ಬಾಲ್ಯವಿವಾಹ ತಡೆ ಪುಣ್ಯದ ಕಾರ್ಯ

ಚಾಮರಾಜನಗರ ಜಿಲ್ಲೆಯ ವಿವಿಧೆಡೆ ಇತ್ತೀಚೆಗೆ ಎರಡು ದಿನಗಳ ಅಂತರದಲ್ಲಿ ಒಂಬತ್ತು ಬಾಲ್ಯವಿವಾಹಗಳಿಗೆ ತಡೆಯೊಡ್ಡಿರುವುದು ಸಂತೋಷದ ಸಂಗತಿ. ಸಮಾಜವು ಉನ್ನತಿಯತ್ತ ಸಾಗುತ್ತಿದ್ದರೂ ಹಲವಾರು ಕಾರಣಗಳಿಂದ ಬಾಲ್ಯವಿವಾಹಕ್ಕೆ ಮುಂದಾಗುತ್ತಿರುವ ಜನರ ಮನಃಸ್ಥಿತಿಯ ಬಗ್ಗೆ ಬೇಸರವೆನಿಸುತ್ತದೆ. ಮೊಮ್ಮಕ್ಕಳ ಮದುವೆ ನೋಡ ಬೇಕೆಂಬ ಹಿರಿಯರ ಆಸೆ, ಸಮಾಜದಲ್ಲಿ ನಡೆಯುವ ಅತ್ಯಾಚಾರದ ಬಗ್ಗೆ ಹೆದರಿಕೆ, ಕುಟುಂಬದಲ್ಲಿ ಬಡತನವಿದ್ದಲ್ಲಿ ಶ್ರೀಮಂತ ವರ ಬಂದರೆ ವಯಸ್ಸಿನ ಅಂತರವನ್ನೂ ನೋಡದೆ ಮದುವೆ ಮಾಡಲು ಮುಂದಾಗುವಂತಹ ಹಲವು ಕಾರಣಗಳು ಇದರ ಹಿಂದೆ ಇರುತ್ತವೆ.