<p>ಅಂಕ ಗಣಿತ, ಬೀಜ ಗಣಿತ, ರೇಖಾ ಗಣಿತವನ್ನು ಅರೆದು ಕುಡಿದಿರುವ ಗಣಿತ ಮೇಷ್ಟ್ರು ಶಂಕ್ರಿಯವರಿಗೆ ಈರುಳ್ಳಿ ಗಣಿತ ಅರ್ಥವಾಗಲಿಲ್ಲ.</p>.<p>‘ನಮ್ಮ ಮನೆಗೆ ದಿನಕ್ಕೆ ಆರು ಈರುಳ್ಳಿ ಬೇಕಾಗಬಹುದು ಅಲ್ವೇ’ ಅಂದ್ರು.</p>.<p>‘ಆರು ಬೇಕೊ, ಹತ್ತು ಬೇಕೊ ಅನ್ನೋದು ಈರುಳ್ಳಿ ಸೈಜಿನ ಮೇಲೆ ಡಿಪೆಂಡ್ ಆಗುತ್ತೆರೀ’ ಅಡುಗೆ ಮನೆಯಲ್ಲಿ ದೋಸೆ ಸುಯ್ ಅನ್ನಿಸಿದಳು ಹೆಂಡ್ತಿ ಸುಮಿ.</p>.<p>‘ಒಂದು ಕೆ.ಜಿಗೆ ಎಷ್ಟು ಈರುಳ್ಳಿ ಬರುತ್ತವೆ?’</p>.<p>‘ಅದು ಈರುಳ್ಳಿ ಸೈಜ್ ಮೇಲೆ ಡಿಪೆಂಡ್ ಆಗುತ್ತೆ’.</p>.<p>‘ದಿನಕ್ಕೆ ಸರಾಸರಿ 200 ಗ್ರಾಂ ಈರುಳ್ಳಿ ಬಳಸ್ತೀಯಾ ನೀನು?’</p>.<p>‘ಹೆಚ್ಚೂಕಮ್ಮಿ ಅಷ್ಟು ಬೇಕಾಗುತ್ತೆ’.</p>.<p>‘ಹಾಗಾದ್ರೆ, ಐದು ದಿನಕ್ಕೆ ಒಂದು ಕೆ.ಜಿ ಈರುಳ್ಳಿ ಬೇಕಾಗುತ್ತದೆ’ ಮೇಷ್ಟ್ರಿಗೆ ಲೆಕ್ಕ ಸಿಕ್ಕಿತು.</p>.<p>‘ನಾವು ಎಲ್ಲಿ ಈರುಳ್ಳಿ ಖರೀದಿಸುತ್ತೇವೆ ಅನ್ನುವುದರ ಮೇಲೆ ಡಿಪೆಂಡ್ ಆಗುತ್ತೆ’ ಅಂದಳು. ‘ಅದು ಹೇಗೆ?’ ಕೇಳಿದ ಶಂಕ್ರಿ.</p>.<p>‘ಹೌದು ರೀ, ಸಿದ್ಧಪ್ಪನ ಅಂಗಡೀಲಿ ಕೊಂಡರೆ ಕೆ.ಜಿಗೆ 800 ಗ್ರಾಂ ಬರುತ್ತೆ, ಮಾಯಮ್ಮನ ತಕ್ಕಡಿ ಕೆ.ಜಿಗೆ 150 ಗ್ರಾಂ ಕಮ್ಮಿ ತೂಗುತ್ತೆ. ಗಂಗಣ್ಣನ ಅಂಗಡೀಲಿ ಮುಕ್ಕಾಲು ಕೆ.ಜಿ ಬರಬಹುದು’.</p>.<p>‘ಇಂಪಾಸಿಬಲ್. ಒಂದು ಕೆ.ಜಿ ಹತ್ತಿ, ಒಂದು ಕೆ.ಜಿ ಕಬ್ಬಿಣದ ತೂಕ ಸಮ ಇರುತ್ತದೆ. ನಾನು ಪ್ರೂವ್ ಮಾಡ್ತೀನಿ’.</p>.<p>‘ನೀವು ಮಾಡಬಹುದು, ಆದರೆ, ಬೆಪ್ಪುತಕ್ಕಡಿಗಳು ಖರೀದಿಗೆ ಹೋದರೆ ಒಂದೊಂದು ತಕ್ಕಡಿ ಒಂದೊಂದು ತೂಕ ತೂಗುತ್ತದೆ’.</p>.<p>‘ನಾನು ನಿಖರವಾಗಿ ಒಂದು ಕೆ.ಜಿ ಈರುಳ್ಳಿ ತೂಗಿಸಿ ತಂದಿದ್ದೇನೆ, ಚೆಕ್ ಮಾಡು’. ‘ಮಾಡಿದೆ, ಅದರಲ್ಲಿ 8-10 ಈರುಳ್ಳಿ ಕೆಟ್ಟು ಹೋಗಿವೆ’ ಅಂದಳು. ಮೇಷ್ಟ್ರಿಗೆ ಲೆಕ್ಕ ಕನ್ಫ್ಯೂಸ್ ಆಯ್ತು.</p>.<p>‘ಈರುಳ್ಳಿ ಮತ್ತು ಸಂಸಾರ ಎರಡನ್ನೂ ಹೇಗೆ ತೂಗಿಸೋದು ಅಂತ ನಿಮಗಿಂತಾ ನನಗೆ ಚೆನ್ನಾಗಿ ಗೊತ್ತು. ತಲೆ ಕೆಡಿಸಿಕೊಳ್ಳಬೇಡಿ ತಿನ್ನಿ...’ ಎಂದು ಈರುಳ್ಳಿ ದೋಸೆ ತಂದು ಮುಂದಿಟ್ಟಳು ಸುಮಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಂಕ ಗಣಿತ, ಬೀಜ ಗಣಿತ, ರೇಖಾ ಗಣಿತವನ್ನು ಅರೆದು ಕುಡಿದಿರುವ ಗಣಿತ ಮೇಷ್ಟ್ರು ಶಂಕ್ರಿಯವರಿಗೆ ಈರುಳ್ಳಿ ಗಣಿತ ಅರ್ಥವಾಗಲಿಲ್ಲ.</p>.<p>‘ನಮ್ಮ ಮನೆಗೆ ದಿನಕ್ಕೆ ಆರು ಈರುಳ್ಳಿ ಬೇಕಾಗಬಹುದು ಅಲ್ವೇ’ ಅಂದ್ರು.</p>.<p>‘ಆರು ಬೇಕೊ, ಹತ್ತು ಬೇಕೊ ಅನ್ನೋದು ಈರುಳ್ಳಿ ಸೈಜಿನ ಮೇಲೆ ಡಿಪೆಂಡ್ ಆಗುತ್ತೆರೀ’ ಅಡುಗೆ ಮನೆಯಲ್ಲಿ ದೋಸೆ ಸುಯ್ ಅನ್ನಿಸಿದಳು ಹೆಂಡ್ತಿ ಸುಮಿ.</p>.<p>‘ಒಂದು ಕೆ.ಜಿಗೆ ಎಷ್ಟು ಈರುಳ್ಳಿ ಬರುತ್ತವೆ?’</p>.<p>‘ಅದು ಈರುಳ್ಳಿ ಸೈಜ್ ಮೇಲೆ ಡಿಪೆಂಡ್ ಆಗುತ್ತೆ’.</p>.<p>‘ದಿನಕ್ಕೆ ಸರಾಸರಿ 200 ಗ್ರಾಂ ಈರುಳ್ಳಿ ಬಳಸ್ತೀಯಾ ನೀನು?’</p>.<p>‘ಹೆಚ್ಚೂಕಮ್ಮಿ ಅಷ್ಟು ಬೇಕಾಗುತ್ತೆ’.</p>.<p>‘ಹಾಗಾದ್ರೆ, ಐದು ದಿನಕ್ಕೆ ಒಂದು ಕೆ.ಜಿ ಈರುಳ್ಳಿ ಬೇಕಾಗುತ್ತದೆ’ ಮೇಷ್ಟ್ರಿಗೆ ಲೆಕ್ಕ ಸಿಕ್ಕಿತು.</p>.<p>‘ನಾವು ಎಲ್ಲಿ ಈರುಳ್ಳಿ ಖರೀದಿಸುತ್ತೇವೆ ಅನ್ನುವುದರ ಮೇಲೆ ಡಿಪೆಂಡ್ ಆಗುತ್ತೆ’ ಅಂದಳು. ‘ಅದು ಹೇಗೆ?’ ಕೇಳಿದ ಶಂಕ್ರಿ.</p>.<p>‘ಹೌದು ರೀ, ಸಿದ್ಧಪ್ಪನ ಅಂಗಡೀಲಿ ಕೊಂಡರೆ ಕೆ.ಜಿಗೆ 800 ಗ್ರಾಂ ಬರುತ್ತೆ, ಮಾಯಮ್ಮನ ತಕ್ಕಡಿ ಕೆ.ಜಿಗೆ 150 ಗ್ರಾಂ ಕಮ್ಮಿ ತೂಗುತ್ತೆ. ಗಂಗಣ್ಣನ ಅಂಗಡೀಲಿ ಮುಕ್ಕಾಲು ಕೆ.ಜಿ ಬರಬಹುದು’.</p>.<p>‘ಇಂಪಾಸಿಬಲ್. ಒಂದು ಕೆ.ಜಿ ಹತ್ತಿ, ಒಂದು ಕೆ.ಜಿ ಕಬ್ಬಿಣದ ತೂಕ ಸಮ ಇರುತ್ತದೆ. ನಾನು ಪ್ರೂವ್ ಮಾಡ್ತೀನಿ’.</p>.<p>‘ನೀವು ಮಾಡಬಹುದು, ಆದರೆ, ಬೆಪ್ಪುತಕ್ಕಡಿಗಳು ಖರೀದಿಗೆ ಹೋದರೆ ಒಂದೊಂದು ತಕ್ಕಡಿ ಒಂದೊಂದು ತೂಕ ತೂಗುತ್ತದೆ’.</p>.<p>‘ನಾನು ನಿಖರವಾಗಿ ಒಂದು ಕೆ.ಜಿ ಈರುಳ್ಳಿ ತೂಗಿಸಿ ತಂದಿದ್ದೇನೆ, ಚೆಕ್ ಮಾಡು’. ‘ಮಾಡಿದೆ, ಅದರಲ್ಲಿ 8-10 ಈರುಳ್ಳಿ ಕೆಟ್ಟು ಹೋಗಿವೆ’ ಅಂದಳು. ಮೇಷ್ಟ್ರಿಗೆ ಲೆಕ್ಕ ಕನ್ಫ್ಯೂಸ್ ಆಯ್ತು.</p>.<p>‘ಈರುಳ್ಳಿ ಮತ್ತು ಸಂಸಾರ ಎರಡನ್ನೂ ಹೇಗೆ ತೂಗಿಸೋದು ಅಂತ ನಿಮಗಿಂತಾ ನನಗೆ ಚೆನ್ನಾಗಿ ಗೊತ್ತು. ತಲೆ ಕೆಡಿಸಿಕೊಳ್ಳಬೇಡಿ ತಿನ್ನಿ...’ ಎಂದು ಈರುಳ್ಳಿ ದೋಸೆ ತಂದು ಮುಂದಿಟ್ಟಳು ಸುಮಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
