<p>‘ನಾನೇ ದೇವರು ಅಂದೋರು, ಕಿಚಡಿ ಸರ್ಕಾರ ಅಂದೋರು, ಗ್ಯಾರೆಂಟಿ ಜನ ವೋಟಾಕ್ತರೆ ಅಂತ ತಿಳಕಂದೋರಿಗೆ ಮತದಾರ ಕೊನೆಗೂ ಅವನ ಆಟ ತೋರಿಸಿದ’ ಅಂತ ತುರೇಮಣೆ ತೀರ್ಪು ಕೊಟ್ಟರು.</p>.<p>‘ಸೋತೋರೆಲ್ಲಾ ಹಿನ್ನಡೆಯಾದುದ್ಕೆ ಏನಾದ್ರೂ ಬೂತುಚೇಷ್ಟೆ ನಡೆದಿತ್ತಾ ಅಂತ ಪರಿಶೀಲನೆ, ವಿಶ್ಲೇಷಣೆ ಮಾಡಿಕ್ಯತ್ತವರಂತೆ’ ಚಂದ್ರು ಹೇಳಿದ.</p>.<p>‘ಆಯ್ತು ಕಾ ಬುಡಿ. ನೀಟ್ ಪರೀಕ್ಷೇಲಿ ಹುಡ್ಲು ಭಾರೀ ಸಂಖ್ಯೇಲಿ ಪಾಸಾಗ್ಯವಂತೆ. ಎಲ್ಲಾ ಕೋಚಿಂಗ್ ಸೆಂಟರುಗಳು ನಾವೇ ಮಾಡಿದ್ದು ಅಂತ ಕೊಚ್ಚಿಗ್ಯತಾವೆ, ಏನಂತೀರಾ?’ ಅಂತ ಕ್ವೆಸ್ಚನಿಸಿದೆ.</p>.<p>‘ಅನ್ನದೇನ್ಲಾ! ರಾಜಕಾರಣಿಗಳಿಗೂ ಇದೇ ಥರಾ ಪೀಟ್ ಪರೀಕ್ಷೆ ಮಡಗಬೇಕು’ ಅಂದ ತುರೇಮಣೆ ಮಾತು ಅರ್ಥಾಗಲಿಲ್ಲ.</p>.<p>‘ಪೀಟ್ ಅಂದ್ರೇನ್ಸಾ?’ ಪ್ರಶ್ನೆ ಮಾಡಿದೆ.</p>.<p>‘ಪೊಲಿಟಿಕಲ್ ಎಲಿಜಿಬಿಲಿಟಿ ಎಂಟ್ರೆನ್ಸ್ ಟೆಸ್ಟ್ ಕಲಾ. ಇದು ಜನರಲ್ ಪೇಪರ್. ತಾವು ಯಂಗೆ ನವರಂಗಿ ಆಟ ಆಡಿ ಕಾಮನ್ ಪೀಪಲ್ನಿಂದ ತಪ್ಪಿಸ್ಕಬಕು ಅಂತ ತಿಳಿಸಕ್ಕೆ ಕಾಮನ್ ಎಸ್ಕೇಪಿಂಗ್ ಟೆಸ್ಟು- ಸಿಇಟಿ, ಹಗರಣಗಳಲ್ಲಿ ಸಿಗೇಬೀಳದೇ ಬ್ಯಾರೇರನ್ನ ಕೆಡವದೆಂಗೆ ಅಂತ ಹೇಳಿಕೊಡಕ್ಕೆ ಜಾಯ್ಫುಲ್ ಎಸ್ಕೇಪಿಂಗ್ ಟೆಸ್ಟು- ಜೆಇಇ ಪಾಸಾಗಬಕು’ ಅಂತಂದ್ರು.</p>.<p>‘ಪಾಸಾದ ರಾಜಕಾರಣಿಗಳ ಮುಸುಡಿಗಳನ್ನೆಲ್ಲಾ ಪೇಪರಿನ ಮೊದಲನೇ ಪುಟದೇಲಿ ಅನೌನ್ಸ್ ಮಾಡಿದರೆ, ಪಕ್ಷಗಳು ಅವರ ಯೇಗ್ತೆ, ರೇಟು ನೋಡಿ ಖರೀದಿ ಮಾಡಿಕ್ಯತ್ತವೆ. ಜಾಸ್ತಿ ಮಾರ್ಕ್ಸ್ ತೆಗೆದೋರು ನಾಯಕರಾದರೆ, ಉಳಿದೋರನ್ನ ಅವರ ರ್ಯಾಂಕಿಂಗ್ ಪ್ರಕಾರ ಮ್ಯಾಗಲಮನೆ, ಕೆಳಗಲಮನೆ ನೆಂಬ್ರು ಮಾಡಬೈದು!’ ಯಂಟಪ್ಪಣ್ಣ ಹೇಳಿತು.</p>.<p>‘ಪರೀಕ್ಷೆ ಚೆನ್ನಾಗಿ ಬರೆದಿಲ್ಲ ಅಂತ ಬೇಜಾರಲ್ಲಿ ಪಾಪದ ಹುಡ್ಲು ನ್ಯಾಣಾಕ್ಯತಾವೆ. ಪೀಟ್, ಸಿಇಟಿ, ಜೆಇಇ ಪರೀಕ್ಷೆ ಪಾಸಾಗದ ರಾಜಕಾರಣಿಗಳೂ ಆತ್ಮಹತ್ಯೆ ಮಾಡಿಕ್ಯಂದಾರೇನೋ?’ ಕೇಳಿದೆ.</p>.<p>‘ಅವರು ರಾಜಕಾರಣಿಗಳು ಕಲಾ! ಪ್ರಾಣ ತಗೀತರೇ ಹೊರತು ಕೊಟ್ಟು ವಾಡಿಕೆ ಇಲ್ಲ. ಆತ್ಮವೇ ಇಲ್ಲದೆ ಆತ್ಮಾವಲೋಕನ ಮಾಡಿಕ್ಯತರೆ. ಅಧಿಕಾರಕ್ಕೋಸ್ಕರ ಎಂತಾ ಲೋಪವಾದ್ರೂ ಮಾಡ್ತರೆ’ ಅಂತ ನೀಟಾಗಿ ಹೇಳಿದರು <br>ತುರೇಮಣೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನಾನೇ ದೇವರು ಅಂದೋರು, ಕಿಚಡಿ ಸರ್ಕಾರ ಅಂದೋರು, ಗ್ಯಾರೆಂಟಿ ಜನ ವೋಟಾಕ್ತರೆ ಅಂತ ತಿಳಕಂದೋರಿಗೆ ಮತದಾರ ಕೊನೆಗೂ ಅವನ ಆಟ ತೋರಿಸಿದ’ ಅಂತ ತುರೇಮಣೆ ತೀರ್ಪು ಕೊಟ್ಟರು.</p>.<p>‘ಸೋತೋರೆಲ್ಲಾ ಹಿನ್ನಡೆಯಾದುದ್ಕೆ ಏನಾದ್ರೂ ಬೂತುಚೇಷ್ಟೆ ನಡೆದಿತ್ತಾ ಅಂತ ಪರಿಶೀಲನೆ, ವಿಶ್ಲೇಷಣೆ ಮಾಡಿಕ್ಯತ್ತವರಂತೆ’ ಚಂದ್ರು ಹೇಳಿದ.</p>.<p>‘ಆಯ್ತು ಕಾ ಬುಡಿ. ನೀಟ್ ಪರೀಕ್ಷೇಲಿ ಹುಡ್ಲು ಭಾರೀ ಸಂಖ್ಯೇಲಿ ಪಾಸಾಗ್ಯವಂತೆ. ಎಲ್ಲಾ ಕೋಚಿಂಗ್ ಸೆಂಟರುಗಳು ನಾವೇ ಮಾಡಿದ್ದು ಅಂತ ಕೊಚ್ಚಿಗ್ಯತಾವೆ, ಏನಂತೀರಾ?’ ಅಂತ ಕ್ವೆಸ್ಚನಿಸಿದೆ.</p>.<p>‘ಅನ್ನದೇನ್ಲಾ! ರಾಜಕಾರಣಿಗಳಿಗೂ ಇದೇ ಥರಾ ಪೀಟ್ ಪರೀಕ್ಷೆ ಮಡಗಬೇಕು’ ಅಂದ ತುರೇಮಣೆ ಮಾತು ಅರ್ಥಾಗಲಿಲ್ಲ.