ಐಎಸ್ಐ ಗುರುತಿಲ್ಲದ ಹೆಲ್ಮೆಟ್ಗಳನ್ನು ಜಪ್ತಿ ಮಾಡಿ ಪೊಲೀಸರು ನಾಶಪಡಿಸಿದ್ದಾರೆ (ಪ್ರ.ವಾ., ಜ. 26). ಇದು ಸರ್ಕಾರದ ವಿವಿಧ ಇಲಾಖೆಗಳ ನಡುವಿನ ಸಮನ್ವಯದ ಕೊರತೆಗೆ ಹಿಡಿದ ಕನ್ನಡಿಯಾಗಿದೆ. ಐಎಸ್ಐ ಗುರುತಿಲ್ಲದ ಹೆಲ್ಮೆಟ್ಗಳನ್ನು ಉತ್ಪಾದಿಸಲು ಒಂದು ಇಲಾಖೆಯಿಂದ ಅನುಮತಿ ನೀಡಿ ಮತ್ತೊಂದು ಇಲಾಖೆಯಿಂದ ಅದನ್ನು ನಿಷೇಧಿಸುವುದು ಆಡಳಿತ ಲೋಪವೇ ಸರಿ. ರಾಜ್ಯದಾದ್ಯಂತ ರಸ್ತೆ ರಸ್ತೆಗಳಲ್ಲಿ ಕಳಪೆ ಗುಣಮಟ್ಟದ, ಐಎಸ್ಐ ಗುರುತಿಲ್ಲದ ಹೆಲ್ಮೆಟ್ಗಳನ್ನು ರಾಜಾರೋಷವಾಗಿ ಮಾರಲಾಗುತ್ತಿದೆ. ಪೊಲೀಸ್ ಇಲಾಖೆಗೆ ಈ ಹಗಲು ವ್ಯಾಪಾರ (ದರೋಡೆ) ಕಣ್ಣಿಗೆ ಕಾಣುತ್ತಿಲ್ಲವೇ? ನಿಷೇಧಿಸಲೇ ಬೇಕಿದ್ದರೆ ಇಂತಹ ಕಳಪೆ ಗುಣಮಟ್ಟದ ಹೆಲ್ಮೆಟ್ಗಳ ಉತ್ಪಾದನೆಯನ್ನು ನಿಷೇಧಿಸಬೇಕಲ್ಲವೆ?