ಶುಕ್ರವಾರ, ಜೂಲೈ 10, 2020
24 °C

ಶನಿವಾರ, 24–5–1969

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

‌ಬಿನ್ನಿಮಿಲ್ಸ್ ಲಾಕೌಟ್

ಬೆಂಗಳೂರು, ಮೇ 23– ಮಿಲ್ಸ್‌ ಕೆಲಸವನ್ನು ನಡೆಸಲು ಅಸಾಧ್ಯವಾದ ಪರಿಸ್ಥಿತಿ ಉಂಟಾಯಿತೆಂಬ ಕಾರಣದ ಮೇಲೆ ಶುಕ್ರವಾರ ರಾತ್ರಿ 12.30ರಿಂದ ಬಿನ್ನಿಮಿಲ್ಸ್ ಲಾಕೌಟ್‌ನ್ನು ಘೋಷಿಸಿತು.

ನಗರದ ಪೊಲೀಸ್ ಕಮೀಷನರ್ ಅವರು ಶುಕ್ರವಾರ ಮಧ್ಯರಾತ್ರಿಯಿಂದ ಬಿನ್ನಿಮಿಲ್ಸ್‌ನ ಅರ್ಧ ಮೈಲಿ ಫಾಸಲೆಯೊಳಗೆ ಸಭೆ ಹಾಗೂ ಮೆರವಣಿಗೆ ನಡೆಯುವುದನ್ನು ಪೊಲೀಸ್ ಶಾಸನದ 35ನೇ ವಿಧಿಯ ರೀತ್ಯ ನಿಷೇಧಿಸಿದ್ದಾರೆ.

ಲಾಕೌಟ್‌ ಘೋಷಣೆಯಾದ ನಂತರ ಭೇಟಿ ಮಾಡಿದ ವರದಿಗಾರರಿಗೆ ಪರಿಸ್ಥಿತಿಯನ್ನು ವಿವರಿಸಿದ ಮಿಲ್ಸ್‌ ಮ್ಯಾನೇಜಿಂಗ್ ಡೈರೆಕ್ಟರ್ ಶ್ರೀ ಥಾಮಸ್ ಅವರು ಲಾಕೌಟ್‌ ಮಾಡದೆ ಬೇರೆ ಮಾರ್ಗವೇ ಇರಲಿಲ್ಲವೆಂದು ಹೇಳಿ ನಾಳೆ ಅಸಿಸ್ಟೆಂಟ್ ಲೇಬರ್ ಕಮೀಷನರ್ ಮುಂದೆ ಸಂಧಾನ ನಡೆಯಲಿದೆಯೆಂದೂ ತಿಳಿಸಿದರು.

ಚಂದ್ರನನ್ನು ಸಮೀಪಿಸಿ ಮಾತೃನೌಕೆಗೆ ಲೂನಾರ್ ಮಾಡ್ಯೂಲ್

ಹೂಸ್ಟನ್ (ಟೆಕ್ಸಾಸ್), ಮೇ 23– ಮಾನವ ಹಿಂದೆಂದೂ ಹೋಗದಷ್ಟು ಚಂದ್ರನ ಸಮೀಪಕ್ಕೆ ಹೋಗಿ, ಮಾನವ ಚಂದ್ರನಲ್ಲಿ ಇಳಿಯುವ ತಾಣವನ್ನು ಗುರುತಿಸಿದ ನಂತರ ಗಗನಯಾತ್ರಿ ಟಾಮ್ ಸ್ಟಾಫರ್ಡ್, ಯುಜೀನ್‌ ಸೆರ್ನನ್ ಇಂದು ಮತ್ತೆ ಅಪೊಲೊ– 10 ನೌಕೆಗೆ ಸುರಕ್ಷಿತವಾಗಿ ವಾಪಸಾದರು.

‘ಸ್ನೂಪಿ’ ಎಂಬ ಅಡ್ಡ ಹೆಸರಿನ ಅತಿ ನಾಜೂಕಾದ ಲೂನಾರ್ ಮಾಡ್ಯೂಲ್‌ನಲ್ಲಿ ಸ್ಟಾಫರ್ಡ್ ಮತ್ತು ಸೆರ್ನನ್ ಅತ್ಯಂತ ಸಾಹಸಮಯ ಯಾತ್ರೆ ಕೈಗೊಂಡು, ಅಲ್ಲಲ್ಲೇ ಹೊಂಡಬಿದ್ದ ಚಂದ್ರನ ಮೇಲ್ಮೈಗೆ 8.2 ನೌಕಾ ಮೈಲಿಗಳ (16 ಕಿಲೋ ಮೀಟರ್) ದೂರದವರೆಗೂ ಹೋಗಿ ಜುಲೈನಲ್ಲಿ ಅಮೆರಿಕದ ಗಗನಯಾತ್ರಿ ಚಂದ್ರಗ್ರಹದಲ್ಲಿ ಇಳಿಯುವ ತಾಣವನ್ನು ಗುರುತಿಸಿದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.