</p>.<p>‘ಪೀಟ್ ಅಂದ್ರೇನ್ಸಾ?’ ಪ್ರಶ್ನೆ ಮಾಡಿದೆ.</p>.<p>‘ಪೊಲಿಟಿಕಲ್ ಎಲಿಜಿಬಿಲಿಟಿ ಎಂಟ್ರೆನ್ಸ್ ಟೆಸ್ಟ್ ಕಲಾ. ಇದು ಜನರಲ್ ಪೇಪರ್. ತಾವು ಯಂಗೆ ನವರಂಗಿ ಆಟ ಆಡಿ ಕಾಮನ್ ಪೀಪಲ್ನಿಂದ ತಪ್ಪಿಸ್ಕಬಕು ಅಂತ ತಿಳಿಸಕ್ಕೆ ಕಾಮನ್ ಎಸ್ಕೇಪಿಂಗ್ ಟೆಸ್ಟು- ಸಿಇಟಿ, ಹಗರಣಗಳಲ್ಲಿ ಸಿಗೇಬೀಳದೇ ಬ್ಯಾರೇರನ್ನ ಕೆಡವದೆಂಗೆ ಅಂತ ಹೇಳಿಕೊಡಕ್ಕೆ ಜಾಯ್ಫುಲ್ ಎಸ್ಕೇಪಿಂಗ್ ಟೆಸ್ಟು- ಜೆಇಇ ಪಾಸಾಗಬಕು’ ಅಂತಂದ್ರು.</p>.<p>‘ಪಾಸಾದ ರಾಜಕಾರಣಿಗಳ ಮುಸುಡಿಗಳನ್ನೆಲ್ಲಾ ಪೇಪರಿನ ಮೊದಲನೇ ಪುಟದೇಲಿ ಅನೌನ್ಸ್ ಮಾಡಿದರೆ, ಪಕ್ಷಗಳು ಅವರ ಯೇಗ್ತೆ, ರೇಟು ನೋಡಿ ಖರೀದಿ ಮಾಡಿಕ್ಯತ್ತವೆ. ಜಾಸ್ತಿ ಮಾರ್ಕ್ಸ್ ತೆಗೆದೋರು ನಾಯಕರಾದರೆ, ಉಳಿದೋರನ್ನ ಅವರ ರ್ಯಾಂಕಿಂಗ್ ಪ್ರಕಾರ ಮ್ಯಾಗಲಮನೆ, ಕೆಳಗಲಮನೆ ನೆಂಬ್ರು ಮಾಡಬೈದು!’ ಯಂಟಪ್ಪಣ್ಣ ಹೇಳಿತು.</p>.<p>‘ಪರೀಕ್ಷೆ ಚೆನ್ನಾಗಿ ಬರೆದಿಲ್ಲ ಅಂತ ಬೇಜಾರಲ್ಲಿ ಪಾಪದ ಹುಡ್ಲು ನ್ಯಾಣಾಕ್ಯತಾವೆ. ಪೀಟ್, ಸಿಇಟಿ, ಜೆಇಇ ಪರೀಕ್ಷೆ ಪಾಸಾಗದ ರಾಜಕಾರಣಿಗಳೂ ಆತ್ಮಹತ್ಯೆ ಮಾಡಿಕ್ಯಂದಾರೇನೋ?’ ಕೇಳಿದೆ.</p>.<p>‘ಅವರು ರಾಜಕಾರಣಿಗಳು ಕಲಾ! ಪ್ರಾಣ ತಗೀತರೇ ಹೊರತು ಕೊಟ್ಟು ವಾಡಿಕೆ ಇಲ್ಲ. ಆತ್ಮವೇ ಇಲ್ಲದೆ ಆತ್ಮಾವಲೋಕನ ಮಾಡಿಕ್ಯತರೆ. ಅಧಿಕಾರಕ್ಕೋಸ್ಕರ ಎಂತಾ ಲೋಪವಾದ್ರೂ ಮಾಡ್ತರೆ’ ಅಂತ ನೀಟಾಗಿ ಹೇಳಿದರು <br>ತುರೇಮಣೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
