ಶುಕ್ರವಾರ, ಅಕ್ಟೋಬರ್ 30, 2020
23 °C

ಪ್ರಜಾವಾಣಿ 50 ವರ್ಷಗಳ ಹಿಂದೆ | ಶುಕ್ರವಾರ, 25–9–1970

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಹಿಂಸಾಕೃತ್ಯಕ್ಕೆ ತಿರುಗಿದ ವಿದ್ಯಾರ್ಥಿಗಳ ಪ್ರತಿಭಟನೆ
ಬೆಂಗಳೂರು, ಸೆ. 24–
ಎಕ್ಸ್‌ಪೋ– 70 ನಿಯೋಗದ ಆಯ್ಕೆ ಹಾಗೂ ಪೊಲೀಸರ ಅತಿರೇಕವನ್ನು ಖಂಡಿಸಿ ಕಾಲೇಜು ವಿದ್ಯಾರ್ಥಿಗಳು ನಡೆಸಿದ ಪ್ರತಿಭಟನೆ ಇಂದು ಹಿಂಸೆಗೆ ತಿರುಗಿತು. ಸೆಂಟ್ರಲ್‌ ಕಾಲೇಜು ಹಾಗೂ ಸೆನೆಟ್‌ ಹಾಲ್‌ ಮೇಲೆ ದಾಳಿ, ಭೂಗರ್ಭಶಾಸ್ತ್ರದ ಇಲಾಖೆ ಕಚೇರಿಯ ಸಂಪೂರ್ಣ ಧ್ವಂಸ, ಪೀಠೋಪಕರಣಗಳ ದಹನದೊಡನೆ ನಗರದಲ್ಲಿ ವಿದ್ಯಾರ್ಥಿಗಳಿಂದ ಹಿಂಸಾಕೃತ್ಯಗಳು ನಡೆದವು.

ಪರಿಸ್ಥಿತಿಯನ್ನು ಹತೋಟಿಗೆ ತರಲು ಪೊಲೀಸರು ಕೆಲವು ಬಾರಿ ಲಾಠಿ ಹಾಗೂ ಎರಡು ಬಾರಿ ಅಶ್ರುವಾಯು ಪ್ರಯೋಗವನ್ನು ಮಾಡಿದರು.

ಈ ಘಟನೆಗಳಿಂದ ಅನೇಕ ಪೊಲೀಸರು, ವಿದ್ಯಾರ್ಥಿಗಳು ಬಸ್‌ ಪ್ರಯಾಣಿಕರಿಗೆ ಗಾಯಗಳಾಗಿವೆ. ಇಂದಿನ ಹಿಂಸಾಕೃತ್ಯಗಳ ಕಾರಣ, ನಗರದ ಕಾಲೇಜುಗಳನ್ನು ಅಕ್ಟೋಬರ್‌ 15ರವರೆಗೆ ಮುಚ್ಚಲು ತೀರ್ಮಾನ ಕೈಗೊಳ್ಳಲಾಗಿದೆ.

ಜಂಬೂ ಸವಾರಿಗೆ ಬದಲು ಬೇರೆ ವ್ಯವಸ್ಥೆ ಈ ವರ್ಷ ಇಲ್ಲ
ಮೈಸೂರು, ಸೆ. 24–
ಕಾಲಾವಕಾಶವಿಲ್ಲದ ಕಾರಣ ಜಂಬೂ ಸವಾರಿಗೆ ಬದಲು ಬೇರೆ ರೀತಿಯ ಮೆರವಣಿಗೆಯನ್ನಾಗಲಿ, ಪಂಜು ಪ್ರದರ್ಶನವನ್ನಾಗಲಿ ಈ ವರ್ಷ ನಡೆಸಲು ಸಾಧ್ಯವಾಗುವುದಿಲ್ಲವೆಂದು ಇಂದು ಇಲ್ಲಿ ನಡೆದ ವಿವಿಧ ಇಲಾಖೆಗಳ ಅಧಿಕಾರಿಗಳ ಸಭೆ ನಿರ್ಧರಿಸಿತು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು