುವ ಧರ್ಮಾತ್ಮರ ಕಾಲ ಇದಲ್ಲ. ಲಾಬಿ ಮಾಡಿ ಲಾಭ ಮಾಡಿಕೊಳ್ಳಬೇಕು ಇಲ್ಲವೇ ಹೋರಾಡಿ ಗೆಲ್ಲಬೇಕು’.</p>.<p>‘ಉಪವಾಸ ಸತ್ಯಾಗ್ರಹ ಮಾಡಿದರೆ ಕುರ್ಚಿ ಸಿಗಬಹುದು ಅಲ್ವಾ?’</p>.<p>‘ಗಾಂಧೀಜಿ ಕಾಲದ ಶಾಂತಿ, ಸಂಯಮದ ಸತ್ಯಾಗ್ರಹಕ್ಕೆ ಈಗ ಕಿಮ್ಮತ್ತು ಇಲ್ಲವಂತೆ. ಅನಿರ್ದಿಷ್ಟಾವಧಿ ಧರಣಿ, ಪ್ರತಿಕೃತಿ ದಹನ, ಬಸ್ಸಿಗೆ ಬೆಂಕಿ ಹಚ್ಚುವುದು, ವಾಹನಗಳನ್ನು ಚಚ್ಚುವುದೂ ಈಗ ಓಲ್ಡ್ ಸ್ಟೈಲ್ ಹೋರಾಟವಂತೆ. ಸೋಷಿಯಲ್ ಮೀಡಿಯಾಗಳಲ್ಲಿ ಟಿಆರ್ಪಿ ಹೆಚ್ಚುವಂತಹ ವಿಭಿನ್ನ ಹೋರಾಟ ಮಾಡಿ ಗಮನ ಸೆಳೆಯಬೇಕಂತೆ’.</p>.<p>‘ಲೇಟೆಸ್ಟಾಗಿ, ಫ್ಲೆಕ್ಸ್ ಹರಿಯುವ, ಧ್ವಜಬಲ ಪರಾಕ್ರಮ ಪ್ರದರ್ಶನದ ಹೋರಾಟಗಳು ಗಮನ ಸೆಳೆಯುತ್ತಿವೆ. ಮಹಾತ್ಮರು ಹುತಾತ್ಮರಾದ ನಂತರ ಜನರ ಪರಿಸ್ಥಿತಿ, ಅಭಿರುಚಿಗೆ ತಕ್ಕಂತೆ ಹೋರಾಟಗಳ ಸ್ವರೂಪವೂ ಬದಲಾಗುತ್ತಿದೆ ಕಣೆ ಮಳ್ಳಿ...’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
