ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ರಾಷ್ಟ್ರೀಯ ಪಕ್ಷಗಳು ತಮ್ಮ ತತ್ವ, ಸಿದ್ಧಾಂತಗಳ ಹುಳಿಯನ್ನು ಹಿಂಡಿ, ತಮ್ಮ ಪಕ್ಷಗಳ ಶಾಲುಗಳನ್ನು ಹೊದಿಸಿ ಗ್ರಾಮೀಣ ಭಾಗದ ಜನರಲ್ಲಿ ದ್ವೇಷ ರಾಜಕಾರಣದ ಬೀಜ ಬಿತ್ತುವ ಕಾಯಕ ಶುರು ಮಾಡಿವೆ.
ಈ ಚುನಾವಣೆಯಲ್ಲಿ ಯಾವುದೇ ಪಕ್ಷ ಮೂಗು ತೂರಿಸುವ ಕೆಲಸ ಮಾಡಬಾರದು. ಪ್ರಾಥಮಿಕ ಸಂಬಂಧಗಳೇ ಪ್ರಮುಖವಾಗಿರುವ ಗ್ರಾಮ ಪಂಚಾಯಿತಿ ಚುನಾವಣೆಯ ಪಾವಿತ್ರ್ಯವನ್ನು ಉಳಿಸಲು ರಾಷ್ಟ್ರೀಯ ಪಕ್ಷಗಳು ಅಂತರ ಕಾಯ್ದುಕೊಳ್ಳುವುದು ಅತ್ಯವಶ್ಯಕ. -ಬಾದಾಮಿ ಭಾಸ್ಕರ ನಾಯಕ,ಬಳ್ಳಾರಿ
