ಬೆಂಗಳೂರು, ಜ. 29– ಮೈಸೂರಿನ ಹೆಸರು ಬದಲಾಗಿ ಕರ್ನಾಟಕ ಎಂದು ನಾಮಕರಣ ಆಗುವ ದಿನದಿಂದ ರಾಜ್ಯದ ಪೊಲೀಸರ ಸಾಂಪ್ರದಾಯಿಕ ಉಡುಪುಗಳೂ ಬದಲಾಗಲಿವೆ. ಪೊಲೀಸರ ಮಾಮೂಲಿ ಪೇಟ ಇನ್ನುಮುಂದೆ ಕಾಣಬರದು. ಅದರ ಬದಲು ಸಶಸ್ತ್ರ ಪೊಲೀಸರು ಸಾಮಾನ್ಯವಾಗಿ ಧರಿಸುವ (ಉಕ್ಕಿನ ಶಿರಸ್ತ್ರಾಣವಲ್ಲ) ಒಂದೆಡೆ ಮೇಲೆ ಬಾಗಿದ ಹ್ಯಾಟ್, ಪೇದೆಗಳು ಧರಿಸುವ ಖಾಕಿ ನಿಕ್ಕರ್ ಬದಲು ಪ್ರತಿಯೊಬ್ಬರೂ ಖಾಕಿ ಪ್ಯಾಂಟ್ಗಳಲ್ಲಿ ಶೋಭಿಸುವರು. ಸಾಮಾನ್ಯ ಪೊಲೀಸರಿಗೆ ಈವರೆಗೆ ನೀಡುತ್ತಿದ್ದ ಭಾರವಾದ ಲೇಸ್ಬೂಟ್ ಬದಲಿಗೆ ಹಗುರವಾದ ಬಕಲ್ಸಮೇತ ಬೂಟ್ಗಳಿರುವುವು.