ಗುಬ್ಬಿ ವೀರಣ್ಣ ರಂಗಮಂದಿರ ಪುನರಾರಂಭಿಸಿ

ರಾಜಧಾನಿ ಬೆಂಗಳೂರು ನಗರದಲ್ಲಿ ಕರ್ನಾ­ಟಕದ ವೃತ್ತಿರಂಗಭೂಮಿಯವರಿಗೆ ಇರುವ ಏಕೈಕ ರಂಗಮಂದಿರ ‘ಗುಬ್ಬಿ ವೀರಣ್ಣ ರಂಗ ಮಂದಿರ’. ಕಳೆದ ಎರಡು ದಶಕಗಳಿಂದ ಕರ್ನಾ­ಟಕ­ದಲ್ಲಿರುವ 15-20 ನಾಟಕ ಕಂಪೆನಿಗಳು ಇಲ್ಲಿ ಸರದಿಯ ಮೇಲೆ ನಾಟಕಗಳನ್ನು ಪ್ರದರ್ಶಿಸುತ್ತ ಬಂದಿವೆ. ಒಂದೊಂದು ನಾಟಕ ಕಂಪೆನಿಗೆ ಒಂದು, ಒಂದೂವರೆ ವರ್ಷಗಳ ಕಾಲ ರಂಗಮಂದಿರವನ್ನು ಬಾಡಿಗೆಗೆ ನೀಡಲಾಗುತ್ತದೆ. ನಗರಪಾಲಿಕೆಗೆ ಇದರಿಂದ ಒಳ್ಳೆಯ ಆದಾಯವೂ ಇದೆ.

ವೈಭವದಿಂದ ಮೆರೆದ ವೃತ್ತಿ ರಂಗಭೂಮಿಯ ಪಳೆಯುಳಿಕೆಯನ್ನು ವೀಕ್ಷಿಸಬೇಕೆನ್ನುವ ರಾಜ­ಧಾನಿಯ ಮಂದಿಗೆ ಇದೊಂದೇ ಆಶ್ರಯ ತಾಣ ಇರುವುದು.

ಮೆಜೆಸ್ಟಿಕ್‌ ಪ್ರದೇಶದಲ್ಲಿ ಈ ರಂಗಮಂದಿರ ಇರುವುದರಿಂದ ಒಂದೆರಡು ದಿನ ಬೆಂಗಳೂ­ರಿನಲ್ಲಿ ಕೆಲಸಕ್ಕೆಂದು ಬಂದವರಲ್ಲಿ   ಸಾಕಷ್ಟು ಸಂಖ್ಯೆಯ ಪ್ರೇಕ್ಷಕರು ಇಲ್ಲಿ ನಾಟಕ ನೋಡಲು ಬರುತ್ತಾರೆ.

ಇನ್ನು ಕರ್ನಾಟಕದ ಬೇರೆ ಬೇರೆ ಭಾಗದಿಂದ ಬೆಂಗಳೂರಿಗೆ ಕೆಲಸಕ್ಕೆಂದು ಬರುವ ವೃತ್ತಿ ರಂಗಭೂಮಿ ಕಲಾವಿದರ ಭೇಟಿಯ ಸ್ಥಳವೂ ಈ ರಂಗಮಂದಿರ ಆಗಿದೆ. ರಾಜ್ಯದ ಒಟ್ಟು ವೃತ್ತಿ ಕಲಾವಿದರ ಕೂಡು ತಾಣವೇ ಇದಾಗಿದೆ. ನಗರದ ಹೃದಯ ಭಾಗದಲ್ಲಿರುವ ಇಂತಹ ಮಹತ್ವದ ರಂಗ ಮಂದಿರವನ್ನು ದುರಸ್ತಿಯ  ನೆಪದಲ್ಲಿ ಮುಚ್ಚಿ 7-8 ತಿಂಗಳೇ ಗತಿಸಿದವು. ಇದರಿಂದ ನಾಟಕ ಪ್ರೇಮಿಗಳು ವಂಚಿತರಾ ಗಿದ್ದಾರೆ. ದುರಸ್ತಿಗೆ ಎಷ್ಟು ದಿನ ಬೇಕು?