ಭಾರತದ ಕ್ರಿಕೆಟಿಗರು ಆಸ್ಟ್ರೇಲಿಯಾದಲ್ಲಿ ಜನಾಂಗೀಯ ನಿಂದನೆಗೆ ಗುರಿಯಾಗಿರುವುದನ್ನು ತಿಳಿದು ದಿಗ್ಭ್ರಮೆಯಾಯಿತು. ಈ ಕಾಲಘಟ್ಟದಲ್ಲೂ ಜಾತಿ, ಬಣ್ಣ, ಲಿಂಗ, ಹುಟ್ಟಿದ ಸ್ಥಳದ ಆಧಾರದ ಮೇಲೆ ನಿಂದನೆ ಮಾಡುತ್ತಿರುವುದು ಗೂಂಡಾವರ್ತನೆಯ ಪರಮಾವಧಿಯೇ ಸರಿ. ಅಂದಹಾಗೆ ಇದು ಇಂದು ನಿನ್ನೆಯದಲ್ಲ, ಒಬ್ಬ ವ್ಯಕ್ತಿ ಒಂದು ನಿರ್ದಿಷ್ಟ ಜಾತಿಗೆ ಸೇರಿದ್ದಾನೆಂಬ ಕಾರಣಕ್ಕೋ ನಿರ್ದಿಷ್ಟ ಬಣ್ಣ ಹೊಂದಿದ್ದಾನೆಂಬ ಕಾರಣಕ್ಕೋ ಶತಮಾನಗಳಿಂದಲೂ ಇಂತಹ ನಿಂದನೆಗೆ ಗುರಿಯಾಗುವುದು ನಡೆಯುತ್ತಲೇ ಇದೆ.
