ಬಿಟ್ಟುಬಿಡಿ...

ಕನಕ ನಮಗೆ ಮಾತ್ರ, ಅಂಬೇಡ್ಕರ್ ಅನ್ಯರಿಗಲ್ಲ

ಎಂದೇಕೆ ನಿಮ್ಮ ನಿಮ್ಮಲ್ಲೇ ಕಟ್ಟಿ ಹಾಕುವಿರಿ

ಬಿಟ್ಟುಬಿಡಿ ಅವರನ್ನು ಹಾರುವ ಹಕ್ಕಿಗಳಂತೆ

ಹೋಗಿ ಕೂರಲಿ ಎಲ್ಲ ಮರಗಳಲಿ

ಎಲ್ಲರ ಮನೆ ಮೇಲೆ

ಎಲ್ಲರ ಮನಗಳಲಿ ಅವರಿಷ್ಟದಂತೆ

ಎಲ್ಲರೂ ಸೇರಿಯೇ ಕನ್ನಡ, ಕರ್ನಾಟಕ, ಭಾರತ

ಎಲ್ಲವೂ ಇದ್ದರೆ ಊಟ ರಸಭರಿತ

ಇಲ್ಲದವರ ಹೆಸರಲ್ಲಿ ಜಗಳ

ಇರುವವರ ತಲೆಯೊಳಗೆ ಕೆಟ್ಟ ಹುಳ

ತಿದ್ದುವುದಕ್ಕೆ ಅವರು ಎದ್ದು ಬರುವುದಿಲ್ಲ

ತಿದ್ದಿಕೊಳ್ಳದಿದ್ದರೆ ಮುಂದಿನ ಪೀಳಿಗೆಗೆ

ನಾವು ಮಾದರಿಯಾಗುವುದಿಲ್ಲ.

- ಟಿ.ಆರ್.ರಘುನಾಥ್‌,ಬೆಂಗಳೂರು