ಬುಧವಾರ, ಮಾರ್ಚ್ 3, 2021
18 °C

ದಾಸ ಪದ ಬಳಕೆ ನಕಾರಾತ್ಮಕವಲ್ಲ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

‘ಕನಕದಾಸರಿಗೆ ದಾಸ ಎಂಬ ಪದ ಬಳಕೆ ಬೇಡ, ಕನಕ ವ್ಯಾಸ ಅಥವಾ ಕನಕರು ಎಂದರೆ ಸಾಕು’ ಎಂದು ಚಿಂತಕ ಪ್ರೊ. ಅರವಿಂದ ಮಾಲಗತ್ತಿ ಅಭಿಪ್ರಾಯಪಟ್ಟಿದ್ದಾರೆ (ಪ್ರ.ವಾ., ಜ. 18). ಅವರಿಗೆ ಇಂತಹ ಭಾವನೆ ಏಕೆ ಬಂತೋ ಗೊತ್ತಾಗಲಿಲ್ಲ. ಇಲ್ಲಿ ಕನಕದಾಸ ಎಂದರೆ ದಾಸ ಸಾಹಿತ್ಯದಲ್ಲಿ ಪಾಂಡಿತ್ಯ ಹೊಂದಿರುವ ವ್ಯಕ್ತಿ. ತನ್ನ ದಾಸರಪದ ಪಾಂಡಿತ್ಯದಿಂದ ಸಮಾಜಕ್ಕೆ ಒಳಿತಾಗಲಿ ಎಂದು ಬಯಸುವವರು. ಅದೇ ರೀತಿ ಪುರಂದರದಾಸ.

ಕನಕ ದಾಸ, ಪುರಂದರ ದಾಸ (ಎರಡು ಪದಗಳ ಮಧ್ಯೆ ಅಂತರ) ಅಂದರೆ ಬೇರೆ ಅರ್ಥ ಬರುತ್ತದೆ. ದಾಸ ಎಂಬ ಪದದ ಅರ್ಥವು ಬಳಕೆ ಮಾಡುವ ಜನರ ಮನೋಭಾವವನ್ನು ಅವಲಂಬಿಸಿರುತ್ತದೆ. ದಾಸೋಹ, ದಾಸರಪದ ಇವೆಲ್ಲ ಸೇವೆಯಲ್ಲಿ ಬಳಸುವ ಪದಗಳಾಗಿವೆ. ದಾಸೋಹದಲ್ಲಿ ಹಸಿದವರಿಗೆ ಅನ್ನ ನೀಡುವ ಕಾರ್ಯವು (ಸೇವೆ), ದಾಸರಪದಗಳಲ್ಲಿ ಜನರಲ್ಲಿ ತಿಳಿವಳಿಕೆ ಹೆಚ್ಚಿಸುವ ಕಾಯಕ (ಸೇವೆ) ಆಗಿರುತ್ತದೆ. ಇಂತಹುದನ್ನು ನಾವು ಸಕಾರಾತ್ಮಕವಾಗಿ ನೋಡಬೇಕೇ ಹೊರತು ನಕಾರಾತ್ಮಕವಾಗಿ ಅಲ್ಲ.

ಗೊಡಬನಹಾಳ್ ಮಲ್ಲಿಕಾರ್ಜುನ, ಚಿತ್ರದುರ್ಗ

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.