50 ವರ್ಷಗಳ ಹಿಂದೆ | ಮಂಗಳವಾರ, 11–8–1970

ಮುಖ್ಯಮಂತ್ರಿಗಳ ಸಭೆಗೆ ಇದು ಸಕಾಲವಲ್ಲವೆಂದೂ ಅಂತಹ ಸಭೆಯಿಂದ ಉದ್ದೇಶ ಸಾಧನೆಯಾಗುವುದಿಲ್ಲವೆಂದೂ ಡಾ. ರಾವ್‌ರವರಿಗೆ ಶ್ರೀ ಪಾಟೀಲರು ಪತ್ರ ಬರೆಯಲಿದ್ದಾರೆ.

ಸುಲಭ ಬೆಲೆ ಕಾರು ತಯಾರಿಕೆಗೆ ಸರ್ಕಾರಿ ಕಾರ್ಖಾನೆ: ವಿದೇಶಿ ನೆರವು
ನವದೆಹಲಿ, ಆ. 10– ವಿದೇಶಿ ಸಹಕಾರದೊಡನೆ ಸರ್ಕಾರಿ ಕ್ಷೇತ್ರದಲ್ಲಿ ಅಗ್ಗದ ಬೆಲೆಯ ಕಾರು ತಯಾರಿಕೆ ಕಾರ್ಖಾನೆಯೊಂದನ್ನು ಸ್ಥಾಪಿಸಲಾಗುವುದೆಂದು ಇಂದು ಸಂಸತ್ತಿನಲ್ಲಿ ಅಧಿಕೃತವಾಗಿ ಪ್ರಕಟಿಸಲಾಯಿತು.

ಈ ಕಾರ್ಖಾನೆಯಲ್ಲಿ ವರ್ಷಕ್ಕೆ 50,000 ಅಗ್ಗದ ಬೆಲೆಯ ಕಾರುಗಳನ್ನು ತಯಾರಿಸುವ ನಿರೀಕ್ಷೆಯಿದೆ. ಇದರಿಂದ, ಸಣ್ಣ ಕಾರು ತಯಾರಿಕೆಯಲ್ಲಿ ತಲೆದೋರಿದ್ದ ಹತ್ತು ವರ್ಷಗಳ ಅನಿಶ್ಚಿತ ಪರಿಸ್ಥಿತಿ ನಿವಾರಣೆಯಾಗಿದೆ.