ರಾಜ್ಯದ ಐದು ‘ಎಸ್ಕಾಂ’ಗಳ ಮೇಲೆ 29 ಸಾವಿರ ಕೋಟಿ ರೂಪಾಯಿಯ ಸಾಲದ ಹೊರೆ ಇದೆ ಎಂದು ಇಂಧನ ಇಲಾಖೆ ಅಧಿಕಾರಿಗಳು ತಿಳಿಸಿರುವುದಾಗಿ ವರದಿಯಾಗಿದೆ (ಪ್ರ.ವಾ., ಜೂನ್ 29). ಇದಕ್ಕೆ ವಿವಿಧ ಸಬ್ಸಿಡಿಯಡಿ ಉಚಿತ ವಿದ್ಯುತ್ ಪೂರೈಕೆ, ಮೀಟರ್ ಅಳವಡಿಸದೇ ಇರುವುದು, ಬಿಲ್ ನೀಡದೇ ಇರುವುದು, ಅದಕ್ಷತೆ ಮುಂತಾದ ಕಾರಣಗಳಿದ್ದು, ಇವುಗಳ ಪಾಲು ಶೇ 45 ಅಂತೆ. ಮುನಿಸಿಪಾಲಿಟಿ, ಕಾರ್ಪೊರೇಷನ್, ಗ್ರಾಮ ಪಂಚಾಯಿತಿ ಮತ್ತು ಕೆಲವು ಖಾಸಗಿ ಸಂಸ್ಥೆಗಳಿಂದ ಸರಿಯಾಗಿ ಬಿಲ್ ವಸೂಲಿ ಮಾಡದಿರುವುದು ಸಹ ಕಾರಣವಾಗಿರಬಹುದು.