ಅಪರೂಪಕ್ಕೆ ಸಿಡಿದು ನಿಂತ ಹೆಣ್ಣಿನ ದನಿಯನ್ನು ಕೇಳಲು ಗಂಡು ಕುಲವು ಬಿಲ್ಕುಲ್ ಒಪ್ಪುವುದಿಲ್ಲ. ಅದೇನಿದ್ದರೂ ಹೆಣ್ಣಿನ ದೈನ್ಯತೆ, ಅಸಹಾಯಕತೆ, ಅವಲಂಬನೆ, ಯಾಚನೆ, ಶರಣಾಗತಿ, ಸಮ್ಮತಿ, ಸಹಕಾರಗಳನ್ನಷ್ಟೇ ನಿರೀಕ್ಷಿಸುತ್ತದೆ. ಅಂತಹ ಗಂಡು ಆಧಿಪತ್ಯ, ದೌರ್ಜನ್ಯ ಧೋರಣೆಯನ್ನು ಮೆಟ್ಟಿ ನಿಲ್ಲುವುದು ಹೆಣ್ಣಿಗೆ ಸುಲಭ ಕೆಲಸವಲ್ಲ. ಅದರ ವಿರುದ್ಧ ಪ್ರತಿಭಟನೆ ಮಾಡುವುದೂ ಸಾಮಾನ್ಯ ಕೆಲಸವಲ್ಲ. ಬಂಡಾಯವೇಳುವ ಹೆಣ್ಣನ್ನು ತುಳಿಯುವ, ಹತ್ತಿಕ್ಕುವ ಪ್ರಯತ್ನವನ್ನು ಗಂಡು ಸಮಾಜ ಮಾಡುವುದು ನಿರೀಕ್ಷಿತವೇ.