ಮೊದಲೇ ಕೋಳಿ ಆಹಾರ ಉತ್ಪನ್ನಗಳ ಬೆಲೆ ಹೆಚ್ಚಾಗಿದ್ದು ನಿರ್ವಹಣೆ ಕೂಡ ಕಷ್ಟವಾಗಿದೆ. ಇಂತಹುದರಲ್ಲಿ ಇದು ಹೀಗೇ ಮುಂದುವರಿದರೆ, ಕೋಟ್ಯಂತರ ರೂಪಾಯಿ ಬಂಡವಾಳ ಹೂಡಿರುವ ಕೋಳಿ ಸಾಕಣೆದಾರರ ಪಾಡೇನು? ಅದೇ ಕೆಲಸವನ್ನು ನಂಬಿಕೊಂಡಿರುವ ಕೂಲಿ ಕಾರ್ಮಿಕರ ಗತಿಯೇನು? ಕೋಳಿ ಸಾಕಣೆ ಉದ್ದಿಮೆಯ ಮಾರುಕಟ್ಟೆಯನ್ನೇ ಅವಲಂಬಿಸಿರುವ ಮೆಕ್ಕೆಜೋಳದ ಬೆಲೆಯೂ ದಿಢೀರನೆ ಕುಸಿದಿದ್ದು, ಅತ್ತ ಕೋಳಿ ಸಾಕಣೆದಾರರು ಮತ್ತು ಇತ್ತ ರೈತರಿಗೆ ಗಾಯದ ಮೇಲೆ ಬರೆ ಎಳೆದಂತಾಗಿದೆ.
