ಗ್ರಾಮಸ್ಥರ ಮಾದರಿ ನಡೆ
Updated:
ಅಕ್ಷರ ಗಾತ್ರ :ಆ |ಆ |ಆ
ಅಥಣಿ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಮಹೇಶ ಕುಮಠಳ್ಳಿ ಅವರು ಮತ ಯಾಚಿಸುವುದಕ್ಕೆ ಅವರ ಸ್ವಗ್ರಾಮ ತೆಲಸಂಗದಲ್ಲಿ ವಿರೋಧ ವ್ಯಕ್ತವಾಗಿರುವ ಸುದ್ದಿ ಓದಿ (ಪ್ರ.ವಾ., ನ. 30) ನಿಜಕ್ಕೂ ಸಂತಸವಾಯಿತು. ಪ್ರಸಕ್ತ ಸನ್ನಿವೇಶದಲ್ಲಿ ಈ ಗ್ರಾಮಸ್ಥರ ನಡೆ ಮಾದರಿಯಾದುದು. ನಮ್ಮ ಜನರಿಗೆ ಅಧಿಕಾರ ನೀಡುವುದೂ ಗೊತ್ತು ಕಸಿದುಕೊಳ್ಳುವುದೂ ಗೊತ್ತು ಎಂಬ ಮಾತು ಮುನ್ನೆಲೆಗೆ ಬಂದಂತಿದೆ.
ಇಂತಹವರು ಪುನಃ ಗೆದ್ದು ಬಂದ ಮೇಲೆ ಬೇರೆ ಪಕ್ಷ ಸೇರುವುದಿಲ್ಲ ಎಂಬ ಯಾವ ನಂಬಿಕೆಯ ಮೇಲೆ ಜನ ಅವರಿಗೆ ಮತ ಹಾಕಬೇಕು? ಇವರು ಬಯಸುವುದು ಪ್ರಜೆಗಳ ಹಿತವನ್ನೊ ಅಥವಾ ಸ್ವಹಿತವನ್ನೊ ಎಂಬುದನ್ನು ಮತದಾರ ಪ್ರಭುಗಳು ಅವಲೋಕಿಸಿ ಮತ ನೀಡಬೇಕಾಗಿದೆ. ಪ್ರಜಾಪ್ರಭುತ್ವದ ಪಾವಿತ್ರ್ಯವನ್ನು ಎತ್ತಿ ಹಿಡಿಯಬೇಕಾಗಿದೆ. ಪ್ರತಿ ಕ್ಷೇತ್ರದಲ್ಲೂ ಇಂತಹ ಬದಲಾವಣೆ ಪರ್ವ ಪ್ರಾರಂಭವಾಗಬೇಕಾಗಿದೆ. ಆಗ ಮಾತ್ರ ಸಂವಿಧಾನ ಹಾಗೂ ಪ್ರಜಾಪ್ರಭುತ್ವದ ಆಶಯ ಈಡೇರಲು ಸಾಧ್ಯ.
ಪ್ರತಿಕ್ರಿಯಿಸಿ (+)
