ಪಶ್ಚಿಮಘಟ್ಟಗಳಲ್ಲಿ ಕಾಮಗಾರಿ ಕೈಬಿಡಿ

ಮೊನ್ನೆ ಮೊನ್ನೆ ನಮ್ಮ ಕಣ್ಣೆದುರೇ ನಡೆದ ಕೊಡಗು ಮತ್ತು ಕೇರಳದ ದುರಂತಗಳಿಂದ ನಾವು ಪಾಠ ಕಲಿತಂತಿಲ್ಲ. ಇಂಥ ಪರಿಸ್ಥಿತಿಯಲ್ಲಿ ಜನಸಾಮಾನ್ಯರು ಅನುಭವಿಸುವ ಕಷ್ಟದ ಪರಿವೆಯೂ ನಮ್ಮ ರಾಜಕಾರಣಿಗಳನ್ನು ಎಚ್ಚರಿಸಿಲ್ಲ. ಪ್ರಕೃತಿ, ಪರಿಸರದಂತಹ ಸೂಕ್ಷ್ಮ ವಿಚಾರಗಳಲ್ಲಿ ಸರ್ಕಾರವು ವಿಜ್ಞಾನಿಗಳ ಮತ್ತು ಪರಿಸರವಾದಿಗಳ ಸಲಹೆಗಳನ್ನು, ಅಧ್ಯಯನ ವರದಿಗಳನ್ನು ನಿಷ್ಪಕ್ಷಪಾತವಾಗಿ ಪರಿಗಣಿಸಬೇಕು. ಪಶ್ಚಿಮಘಟ್ಟ ಪ್ರದೇಶಗಳಲ್ಲಿ ಈಗ ನಡೆ
ಯುತ್ತಿರುವ ಪ್ರಯೋಜನಕಾರಿಯಲ್ಲದ ಕಾಮಗಾರಿಗಳನ್ನು ತಕ್ಷಣ ನಿಲ್ಲಿಸಿ, ಅಲ್ಲಿಯ ಜೀವಂತಿಕೆಯನ್ನು ಅದರಷ್ಟಕ್ಕೆ ಬಿಟ್ಟರೆ ಘಟ್ಟ ಉಳಿದೀತು. ಇಲ್ಲವಾದರೆ ಕೊಡಗಿನ ಗುಡ್ಡಗಳು ಕರಗಿದಂತೆ ಪಶ್ಚಿಮಘಟ್ಟಗಳು ಸರಿದರೆ ಆಗಬಹುದಾದ ಅನಾಹುತ, ಮುಂದಿನ ಪರಿಣಾಮಗಳನ್ನು ಊಹಿಸುವುದೂ ಕಷ್ಟವಾದೀತು.

ಧರ್ಮಾನಂದ ಶಿರ್ವ, ಬೆಂಗಳೂರು