ಇದು, ಬಹುತೇಕ ಶಾಲಾ ಮಕ್ಕಳ ಪರಿಸ್ಥಿತಿ. ಶಿಕ್ಷಣ ಇಲಾಖೆಯು ಇಂತಿಷ್ಟೇ ತೂಕದ ಬ್ಯಾಗನ್ನು ಕೊಂಡೊಯ್ಯಬೇಕೆಂಬ ನಿಯಮ ಮಾಡಿದ್ದರೂ ಹೆಚ್ಚಿನವರು ಅದನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿರುವುದು ಕಾಣುವುದಿಲ್ಲ. ಇಂದಿನ ಸ್ಪರ್ಧಾತ್ಮಕ ಯುಗದಲ್ಲಿ, ಬ್ಯಾಗ್ ತಯಾರಿಕಾ ಕಂಪನಿಯವರು ವಿಧ ವಿಧ ವಿನ್ಯಾಸದ ಬ್ಯಾಗುಗಳನ್ನು ಮಾರುಕಟ್ಟೆಗೆ ಬಿಡುತ್ತಿದ್ದಾರೆ. ಅವುಗಳ ತೂಕವೇ ಅರ್ಧ ಕೆ.ಜಿ.ಗಿಂತಲೂ ಹೆಚ್ಚಾಗಿರುತ್ತದೆ! ಇಂತಹ ಬ್ಯಾಗಿನಲ್ಲಿ ಒಂದೆರಡು ಪುಸ್ತಕಗಳನ್ನು ಇಟ್ಟುಕೊಂಡರೂ ಬ್ಯಾಗಿನ ತೂಕವು ಇಲಾಖೆಯು ನಿಗದಿಪಡಿಸಿದ ತೂಕಕ್ಕಿಂತ ಹೆಚ್ಚಾಗುತ್ತದೆ. ಹೀಗಾಗಿ, ಇಂತಿಷ್ಟೇ ತೂಕದ ಬ್ಯಾಗನ್ನು ತಯಾರಿಸಬೇಕೆಂಬ ಆದೇಶವನ್ನು ಬ್ಯಾಗ್ ತಯಾರಿಕಾ ಕಂಪನಿಗಳಿಗೂ ಹೊರಡಿಸಬೇಕು. ನಿಯಮ ಮಾಡಿದರಷ್ಟೇ ಸಾಲದು. ಅದರ ಕಟ್ಟುನಿಟ್ಟಿನ ಅನುಷ್ಠಾನವೂ ಮುಖ್ಯ.
