<p>‘ನೋಡ್ರಲೆ, ನಾನು ಹರ್ಬಲ್ ಹಾಲು ವ್ಯಾಪಾರ ಶುರು ಹಚ್ಕಳಣ ಅಂತಿದೀನಿ, ಹೆಂಗೆ?’ ಹರಟೆ<br />ಕಟ್ಟೆಯಲ್ಲಿ ತೆಪರೇಸಿ ಎಲ್ಲರ ಸಲಹೆ ಕೇಳಿದ.</p>.<p>‘ಹರ್ಬಲ್ ಹಾಲಾ? ನಿಮ್ಮ ಟೂತ್ಪೇಸ್ಟಿನಲ್ಲಿ ಲವಂಗ ಇದೆಯೇ ಅನ್ನೋ ಥರ ನಿನ್ನ ಹರ್ಬಲ್ ಹಾಲಿನಲ್ಲಿ ತುಳಸಿ ಇರುತ್ತದೆಯೇ?’ ಗುಡ್ಡೆ ನಾಟಕೀಯವಾಗಿ ಕೇಳಿದ.</p>.<p>‘ನನ್ನ ಹಾಲಿನಲ್ಲಿ ತುಳಸಿ, ಪುದೀನಾ ಎಲ್ಲಾ ಇರುತ್ತೆ ಕಣ್ರಲೆ, ಕುಡಿದ್ರೆ ರೋಗನಿರೋಧಕ ಶಕ್ತಿ ಜಾಸ್ತಿ ಆಗುತ್ತೆ...’</p>.<p>‘ಹೌದಾ? ಆದ್ರೆ ಹಾಲಿಗೆ ತುಳಸಿ, ಪುದೀನಾ ಹಾಕಿದ್ರೆ ಹಾಲು ಕೆಡೋಲ್ವ?’ ದುಬ್ಬೀರನಿಗೆ ಗೊಂದಲ.</p>.<p>‘ನಿನ್ತೆಲಿ, ಅದನ್ನೆಲ್ಲ ಯಾರಾದ್ರು ಹಾಲಿಗೆ ಹಾಕ್ತಾರೇನಲೆ, ನಾನು ಹಸು ಸಾಕ್ತೀನಿ, ಅದಕ್ಕೆ ದಿನಾ ತುಳಸಿ, ಪುದೀನಾ, ಕೊತ್ತಂಬರಿ ತಿನ್ನಿಸ್ತೀನಿ, ಆ ಸೊಪ್ಪಿನ ಔಷಧದ ಅಂಶವೆಲ್ಲ ಹಾಲಿಗೆ ಸೇರಲ್ವ?’ ತೆಪರೇಸಿ ಬಿಡಿಸಿ ಹೇಳಿದ.</p>.<p>‘ಏನು? ಹಸು ಸಾಕ್ತೀಯ? ವೆರಿಗುಡ್... ತುಳಸಿ, ಪುದೀನಾ ಜತಿಗೆ ಹಂಗೇ ಅದಕ್ಕೆ ಶುಂಠಿ, ಲವಂಗ, ಮೆಣಸು ಎಲ್ಲ ತಿನ್ನಿಸಿಬಿಡು, ಹಾಲಿನ ಬದಲು ಡೈರೆಕ್ಟ್ ಕಷಾಯನೇ ಕರ್ಕಾಬಹುದು..’ ಗುಡ್ಡೆ ನಕ್ಕ.</p>.<p>‘ಲೇ ಹಂಗೇನರ ಮಾಡಿಗೀಡೀಯ, ಹಸುಗೆ ಭೇದಿ ಕಿತ್ಕಂಬಿಡುತ್ತೆ ಅಷ್ಟೆ..’ ಪರ್ಮೇಶಿ ಎಚ್ಚರಿಸಿದ.</p>.<p>‘ಈಗ ಒಂದು ಪ್ರಶ್ನೆ, ಹರ್ಬಲ್ ಹಾಲಿನಿಂದ ನಿಂಗೆ ಎಷ್ಟು ಲಾಭ ಸಿಗಬಹುದು’ ಗುಡ್ಡೆ ಪ್ರಶ್ನೆ.</p>.