ಇತ್ತೀಚಿನ ದಿನಗಳಲ್ಲಿ ಎಲ್ಲೆಡೆ ವೃತ್ತಿಪರ ಕ್ರೀಡೆಗಳನ್ನು ಆಡುವ ಪರಿಪಾಟ ಹೆಚ್ಚುತ್ತಿದೆ. ಅಂಪೈರಿಂಗ್, ತರಬೇತುದಾರ, ಕ್ರೀಡಾ ಸಂಯೋಜನೆ, ಸ್ಟೇಡಿಯಂಗಳ ನಿರ್ವಹಣೆ, ಕ್ರೀಡಾ ಪರಿಕರಗಳ ತಯಾರಿಕೆ ಅಲ್ಲದೆ ಇನ್ನಿತರ ಕ್ರೀಡಾ ಸಂಬಂಧಿ ಕೆಲಸಗಳಿಗೆ ವಿಶ್ವದಾದ್ಯಂತ ಬೇಡಿಕೆ ಇದೆ. ಸರ್ಕಾರವು ಕ್ರೀಡಾ ಕೌಶಲ ತರಬೇತಿಗಳನ್ನು ನಡೆಸುವುದರಿಂದ ನಿರುದ್ಯೋಗಿ ದೈಹಿಕ ಶಿಕ್ಷಣ ಶಿಕ್ಷಕರು ಮಾತ್ರವಲ್ಲದೆ ಇತರ ಕ್ರೀಡಾಸಕ್ತರೂ ತಮ್ಮ ಕೌಶಲಗಳನ್ನು ಹೆಚ್ಚಿಸಿಕೊಂಡು, ರಾಜ್ಯದ ಕ್ರೀಡಾರಂಗದ ಬೆಳವಣಿಗೆಗೆ ತಮ್ಮ ಕೊಡುಗೆ ನೀಡಬಹುದಾಗಿದೆ.