<p>ಚಿಂಟು ಪುಸ್ತಕದ ಮೂಟೆ ಹೊತ್ಕೊಂಡು ಹುಶ್ಶಪ್ಪಾ ಅಂತ ಸ್ಕೂಲಿಂದ ಸುಸ್ತಾಗಿ ಬಂದ್ಲು. ಪದ್ದಮ್ಮ ‘ತೆಗೆಯೇ ಬ್ಯಾಗು, ಏನೇನು ಹೋಂವರ್ಕ್ ಕೊಟ್ಟಿದಾರೆ ನೋಡೋಣ’ ಎಂದು ಬ್ಯಾಗ್ ಕಿತ್ಕೊಂಡು ಪುಸ್ತಕಗಳನ್ನೆಲ್ಲಾ ಈಚೆ ಸುರುದ್ರು. ಪುಸ್ತಕಗಳ ಅವಸ್ಥೆ ನೋಡಿ ಪದ್ದಮ್ಮ ಹೌಹಾರಿದ್ರು.</p><p>‘ಏನೇ ಇದು, ಹೊಸ ಪುಸ್ತಕಗಳೆಲ್ಲ ರದ್ದಿ ಪುಸ್ತಕಗಳಿಗಿಂತ ಕಡೆ ಆಗಿವ್ಯಲ್ಲೇ?’</p><p>‘ನಾನೇನಮ್ಮ ಮಾಡ್ಲಿ? ಮೇಡಂ ಎಲ್ಲಾ ಪುಸ್ತಕಕ್ಕೂ ಆಪರೇಷನ್ ಮಾಡ್ಸುದ್ರು’.</p><p>‘ಅಯ್ಯೋ ರಾಮ! ಪುಸ್ತಕಕ್ಕೆಂತ ಆಪರೇಷನ್ನೇ!’</p><p>‘ಹ್ಞೂಂನಮ್ಮ, ಹಿಂದಿದ್ದೋರು ನ್ಯಾಯ, ನೀತಿನೆಲ್ಲ ಆಪರೇಷನ್ ಮಾಡಿ ತೆಗೆದೆಸೆದು, ನೀತಿ ಮೌಲ್ಯ ಅಂತ ಪುಸ್ತಕದ ಬದನೆಕಾಯಿ ಬರೆದಿದ್ರಂತೆ. ಅದಕ್ಕೇ ಈಗ ಈ ಥರ ಆಪರೇಷನ್ ಮಾಡ್ಸಿದಾರೆ’.</p><p>‘ಇದೇನಿದು ಪುಸ್ತಕದ ತುಂಬಾ ಪಿನ್ ಹೊಡ್ಸಿದಾರೆ?’</p><p>‘ಹ್ಞೂಂ, ಆ ಪಾಠಗಳನ್ನು ಓದ್ಬಾರದಂತೆ... ಅದಕ್ಕೇ ಪಿನ್ ಹೊಡೆದು ಕ್ಲೋಸ್ ಮಾಡ್ಸಿದಾರೆ’.</p><p>‘ಹೌದಾ? ಪುಸ್ತಕ ಎಲ್ಲಾ ಹಲ್ವಾ ತಿಂದು ಕೈ ಒರೆಸ್ಕೊಂಡಂಗೆ ಆಗಿದ್ಯಲ್ಲೇ! ಇದ್ರೊಳಗೆ ಏನು ಸುರಿದ್ಯೇ?’</p><p>‘ನಾನೇನಮ್ಮ ಸುರೀಲಿ? ಮೇಡಮ್ಮೇ ಗಮ್ ಬಾಟಲ್ ಕೊಟ್ಟು, ಒಂದಿಷ್ಟು ಪೇಜ್ಗಳನ್ನ ಅಂಟಿಸ್ಬಿಡಿ ಅಂದ್ರು’.</p><p>‘ಯಾಕೆ? ಪಿನ್ ಹೊಡ್ದಿದ್ದು ಸಾಕಾಗಿರ್ಲಿಲ್ವಾ?’</p><p>‘ಚಿಕ್ ಮಕ್ಕಳು ಪಿನ್ ಕಿತ್ತು ಓದುದ್ರೆ ಕೋಮು ಮುಳ್ಳು ಚುಚ್ಕೊಳುತ್ತೆ ಅಂತ ಮತ್ತೆ ಗಮ್ ಹಾಕಿ ಅಂಟ್ಸಿದಾರೆ’.</p><p>‘ಸರಿ, ಇದೇನು ಒಂದಿಷ್ಟು ಪೇಜಸ್ ಕಿತ್ತು ಬಂದಿವೆ?’