ಇತ್ತೀಚಿನ ದಿನಗಳಲ್ಲಿ ಯಾವುದೇ ಬಸ್ಸು ಹತ್ತಿದರೆ ಸಾಕು, ಅಬ್ಬರದ ಹಾಡು ಅಥವಾ ವಿಕಟ ನಗೆ, ಜೋರು ಮಾತುಗಳು ಮೊಬೈಲ್ನಿಂದ ಕೇಳಿಬರುತ್ತಿರುತ್ತವೆ. ಇದರಿಂದ ಸಹಪ್ರಯಾಣಿಕರಿಗೆ ಕಿರಿಕಿರಿ ಆಗುತ್ತದೆ ಎಂಬ ಕನಿಷ್ಠ ಅರಿವೂ ಇಲ್ಲದವರಿಗೆ ಹೇಗೆ ತಿಳಿಹೇಳುವುದು? ಹಾಗಾಗಿ ಬಸ್ಗಳಲ್ಲಿ ಮೊಬೈಲ್ ಸದ್ದಿನ ಕಿರಿಕಿರಿ ನಿಯಂತ್ರಿಸುವ ಕುರಿತು ಸೂಚನಾ ಫಲಕ ಅಳವಡಿಸುವ ಕಾರ್ಯವಾಗಬೇಕು. ಸಹಪ್ರಯಾಣಿಕರಿಗೆ ತೊಂದರೆಯಾಗದಂತೆ ಫೋನ್ ಬಳಸುವುದನ್ನು ಕಲಿಸುವ ಕೆಲಸ ಆಗಬೇಕು.