<p>‘ಲೀಟರ್ಗೆ ಹತ್ತಿಪ್ಪತ್ತು ರೂಪಾಯಿ ಜಾಸ್ತಿ ಕೇಳಿದ್ರೂ ಜನ ಕೊಡ್ತಾರೆ’.</p>.<p>‘ಅಷ್ಟೇನಾ? ನಿಂಗೆ ಲೀಟರ್ಗೆ ಐನೂರು ರೂಪಾಯಿ ಸಿಗಂಗೆ ಮಾಡ್ತೀನಿ, ನಾ ಹೇಳಿದಂಗೆ ಕೇಳ್ತೀಯ?’</p>.<p>ಗುಡ್ಡೆ ಮಾತಿನಲ್ಲಿ ಏನೋ ಮರ್ಮ ಇದೆ ಅನ್ನಿಸಿದರೂ ‘ಆಯ್ತು ಅದೇನು ಹೇಳು’ ಅಂದ ತೆಪರೇಸಿ.</p>.<p>‘ಏನಿಲ್ಲ, ತುಳಸಿ, ಪುದೀನಾ ಬದ್ಲು ನಿನ್ನ ಹಸುಗೆ ಗಾಂಜಾ ಸೊಪ್ಪು ತಿನ್ನಿಸಿಬಿಡು. ಜನ ಕ್ಯೂ ಹಚ್ಚಿ ಹಾಲು ಖರೀದಿ ಮಾಡದಿದ್ರೆ ಕೇಳು..!</p>.<p>‘ಥೂ ನಿನ್ನ, ಬದುಕೋ ದಾರಿ ತೋರ್ಸು ಅಂದ್ರೆ ಜೈಲಿನ ದಾರಿ ತೋರಿಸ್ತೀಯಲ್ಲೋ...’ ಗುಡ್ಡೆಗೆ ತೆಪರೇಸಿ ಕ್ಯಾಕರಿಸಿ ಉಗಿದಾಗ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನೋಡ್ರಲೆ, ನಾನು ಹರ್ಬಲ್ ಹಾಲು ವ್ಯಾಪಾರ ಶುರು ಹಚ್ಕಳಣ ಅಂತಿದೀನಿ, ಹೆಂಗೆ?’ ಹರಟೆ<br />ಕಟ್ಟೆಯಲ್ಲಿ ತೆಪರೇಸಿ ಎಲ್ಲರ ಸಲಹೆ ಕೇಳಿದ.</p>.<p>‘ಹರ್ಬಲ್ ಹಾಲಾ? ನಿಮ್ಮ ಟೂತ್ಪೇಸ್ಟಿನಲ್ಲಿ ಲವಂಗ ಇದೆಯೇ ಅನ್ನೋ ಥರ ನಿನ್ನ ಹರ್ಬಲ್ ಹಾಲಿನಲ್ಲಿ ತುಳಸಿ ಇರುತ್ತದೆಯೇ?’ ಗುಡ್ಡೆ ನಾಟಕೀಯವಾಗಿ ಕೇಳಿದ.</p>.<p>‘ನನ್ನ ಹಾಲಿನಲ್ಲಿ ತುಳಸಿ, ಪುದೀನಾ ಎಲ್ಲಾ ಇರುತ್ತೆ ಕಣ್ರಲೆ, ಕುಡಿದ್ರೆ ರೋಗನಿರೋಧಕ ಶಕ್ತಿ ಜಾಸ್ತಿ ಆಗುತ್ತೆ...’</p>.<p>‘ಹೌದಾ? ಆದ್ರೆ ಹಾಲಿಗೆ ತುಳಸಿ, ಪುದೀನಾ ಹಾಕಿದ್ರೆ ಹಾಲು ಕೆಡೋಲ್ವ?’ ದುಬ್ಬೀರನಿಗೆ ಗೊಂದಲ.</p>.