</p><p>‘ಹಿಂದುಗಡೆಗೆ ಇದ್ದ ನಾಕು ಪುಟದ ಪಾಠ ಬೇಡ ಅಂತ ಹರಿದಾಕ್ಸುದ್ರು. ಅದಕ್ಕೆ ಅಂಟಿಕೊಂಡಿದ್ದ ಮುಂದಿನ ನಾಕು ಪುಟ ಕೈಗೆ ಬಂತು’.</p><p>‘ಸರಿಹೋಯ್ತು ಬಿಡು, ಇದೇನು ಪುಸ್ತಕನೆಲ್ಲಾ ತಿರುಚಿದೀಯ?’</p><p>‘ಗಮ್ ಒಣಗ್ಲಿ ಅಂತ ಆರಿ ಹಾಕ್ಸಿದ್ರು. ಹಪ್ಪಳದ ಥರ ದೊನ್ನೆ ಆಗಿದೆ’.</p><p>‘ಸರಿ, ನಾಳೆಗೆ ಹೋಂವರ್ಕ್ ಏನ್ ಕೊಟ್ಟಿದಾರೆ ಅದನ್ನಾದ್ರೂ ಹೇಳು ತಾಯಿ?’</p><p>‘ಈ ಪುಸ್ತಕದಲ್ಲಿ ಇಲ್ದೇ ಇರೋದನ್ನ ಹೊಸದಾಗಿ ಬರುಸ್ತಾರಂತೆ. ಈ ಪುಸ್ತಕಕ್ಕೆಲ್ಲಾ ಹತ್ತು ಹತ್ತು ಖಾಲಿ ಶೀಟ್ ಅಂಟಿಸಿ, ನೀಟಾಗಿ ಹೊಲೆದು ಬೈಂಡ್ ಹಾಕಿ ತರ್ಬೇಕಂತೆ. ಅದೇ ಹೋಂವರ್ಕು, ಬೇಗ ಮುಗ್ಸು’ ಎಂದು ಎದ್ದು ಹೋದಳು ಚಿಂಟು. ಪದ್ದಮ್ಮ ‘ಎಲ್ಲ ನನ್ನ ಕರ್ಮ’ ಅಂತ ತಲೆ ಚಚ್ಚಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಚಿಂಟು ಪುಸ್ತಕದ ಮೂಟೆ ಹೊತ್ಕೊಂಡು ಹುಶ್ಶಪ್ಪಾ ಅಂತ ಸ್ಕೂಲಿಂದ ಸುಸ್ತಾಗಿ ಬಂದ್ಲು. ಪದ್ದಮ್ಮ ‘ತೆಗೆಯೇ ಬ್ಯಾಗು, ಏನೇನು ಹೋಂವರ್ಕ್ ಕೊಟ್ಟಿದಾರೆ ನೋಡೋಣ’ ಎಂದು ಬ್ಯಾಗ್ ಕಿತ್ಕೊಂಡು ಪುಸ್ತಕಗಳನ್ನೆಲ್ಲಾ ಈಚೆ ಸುರುದ್ರು. ಪುಸ್ತಕಗಳ ಅವಸ್ಥೆ ನೋಡಿ ಪದ್ದಮ್ಮ ಹೌಹಾರಿದ್ರು.</p><p>‘ಏನೇ ಇದು, ಹೊಸ ಪುಸ್ತಕಗಳೆಲ್ಲ ರದ್ದಿ ಪುಸ್ತಕಗಳಿಗಿಂತ ಕಡೆ ಆಗಿವ್ಯಲ್ಲೇ?’</p><p>‘ನಾನೇನಮ್ಮ ಮಾಡ್ಲಿ? ಮೇಡಂ ಎಲ್ಲಾ ಪುಸ್ತಕಕ್ಕೂ ಆಪರೇಷನ್ ಮಾಡ್ಸುದ್ರು’.</p><p>‘ಅಯ್ಯೋ ರಾಮ! ಪುಸ್ತಕಕ್ಕೆಂತ ಆಪರೇಷನ್ನೇ!’</p><p>‘ಹ್ಞೂಂನಮ್ಮ, ಹಿಂದಿದ್ದೋರು ನ್ಯಾಯ, ನೀತಿನೆಲ್ಲ ಆಪರೇಷನ್ ಮಾಡಿ ತೆಗೆದೆಸೆದು, ನೀತಿ ಮೌಲ್ಯ ಅಂತ ಪುಸ್ತಕದ ಬದನೆಕಾಯಿ ಬರೆದಿದ್ರಂತೆ. ಅದಕ್ಕೇ ಈಗ ಈ ಥರ ಆಪರೇಷನ್ ಮಾಡ್ಸಿದಾರೆ’.