ಇಂದಿನ ಚಿತ್ರಗೀತೆಗಳಲ್ಲಿ ಅರುಚಿಯೇ ಅಭಿರುಚಿಯಾದಂತಿದೆ ಎಂಬ ಡಾ. ದೊಡ್ಡರಂಗೇಗೌಡ ಅವರ ಅಭಿಪ್ರಾಯಕ್ಕೆ (ಸಂಗತ, ಮೇ 28) ‘ಈಗಿನ ಚಿತ್ರಗೀತೆಗಳಲ್ಲೂ ಮತ್ತೆ ಮತ್ತೆ ಕೇಳುವಂತಹ ಗೀತೆಗಳು ಇವೆ’ ಎಂಬ ಇಳಾ ಕುಲಕರ್ಣಿ ಅವರ ಪ್ರತಿಕ್ರಿಯೆಯನ್ನು (ವಾ.ವಾ., ಜೂನ್ 9) ನಾನು ಅನುಮೋದಿಸುತ್ತೇನೆ. ಚಲನಚಿತ್ರ ಎಂಬುದು ಸದಾಕಾಲ ಕ್ರಿಯಾಶೀಲತೆಗೆ ತನ್ನನ್ನು ಒಡ್ಡಿಕೊಂಡು ಬೆಳೆದುಬರುತ್ತಿರುವ ಕ್ಷೇತ್ರ. ಈ ಪ್ರಕ್ರಿಯೆಯಲ್ಲಿ ಕೆಲವು ಪ್ರಯೋಗಗಳು ಯಶಸ್ವಿಯಾಗುತ್ತವೆ, ಮತ್ತೆ ಕೆಲವು ಮರೆಯಾಗುತ್ತವೆ. ಹೊಸ ಪ್ರಯೋಗಗಳೆಲ್ಲವೂ ‘ಅರುಚಿ’ಯಿಂದ ಕೂಡಿರುತ್ತವೆ ಎಂದು ಅಲ್ಲಗಳೆಯಲಾಗದು.