<p>‘ನಿನ್ತೆಲಿ, ಅದನ್ನೆಲ್ಲ ಯಾರಾದ್ರು ಹಾಲಿಗೆ ಹಾಕ್ತಾರೇನಲೆ, ನಾನು ಹಸು ಸಾಕ್ತೀನಿ, ಅದಕ್ಕೆ ದಿನಾ ತುಳಸಿ, ಪುದೀನಾ, ಕೊತ್ತಂಬರಿ ತಿನ್ನಿಸ್ತೀನಿ, ಆ ಸೊಪ್ಪಿನ ಔಷಧದ ಅಂಶವೆಲ್ಲ ಹಾಲಿಗೆ ಸೇರಲ್ವ?’ ತೆಪರೇಸಿ ಬಿಡಿಸಿ ಹೇಳಿದ.</p>.<p>‘ಏನು? ಹಸು ಸಾಕ್ತೀಯ? ವೆರಿಗುಡ್... ತುಳಸಿ, ಪುದೀನಾ ಜತಿಗೆ ಹಂಗೇ ಅದಕ್ಕೆ ಶುಂಠಿ, ಲವಂಗ, ಮೆಣಸು ಎಲ್ಲ ತಿನ್ನಿಸಿಬಿಡು, ಹಾಲಿನ ಬದಲು ಡೈರೆಕ್ಟ್ ಕಷಾಯನೇ ಕರ್ಕಾಬಹುದು..’ ಗುಡ್ಡೆ ನಕ್ಕ.</p>.<p>‘ಲೇ ಹಂಗೇನರ ಮಾಡಿಗೀಡೀಯ, ಹಸುಗೆ ಭೇದಿ ಕಿತ್ಕಂಬಿಡುತ್ತೆ ಅಷ್ಟೆ..’ ಪರ್ಮೇಶಿ ಎಚ್ಚರಿಸಿದ.</p>.<p>‘ಈಗ ಒಂದು ಪ್ರಶ್ನೆ, ಹರ್ಬಲ್ ಹಾಲಿನಿಂದ ನಿಂಗೆ ಎಷ್ಟು ಲಾಭ ಸಿಗಬಹುದು’ ಗುಡ್ಡೆ ಪ್ರಶ್ನೆ.</p>.<p>‘ಲೀಟರ್ಗೆ ಹತ್ತಿಪ್ಪತ್ತು ರೂಪಾಯಿ ಜಾಸ್ತಿ ಕೇಳಿದ್ರೂ ಜನ ಕೊಡ್ತಾರೆ’.</p>.<p>‘ಅಷ್ಟೇನಾ? ನಿಂಗೆ ಲೀಟರ್ಗೆ ಐನೂರು ರೂಪಾಯಿ ಸಿಗಂಗೆ ಮಾಡ್ತೀನಿ, ನಾ ಹೇಳಿದಂಗೆ ಕೇಳ್ತೀಯ?’</p>.<p>ಗುಡ್ಡೆ ಮಾತಿನಲ್ಲಿ ಏನೋ ಮರ್ಮ ಇದೆ ಅನ್ನಿಸಿದರೂ ‘ಆಯ್ತು ಅದೇನು ಹೇಳು’ ಅಂದ ತೆಪರೇಸಿ.</p>.<p>‘ಏನಿಲ್ಲ, ತುಳಸಿ, ಪುದೀನಾ ಬದ್ಲು ನಿನ್ನ ಹಸುಗೆ ಗಾಂಜಾ ಸೊಪ್ಪು ತಿನ್ನಿಸಿಬಿಡು. ಜನ ಕ್ಯೂ ಹಚ್ಚಿ ಹಾಲು ಖರೀದಿ ಮಾಡದಿದ್ರೆ ಕೇಳು..!</p>.<p>‘ಥೂ ನಿನ್ನ, ಬದುಕೋ ದಾರಿ ತೋರ್ಸು ಅಂದ್ರೆ ಜೈಲಿನ ದಾರಿ ತೋರಿಸ್ತೀಯಲ್ಲೋ...’ ಗುಡ್ಡೆಗೆ ತೆಪರೇಸಿ ಕ್ಯಾಕರಿಸಿ ಉಗಿದಾಗ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