</p><p>‘ಇದೇನಿದು ಪುಸ್ತಕದ ತುಂಬಾ ಪಿನ್ ಹೊಡ್ಸಿದಾರೆ?’</p><p>‘ಹ್ಞೂಂ, ಆ ಪಾಠಗಳನ್ನು ಓದ್ಬಾರದಂತೆ... ಅದಕ್ಕೇ ಪಿನ್ ಹೊಡೆದು ಕ್ಲೋಸ್ ಮಾಡ್ಸಿದಾರೆ’.</p><p>‘ಹೌದಾ? ಪುಸ್ತಕ ಎಲ್ಲಾ ಹಲ್ವಾ ತಿಂದು ಕೈ ಒರೆಸ್ಕೊಂಡಂಗೆ ಆಗಿದ್ಯಲ್ಲೇ! ಇದ್ರೊಳಗೆ ಏನು ಸುರಿದ್ಯೇ?’</p><p>‘ನಾನೇನಮ್ಮ ಸುರೀಲಿ? ಮೇಡಮ್ಮೇ ಗಮ್ ಬಾಟಲ್ ಕೊಟ್ಟು, ಒಂದಿಷ್ಟು ಪೇಜ್ಗಳನ್ನ ಅಂಟಿಸ್ಬಿಡಿ ಅಂದ್ರು’.</p><p>‘ಯಾಕೆ? ಪಿನ್ ಹೊಡ್ದಿದ್ದು ಸಾಕಾಗಿರ್ಲಿಲ್ವಾ?’</p><p>‘ಚಿಕ್ ಮಕ್ಕಳು ಪಿನ್ ಕಿತ್ತು ಓದುದ್ರೆ ಕೋಮು ಮುಳ್ಳು ಚುಚ್ಕೊಳುತ್ತೆ ಅಂತ ಮತ್ತೆ ಗಮ್ ಹಾಕಿ ಅಂಟ್ಸಿದಾರೆ’.</p><p>‘ಸರಿ, ಇದೇನು ಒಂದಿಷ್ಟು ಪೇಜಸ್ ಕಿತ್ತು ಬಂದಿವೆ?’</p><p>‘ಹಿಂದುಗಡೆಗೆ ಇದ್ದ ನಾಕು ಪುಟದ ಪಾಠ ಬೇಡ ಅಂತ ಹರಿದಾಕ್ಸುದ್ರು. ಅದಕ್ಕೆ ಅಂಟಿಕೊಂಡಿದ್ದ ಮುಂದಿನ ನಾಕು ಪುಟ ಕೈಗೆ ಬಂತು’.</p><p>‘ಸರಿಹೋಯ್ತು ಬಿಡು, ಇದೇನು ಪುಸ್ತಕನೆಲ್ಲಾ ತಿರುಚಿದೀಯ?’</p><p>‘ಗಮ್ ಒಣಗ್ಲಿ ಅಂತ ಆರಿ ಹಾಕ್ಸಿದ್ರು. ಹಪ್ಪಳದ ಥರ ದೊನ್ನೆ ಆಗಿದೆ’.</p><p>‘ಸರಿ, ನಾಳೆಗೆ ಹೋಂವರ್ಕ್ ಏನ್ ಕೊಟ್ಟಿದಾರೆ ಅದನ್ನಾದ್ರೂ ಹೇಳು ತಾಯಿ?’</p><p>‘ಈ ಪುಸ್ತಕದಲ್ಲಿ ಇಲ್ದೇ ಇರೋದನ್ನ ಹೊಸದಾಗಿ ಬರುಸ್ತಾರಂತೆ. ಈ ಪುಸ್ತಕಕ್ಕೆಲ್ಲಾ ಹತ್ತು ಹತ್ತು ಖಾಲಿ ಶೀಟ್ ಅಂಟಿಸಿ, ನೀಟಾಗಿ ಹೊಲೆದು ಬೈಂಡ್ ಹಾಕಿ ತರ್ಬೇಕಂತೆ. ಅದೇ ಹೋಂವರ್ಕು, ಬೇಗ ಮುಗ್ಸು’ ಎಂದು ಎದ್ದು ಹೋದಳು ಚಿಂಟು. ಪದ್ದಮ್ಮ ‘ಎಲ್ಲ ನನ್ನ ಕರ್ಮ’ ಅಂತ ತಲೆ ಚಚ್ಚಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
