‘ವರ್ಷ ತೊಡಕು’ ಹಿಂದಿದೆ ರಹಸ್ಯ!

ಯುಗಾದಿ ಮರುದಿನದ ‘ವರ್ಷ ತೊಡಕು’ಗಾಗಿ ಮಾಂಸದಂಗಡಿಗಳ ಮುಂದೆ ಕಿ.ಮೀ. ದೂರದಿಂದ ಜನ ಸರದಿಯಲ್ಲಿ ನಿಂತಿದ್ದ ಬಗ್ಗೆ ವರದಿಯಾಗಿದೆ (ಪ್ರ.ವಾ., ಏ. 15). ವರ್ಷ ತೊಡಕು ಎಂಬ ಪದವು ‘ವರ್ಷ ತೊಡಗು’, ‘ಹೊಸ್ತಡಕು’, ‘ವರ್ಷ ತಡಕು’ ಮೊದಲಾದ ರೂಪಗಳಲ್ಲಿ ಬಳಕೆಯಲ್ಲಿದೆ. ಆಡುನುಡಿಯಲ್ಲಿ ಇವುಗಳಿಗೆ ತಮ್ಮದೇ ರೀತಿ ಅರ್ಥ ಸಮರ್ಥನೆಗಳನ್ನೂ ಕೆಲವರು ಕೊಟ್ಟುಕೊಳ್ಳುತ್ತಾರೆ. ಹೊಸ ವರ್ಷದಲ್ಲಿ ತೊಡಗುವುದರಿಂದ ವರ್ಷ ತೊಡಗು ಎಂದೂ ಮರುದಿನವೂ ಹೋಳಿಗೆ ಸಿಕ್ಕೀತೇ ಎಂದು ‘ತಡಕು’ವುದರಿಂದ ವರ್ಷ ತಡಕು ಎಂದೂ ಕೆಲವರು ವಿವರಿಸುವುದುಂಟು. ಆದರೆ ಈ ಯಾವ ರೂಪಗಳೂ ಭಾಷಿಕವಾಗಿ ಸರಿಯಾದುವಲ್ಲ. ರಾಜ್ಯದ ವಿವಿಧ ಸಮುದಾಯ, ಪ್ರದೇಶಗಳ ಆಚಾರ ಸಂಪ್ರದಾಯಾದಿಗಳನ್ನು ಹಲವು ದಶಕಗಳಿಂದ ಅಧ್ಯಯನ ಮಾಡಿದ, ಕಾಲೇಜುಗಳಲ್ಲಿ ಭಾಷೆ, ಸಾಹಿತ್ಯವನ್ನೂ ಬೋಧಿಸಿದ ಅನುಭವದ ನನಗೆ ಅರಿವಾಗಿರುವುದೆಂದರೆ, ಭಾಷೆ ಮತ್ತು ಸಾಂಸ್ಕೃತಿಕ ಹಿನ್ನೆಲೆಯಲ್ಲಿ ಇದರ ಸರಿ ರೂಪ ಹೊಸತು + ಅಡಗು ಅಥವಾ ವರ್ಷದಡಗು ಎಂಬುದು.

. ಹಳೆಗನ್ನಡದಲ್ಲಿ ಅಡಗು ಎಂದರೆ ಬಾಡು ಅಥವಾ ಮಾಂಸ. ಯುಗಾದಿಯಂದು ಸಿಹಿಯೂಟ ಸವಿದ ಮೇಲೆ ಮಾಂಸಾಹಾರ ಪ್ರಿಯರಿಗೆ ಮಾರನೇ ದಿನ ಮೀಸಲಾಯಿತು. ಸಿಹಿ ಖಾರಗಳೆರಡೂ ವರ್ಷಪೂರ್ತಿ ದೊರಕಲೆಂಬ ಆಶಯ ಇದರದು. ಆದರೆ ಅನೇಕರಿಗೆ ಹಣ ಕೊಟ್ಟು ಮಾಂಸ ಖರೀದಿಯ ಸಾಮರ್ಥ್ಯ ಇರಲಿಲ್ಲ. ಊರೆಲ್ಲಕ್ಕೂ ಮಾಂಸ ಒದಗಿಸಬೇಕಾದ ಅಗತ್ಯವೂ ಕೆಲವೆಡೆ ಇತ್ತು. ಅಂತೆಯೇ ಯುಗಾದಿಯ ಮಾರನೆಯ ಮುಂಜಾನೆ ಊರ ದೇವರ ಹೆಸರಲ್ಲಿ ಪಕ್ಕದ ಕಾಡು ಮೇಡಿಗೆ ಗಂಡಸರೆಲ್ಲಾ ಹೋಗಿ ಕಾಡುಪ್ರಾಣಿಗಳನ್ನು ಬೇಟೆಯಾಡಿ ತಂದು, ದೇವರಿಗೂ ಒಪ್ಪಿಸಿ ಎಲ್ಲರೂ ಹಂಚಿಕೊಳ್ಳುವ ಸಂಪ್ರದಾಯ ಬೆಳೆಯಿತು. ಕಾಡುಪ್ರಾಣಿಗಳ ಸಂತತಿ ನಿಯಂತ್ರಣದ ಆಶಯವೂ ಇದರಲ್ಲಿದೆ. ಈಗಲೂ ಅನೇಕ ಊರುಗಳಲ್ಲಿ ಈ ಆಚರಣೆ ಇದೆ. ಅಂದರೆ ಹೊಸ ವರ್ಷದ ಆರಂಭದಲ್ಲಿ ಸೇವಿಸುವ ಅಡಗು ಎಂಬುದೇ ಕಾಲಾಂತರದಲ್ಲಿ ಅವರವರಿಗೆ ತೋಚಿದ ರೂಪದ ಅಪಭ್ರಂಶಗಳಾಗಿವೆ. ಇದು ಮಾಂಸ ಪ್ರಧಾನವಾದುದೆಂಬುದನ್ನು ಗ್ರಹಿಸಿದರೆ ಮಿಕ್ಕದ್ದು ತಾನೇ ಅರ್ಥವಾಗುತ್ತದೆ.

. ಬುದ್ಧಿವಂತರು ಎನಿಸಿಕೊಂಡವರು ಇನ್ನಾದರೂ ಈ ಸರಿ ರೂಪ ಬಳಸಿದರೆ ಜನಸಾಮಾನ್ಯರೂ ಅದನ್ನು ಒಪ್ಪಿ ಬಳಸುತ್ತಾರೆ. ಸಾವಿರಾರು ವರ್ಷಗಳ ಹಿಂದಿನ ಹಳಗನ್ನಡದ ಅಪ್ಪಟ ಕನ್ನಡ ಪದವೊಂದು ನಮ್ಮೊಂದಿಗೆ ಜೀವಂತ ಉಳಿಯುವಂತಾಗುತ್ತದೆ ಅಲ್ಲವೇ?

. - ಡಾ. ಟಿ.ಗೋವಿಂದರಾಜು, ಬೆಂಗಳೂರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ವರ್ಷ ತೊಡಕು’ ಹಿಂದಿದೆ ರಹಸ್ಯ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್