ವಾಚಕರ ವಾಣಿ: ಪುಸ್ತಕ ಪಡೆಯಲು ಇರಲಿ ಅವಕಾಶ

ಮುಂಬರುವ ದಿನಗಳಲ್ಲಿ ಪೊಲೀಸ್ ಕಾನ್‌ಸ್ಟೆಬಲ್‌ನಂತಹ ಸ್ಪರ್ಧಾತ್ಮಕ ಪರೀಕ್ಷೆಗಳು ನಡೆಯಲಿವೆ. ಹೀಗಾಗಿ, ವಿದ್ಯಾರ್ಥಿಗಳಾದ ನಾವು ಈಗಿರುವ ಸಮಯಾವಕಾಶವನ್ನು ಬಳಸಿಕೊಂಡು ತಯಾರಿ ನಡೆಸಲು ಪುಸ್ತಕಗಳು ಹೆಚ್ಚು ಉಪಯುಕ್ತ. ಜೊತೆಗೆ ಕೊರೊನಾ ಕಾರಣದಿಂದ ಹೆಚ್ಚಾಗಿ ಹೊರಗೆ ಹೋಗದೆ ಮನೆಗಳಲ್ಲೇ ಉಳಿದಿರುವುದರಿಂದ, ಇತರ ಪುಸ್ತಕಗಳನ್ನು ಓದಲು ಸಹ ಸಮಯಾವಕಾಶ ದೊರೆತಿದೆ. ಹೀಗಾಗಿ ಲಾಕ್‌ಡೌನ್‌ ನಿಯಮಾನುಸಾರ ಪುಸ್ತಕಗಳನ್ನು ಕೊಳ್ಳಲು ಅವಕಾಶ ಮಾಡಿಕೊಡುವುದು ಸೂಕ್ತ.

–ಜಗದೀಶ್ ಭಟ್, ನರಸಿಂಹರಾಜಪುರ