ದೆಹಲಿ ಅರಬ್‌ಲೀಗ್‌ ಕಟ್ಟಡ ಪ್ಯಾಲೆಸ್ಟೀನ್‌ ವಿದ್ಯಾರ್ಥಿಗಳ ವಶಕ್ಕೆ
ನವದೆಹಲಿ, ಫೆ. 6– ಇಲ್ಲಿನ ಗಾಲ್ಫ್‌ಲಿಂಕ್ಸ್‌ ಪ್ರದೇಶದಲ್ಲಿರುವ ಅರಬ್‌ಲೀಗ್‌ ಕಚೇರಿಯನ್ನು ಐವತ್ತಕ್ಕೂ ಹೆಚ್ಚು ಪ್ಯಾಲೆಸ್ಟೀನ್‌ ವಿದ್ಯಾರ್ಥಿಗಳು ಇಂದು ಆಕ್ರಮಿಸಿಕೊಂಡರು.
ಅರಬ್‌– ಇಸ್ರೇಲಿ ಸೈನಿಕರ ವಾಪಸಾತಿಗೆ ಜಿನೀವಾದಲ್ಲಿ ಮೂಡಿದ ಒಪ್ಪಂದವನ್ನು ಪ್ರತಿಭಟಿಸಿ ವಿದ್ಯಾರ್ಥಿಗಳು ಈ ಕ್ರಮ ಕೈಗೊಂಡಿದ್ದಾರೆ.
ಅರಬ್‌ಲೀಗ್‌ ರಾಜತಾಂತ್ರಿಕ ಆಯೋಗದ ಪ್ರಮುಖ ಪ್ರತಿನಿಧಿ ಇಬ್ರಾಹಿಂ ಅವರ ನಿವಾಸವು ಇದೇ ಕಟ್ಟಡದಲ್ಲಿದ್ದು, ಒಂದು ಗಂಟೆಯ ನಂತರ ಅವರು ಅದನ್ನು ಬಿಟ್ಟು ಹೊರಟರು.
