ಭಾನುವಾರ, ಫೆಬ್ರವರಿ 16, 2020
28 °C

ಹೊಸ ಸಚಿವರಾದ ತರುವಾಯ...

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ತಮಗೆ ಬೇಕಾದ ಖಾತೆಗಾಗಿ ಹೋರಾಡುವುದಕ್ಕೆ ಹೊಸ ಸಚಿವರ ಆದ್ಯತೆ. ಅದರಲ್ಲಿ ಯಶಸ್ವಿಯಾದ ನಂತರ, ವಾಸ್ತು ಪ್ರಕಾರ ಅನುಕೂಲಕರ ಕೊಠಡಿ, ಸರ್ಕಾರಿ ವಸತಿಗೃಹ. ಬಳಿಕ ದುಬಾರಿ ವೆಚ್ಚದಲ್ಲಿ ಎರಡನ್ನೂ ನವೀಕರಿಸುವುದು. ಆನಂತರ ಅವರಿಗೆ ‘ಅನುಕೂಲಕರ ಸಿಬ್ಬಂದಿ’ಯ ನೇಮಕಾತಿ ಆಗುತ್ತದೆ. ಇವೆಲ್ಲವೂ ಅಧಿಕೃತ ಕಚೇರಿಯಲ್ಲಿ, ಗೃಹ ಕಚೇರಿಯಲ್ಲಿ ಹಾಗೂ ಸ್ವಕ್ಷೇತ್ರದಲ್ಲಿ ಆಗುವ ಸಾಮಾನ್ಯ ಕ್ರಿಯೆಗಳು.

ಬಳಿಕ ಹೊಸ ಕಾರು. ಇಲಾಖೆಯ ಕಾರ್ಯದರ್ಶಿ ಸೇರಿದಂತೆ ಪ್ರಮುಖ ಹುದ್ದೆಗಳಲ್ಲಿ ಇರುವವರನ್ನು ಬದಲಾಯಿಸಿ, ಸಚಿವರ ಮರ್ಜಿಗೆ ಅನುಗುಣವಾಗಿ ನಡೆದುಕೊಳ್ಳುವವರನ್ನು ನೇಮಿಸಲಾಗುತ್ತದೆ. ಕಾನೂನು ಪಾಲಿಸುವವರಿಗಿಂತ ಸಚಿವರಿಗೆ ಅನುಕೂಲಕರ ಆಗಿರುವವರನ್ನು ನೇಮಿಸುವುದರಿಂದ, ಅಂತಹ ಇಲಾಖೆಯ ನಿರ್ಧಾರಗಳು ನಿಯಮಗಳ ಪ್ರಕಾರ ಇರುತ್ತವೆ ಎಂಬುದಕ್ಕೆ ಏನು ಖಾತರಿ?

ಮೋಹನದಾಸ ಕಿಣಿ, ಕಾಪು

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)