ಸೋಮವಾರ, ಜೂನ್ 1, 2020
27 °C

ಶುಕ್ರವಾರ, 10–4–1970

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಏಳು ಜನ ಸಾಹಿತಿಗಳು, ಸಮಾಜ ಸೇವಕರಿಗೆ ಆಜೀವ ಗೌರವ ಸಂಭಾವನೆ

ಬೆಂಗಳೂರು, ಏ. 9– ರಾಜ್ಯದ ಏಳು ಮಂದಿ ಸಾಹಿತಿಗಳು, ಸಮಾಜಸೇವಕರಿಗೆ ಆಜೀವ ಗೌರವ ಸಂಭಾವನೆ ನೀಡಲು ರಾಜ್ಯ ಸರ್ಕಾರ ನಿರ್ಧರಿಸಿದೆ.

ಮಂತ್ರಿಮಂಡಲ ಇಂದು ಕೈಗೊಂಡ ನಿರ್ಧಾರದಂತೆ ತಿಂಗಳಿಗೆ 250 ರೂ. ಗೌರವ ಸಂಭಾವನೆ ನೀಡಲಾಗುವುದು. ಕವಿ ಶ್ರೀ ದ.ರಾ.ಬೇಂದ್ರೆಯವರ ಸಂಭಾವನೆಯನ್ನು 500 ರೂ.ಗೆ ಹೆಚ್ಚಿಸಲಾಗುವುದು.

ನೇತ್ರದಾನಿ ಡಾ. ಎಂ.ಸಿ.ಮೋದಿ, ಸಾಹಿತಿಗಳಾದ ಶ್ರೀ ಬೆಟಗೇರಿ ಕೃಷ್ಣ ಶರ್ಮಾ, ಶ್ರೀ ವೀರಕೇಸರಿ ಸೀತಾರಾಮ ಶಾಸ್ತ್ರಿ ಮತ್ತು ಶ್ರೀ ಸಿದ್ಧವನಹಳ್ಳಿ ಕೃಷ್ಣ ಶರ್ಮಾ, ಮಹರ್ಷಿ ಗಜಾನನ ಶರ್ಮಾ ಅವರುಗಳಿಗೆ ಗೌರವ ಸಂಭಾವನೆ ನೀಡಲಾಗುವುದು.

ತಾರಕ ಯೋಜನೆಗೆ ಸಂಪುಟದ ಒಪ್ಪಿಗೆ

ಬೆಂಗಳೂರು, ಏ. 9– ಮೈಸೂರು ಜಿಲ್ಲೆ ಹೆಗ್ಗಡದೇವನಕೋಟೆ ತಾಲ್ಲೂಕಿನಲ್ಲಿ ನಿರ್ಮಾಣವಾಗುವ ಒಂದು ಕೋಟಿ ಎಪ್ಪತ್ತು ಲಕ್ಷ ರೂ. ವೆಚ್ಚದ ತಾರಕ ನೀರಾವರಿ ಯೋಜನೆಗೆ ಮಂತ್ರಿಮಂಡಲ ಇಂದು ಮಂಜೂರಾತಿ ನೀಡಿತು.

ಕಬಿನಿ ನದಿಗೆ ತಾರಕ ಉಪನದಿ. 18 ಸಾವಿರ ಎಕರೆಗೆ ನೀರುಣಿಸಲಿರುವ ಈ ಯೋಜನೆಯಿಂದ 2,268 ಎಕರೆ ಮುಳುಗಡೆಯಾಗಲಿದೆ. ಮುಳುಗಡೆಯಾಗಲಿರುವ ಜಮೀನಿನಲ್ಲಿ 40 ಎಕರೆ ನದಿ ನೀರಿನಿಂದ ಸಾಗುವಳಿಯಾಗುತ್ತಿರುವ ಭೂಮಿ, ಉಳಿದುದು ಅರಣ್ಯಭೂಮಿ. ಗ್ರಾಮಗಳಾಗಲೀ ಮನೆಗಳಾಗಲೀ
ಮುಳುಗಡೆಯಾಗುವುದಿಲ್ಲ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.