ಚಿನಕುರಳಿ| ಬೆಕ್ಕಣ್ಣನ ಕೋಡಿಂಗ್

ರಾತ್ರಿ ರೌಂಡ್ ಮುಗಿಸಿ ಬಂದ ಬೆಕ್ಕಣ್ಣ ಏನೋ ಪತ್ತೇದಾರಿಕೆ ಮಾಡಿದ ಹುಮ್ಮಸ್ಸಿನಲ್ಲಿತ್ತು.

. ‘ಆ ಸರ್ಕಲ್ನಾಗೆ ಡ್ರಗ್ಗಿಸ್ಟ್ ಅಂಡ್ ಕೆಮಿಸ್ಟ್ ಅಂಗಡಿ ಐತಿ, ವಳಗೆ ಏನೇನು ಡ್ರಗ್ ಮಾರತಾರೋ ಗೊತ್ತಿಲ್ಲ’ ಎಂದು ಪಿಸುಗುಟ್ಟಿತು.

. ‘ಮಂಗ್ಯಾನಂಥವ್ನೆ... ಅದು ಮೆಡಿಕಲ್ ಶಾಪ್. ಕೊರೊನಾ ಶುರುವಾದಾಗಿಂದ ಅಂವಾ ಕ್ರೋಸಿನ್ ಗುಳಿಗಿ ಮಾರಾಕೆ ಅಂಜತಾನ, ಇನ್ನು ಆ ಡ್ರಗ್ ದಂಧೆ ಮಾಡ್ತಾನೇನು’ ಎಂದು ಬೈದೆ. ಮತ್ತೆ ಕೆಳಗೋಡಿ ಅಪಾರ್ಟ್ಮೆಂಟಿನ ಒಳಗೆ, ಹೊರಗೆ ಇದ್ದ ಗಿಡಗಳನ್ನೆಲ್ಲ ಜಾಲಾಡಿ ಬಂದಿತು.

. ‘ಬೆಳಗಾಂವಿಯೊಳಗ ಬೆಳೆ ಮಧ್ಯೆ ಗಾಂಜಾ ಬೆಳೆದಿದ್ದ ರೈತನ್ನ ಪೊಲೀಸರು ಹಿಡದಾರಂತ. ಮತ್ತ ನೀವೂ ಶೋ ಗಿಡಗಳ ನಡುವೆ ಗಾಂಜಾ ಬೆಳೆದಿದ್ದರೆ ಅಂತ ನೋಡಾಕ ಹೋಗಿದ್ದೆ’ ಎಂದು ಬಡಿವಾರ ಮಾಡಿತು.

. ‘ಬೆಟ್ಟ ಅಗದು ಇಲಿ ಹಿಡಿದಂಗಾತು ಇದು. ಪ್ರಭಾವಿ ಗಟ್ಟಿಕುಳಗಳು ಕೋಟಿಗಟ್ಟಲೆ ಡ್ರಗ್ ವ್ಯವಹಾರದಾಗ ಮುಳುಗ್ಯಾರ. ದಮ್ ಇದ್ದರೆ ಅವ್ರನ್ನ ಅಲುಗಾಡಿಸಬೇಕಲೇ. ಕಮಲಕ್ಕನ ಪರ ಚುನಾವಣೇಲಿ ಪ್ರಚಾರ ಮಾಡಿದ ಒಬ್ಬಾಕಿ ಆ ಡ್ರಗ್ ಮಾಫಿಯಾದಾಗೆ ಅದಾಳಂತ... ಗೊತ್ತೈತಿಲ್ಲೋ’ ಎಂದೆ.

. ಕಮಲಕ್ಕನ ಸುದ್ದಿ ಎತ್ತುತ್ತಲೇ ಬೆಕ್ಕಣ್ಣ ಬಾಲ ಮುದುರಿಕೊಂಡು, ‘ಮಾಡಿದೋರ ಪಾಪ ಆಡಿದೋರ ಬಾಯಲ್ಲಿ ಅಂತೆ, ನನ್ ಕೆಲಸನೇ ನನಗ ರಗಡ್ ಐತಿ... ಮಂದಿ ಚಿಂತಿ ನನಗೆದಕ್ಕ’ ಎಂದು ಗಾದೆ ಹೇಳುತ್ತ ಲ್ಯಾಪ್ಟಾಪ್ ತೆರೆದು ಘನಗಂಭೀರವಾಗಿ ಕುಳಿತಿತು. ಒಂದು ಗಂಟೆಯಾದರೂ ಅತ್ತಿತ್ತ ಅಲುಗಾಡದೇ ಕೂತಿದ್ದನ್ನು ನೋಡಿ ಕುತೂಹಲದಿಂದ ಇಣುಕಿದೆ.

. ‘ಕೋಡಿಂಗ್ ಮಾಡೂದು ಕಲಿಯಾಕ ಹತ್ತೀನಿ. ನನ್ನ ಮಾರ್ಜಾಲ ಮಾತು ಚಾನೆಲ್ಲಿಗಿ ಭಾಳ ಡಿಸ್ಲೈಕ್ ಬರಾಕಹತ್ಯಾವು. ಒಂದು ಡಿಸ್ಲೈಕ್ ವತ್ತಿದರ ಹತ್ತು ಲೈಕ್ ತಾನೇ ಸೇರೂ ಹಂಗ ಪ್ರೋಗ್ರಾಮ್ ಕೋಡಿಂಗ್ ಮಾಡಾಕ ಹತ್ತೀನಿ. ಅಡ್ನಾಡಿ ಬೆಕ್ಕುಗಳು ನನ್ನ ಪುಕಟ್ ಬುದ್ಧಿವಾದ ಕೇಳ್ಕಂಡು, ಸುಮ್ನೆ ಲೈಕ್ ವತ್ತೂದು ಬಿಟ್ಟು ಭಾರೀ ಬುದ್ಧಿವಂತರಂಗೆ ಡಿಸ್ಲೈಕ್ ವತ್ತತಾರ’ ಎಂದು ಬೈಯುತ್ತ ಕೋಡಿಂಗ್ ಕಾರ್ಯದಲ್ಲಿ ಮಗ್ನವಾಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಿನಕುರಳಿ| ಬೆಕ್ಕಣ್ಣನ ಕೋಡಿಂಗ್

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