ಗುರುವಾರ , ಜನವರಿ 27, 2022
27 °C

ಪ್ರಜಾವಾಣಿ 25 ವರ್ಷಗಳ ಹಿಂದೆ | ಶುಕ್ರವಾರ 03.01.1997

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

‘ವಿಮಾನ ಸಂಚಾರ ವೇಳೆ ಕಾಡುವ ಯಲಹಂಕ ನೆನಪು’

ಬೆಂಗಳೂರು, ಜ. 2– ‘ಬದುಕೆಂದರೆ ಹಲವು ಅಚ್ಚರಿಗಳು ಮತ್ತು ಕುತೂಹಲಗಳ ಸಂಗಮ. ನಾನು ವಾಯುಪಡೆ ಸೇವೆಯಲ್ಲಿ ಯಶಸ್ವಿಯಾಗಿಯೇ ಇದ್ದರೆ ಇಂದು ನನ್ನ ಬದುಕೇ ಬೇರೆಯಾಗುತ್ತಿತ್ತು. ವಿಮಾನದಲ್ಲಿ ಸಂಚರಿಸುವಾಗ ಸದಾ ಯಲಹಂಕ ನನ್ನ ನೆನಪಿಗೆ ಬರುತ್ತದೆ’.

ಇಲ್ಲಿಗೆ 20 ಕಿ.ಮಿ ದೂರದಲ್ಲಿ ಇರುವ ಯಲಹಂಕ ವಾಯುಪಡೆ ಕೇಂದ್ರವನ್ನು ಇಸ್ರೇಲ್ ಅಧ್ಯಕ್ಷ ಇಜರ್ ವೈಜಮನ್ ಅವರು ನೆನಪಿಸಿಕೊಂಡದ್ದು ಹೀಗೆ. ಅವರು ಪತ್ನಿ ಜತೆ ಈ ಕೇಂದ್ರಕ್ಕೆ ಇಂದು ಭೇಟಿ ನೀಡಿದರು.

ವೈಜಮನ್ ಅವರು ಎರಡನೇ ಮಹಾಯುದ್ಧದ ಸಮಯದಲ್ಲಿ ಯಲಹಂಕದ ವಾಯುಪಡೆ ಕೇಂದ್ರದಲ್ಲಿ ಸುಮಾರು 6 ತಿಂಗಳು ಇದ್ದರು. ಇಲ್ಲಿ ವಾಯುಯಾನ ತರಬೇತಿ ಪಡೆದಿದ್ದರು. ಇಂದಿನ ಸುಮಾರು 90 ನಿಮಿಷಗಳ ಭೇಟಿ ಅವರಿಗೆ ಹಳೆಯ ನೆನಪುಗಳನ್ನು ಕೆದಕಿತು. ವಾಯುಪಡೆಯ ಅಧಿಕಾರಿಗಳನ್ನು ಉದ್ದೇಶಿಸಿ ಮಾತನಾಡುತ್ತ ಅಂದಿನ ದಿನಗಳು, ತಮ್ಮ ಅನುಭವಗಳನ್ನು ಹಂಚಿಕೊಂಡರು.

‘ನನ್ನ ಪತ್ನಿ 47 ವರ್ಷಗಳಿಂದ ಯಲಹಂಕ, ಬೆಂಗಳೂರು, ವಾಯುಪಡೆಯ ಜೀವನದ ನನ್ನ ನೆನಪುಗಳನ್ನು ಕೇಳಿಸಿ
ಕೊಳ್ಳುತ್ತಿದ್ದಳು’ ಎಂದು ಎದುರಿಗೆ ಕುಳಿತಿದ್ದ ಪತ್ನಿ ರೋಮಾ ಅವರತ್ತ ತಿರುಗಿ ‘ಅದೆಲ್ಲ ಇಲ್ಲಿದೆ ನೋಡು’ ಎಂದು ಹೇಳಿದಾಗ ಇಡೀ ಸಭಾಂಗಣದಲ್ಲಿ ನಗೆಯ ಅಲೆ ಎದ್ದಿತು.

ತಾವು ತರಬೇತಿ ಪಡೆಯುತ್ತಿದ್ದಾಗಿನ ರಸಮಯ ಘಟನೆಗಳು, ಒಂದು ವಿಮಾನದ ರೆಕ್ಕೆಗೆ ಹಾನಿ ಮಾಡಿದ್ದೂ ಸೇರಿದಂತೆ ಆಗಿನ ಪ್ರಮಾದಗಳನ್ನು ಇಸ್ರೇಲ್ ಅಧ್ಯಕ್ಷ ಇಜರ್ ನೆನಪಿಸಿಕೊಂಡರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು