ಬೆಂಬಲ ಪತ್ರವನ್ನು ನೀಡುವ ಕುರಿತಂತೆ ಬಿಕ್ಕಟ್ಟು ನನೆಗುದಿಗೆ ಬಿದ್ದಿದ್ದರೂ ಜಯಾ ಅವರು ತಮ್ಮ ನಿರ್ಧಾರವನ್ನು ನಾಳೆ ಪ್ರಕಟಿಸುವರು ಎಂದು ಪಕ್ಷದ ಮೂಲಗಳು ಹೇಳಿವೆ. ರಾಷ್ಟ್ರೀಯ ಆದ್ಯತಾ ಪಟ್ಟಿ ರಚನೆಗೆ ನಾಳೆ ದೆಹಲಿಯಲ್ಲಿ ನಡೆಯುವ ಬಿಜೆಪಿ ಮೈತ್ರಿಕೂಟದ ಸಭೆಯಲ್ಲಿ ಜಯಾ ಅವರು ಪಾಲ್ಗೊಳ್ಳುವ ಸಾಧ್ಯತೆ ಇಲ್ಲ ಎಂದು ಮೂಲಗಳು ಹೇಳಿವೆ.

ಸ್ವತಃ ಸರ್ಕಾರ ರಚನೆ: ಮನವಿ ಸಲ್ಲಿಸದ ಕಾಂಗ್ರೆಸ್, ರಂಗ
ನವದೆಹಲಿ, ಮಾರ್ಚ್‌ 13– ಕೇಂದ್ರದಲ್ಲಿ ನೂತನ ಸರ್ಕಾರ ರಚನೆಗಾಗಿ ರಾಷ್ಟ್ರಪತಿ ಅವರು ಇಂದು ಕಾಂಗ್ರೆಸ್ ಮತ್ತು ಸಂಯುಕ್ತ ರಂಗದ ನಾಯಕರನ್ನು ಆಮಂತ್ರಿಸಿ ಮಾತನಾಡಿದರಾದರೂ, ಈ ಉಭಯ ಬಣಗಳ ನಾಯಕರು ಸರ್ಕಾರ ರಚನೆಗೆ ಮನವಿ ಸಲ್ಲಿಸಿಲ್ಲ.

ತಮಗೆ ಕಾಲಾವಕಾಶ ಕೊಡಬೇಕೆಂದು ಸಂಯುಕ್ತ ರಂಗ ಮನವಿ ಮಾಡಿದರೆ, ತಮ್ಮ ಮಿತ್ರ ಪಕ್ಷಗಳು ಹಾಗೂ ಇತರರ ಜತೆ ಸಮಾಲೋಚನೆ ನಡೆಸಿದ ನಂತರ ಸರ್ಕಾರ ರಚನೆಗೆ ಪರಿಶೀಲಿಸುವುದಾಗಿ ರಾಷ್ಟ್ರಪತಿ ಅವರಿಗೆ ಕಾಂಗ್ರೆಸ್ ತಿಳಿಸಿದೆ.