ಚಿತ್ರಾವಳಿ | ರಾಜ್ಯದ ವಿವಿಧೆಡೆ ಭಕ್ತರ ದರ್ಶನಕ್ಕೆ ಬಾಗಿಲು ತೆರೆದ ದೇಗುಲಗಳು

ಧಾರವಾಡ ಜಿಲ್ಲೆಯ ದೊಡ್ಡ ಕೆರೆ ನೀರಸಾಗರ ಜಲಾಶಯ ತುಂಬಿ ಕೋಡಿ ಬಿದ್ದಿದ್ದು, ಸಣ್ಣ ಜಲಪಾತದಂತೆ ಗೋಚರಿಸಿ ಜನರನ್ನು ಆಕರ್ಷಿಸುತ್ತಿದೆ. ಕಲಘಟಗಿ ತಾಲ್ಲೂಕಿನ ದುಮ್ಮವಾಡ ಮತ್ತು ಗಳಗಿ ಹುಲಕೊಪ್ಪ ಗ್ರಾಮದ ಬಳಿಯ ಹೊಲಗಳಲ್ಲಿ ನೀರು ನಿಂದಿದೆ.

ಸಂಪರ್ಕ ಸೇತುವೆ... ಮಂಗಳೂರು ಹೊರವಲಯದ ಅಡ್ಯಾರ್‌ ಕಟ್ಟೆಯಿಂದ ಪಾವೂರಿಗೆ ಸಂಪರ್ಕ ಕಲ್ಪಿಸುವ ಸೇತುವೆ ಕಾಮಗಾರಿ ನಿಧಾನವಾಗಿ ಸಾಗುತ್ತಿದೆ. ಘಟ್ಟ ಪ್ರದೇಶದಲ್ಲಿ ಮಳೆ ಹೆಚ್ಚಾದಾಗ ನೇತ್ರಾವತಿ ನದಿಯಲ್ಲಿ ನೀರಿನ ಪ್ರಮಾಣ ಹೆಚ್ಚಳವಾದರೆ ಪಾವೂರು ಹೋಗುವ ಜನರಿಗೆ ದೋಣಿ ಸಂಪರ್ಕವೂ ಸಿಗುವುದಿಲ್ಲ. ರಸ್ತೆ ದಾರಿಯಲ್ಲಿ ಸುಮಾರು 25 ಕಿ.ಮೀ. ಸುತ್ತಿ ಬಳಸಿ ಸಾಗಬೇಕಾದ ಅನಿವಾರ್ಯತೆಯಿದೆ. (ಪ್ರಜಾವಾಣಿ ಚಿತ್ರ/ಇರ್ಷಾದ್‌ ಮಹಮ್ಮದ್‌) ---- ಮಳೆಯ ಆಟ...  ಒಮ್ಮೆಲೇ ಸುರಿದ ಮಳೆಗೆ, ಛತ್ರಿ ತರಲು ಮರೆತಿದ್ದ ಮಕ್ಕಳು ಸಾಗುವಾನಿ ಮರದ ಎಲೆಹಿಡಿದು ರಕ್ಷಣೆ ಪಡೆದ ದೃಶ್ಯ ಮಂಗಳೂರು ಹೊರವಲಯದ ಕೋಟೆಕಾರು ಬೀರಿಯಲ್ಲಿ ಶುಕ್ರವಾರ ಕಂಡು ಬಂತು – (ಪ್ರಜಾವಾಣಿ ಚಿತ್ರ/ಇರ್ಷಾದ್‌ ಮಹಮ್ಮದ್‌)  

ಹೊಸಪೇಟೆ (ವಿಜಯನಗರ): ಇಲ್ಲಿನ ತುಂಗಭದ್ರಾ ಜಲಾಶಯದ ಕೆಳಮಟ್ಟದ ಕಾಲುವೆಗೆ (ಎಲ್‌ಎಲ್‌ಸಿ) ಗುರುವಾರ ಸಂಜೆ ನೀರು ಹರಿಸಲಾಯಿತು. ಕರ್ನಾಟಕ ಪಾಲಿನ 400 ಕ್ಯುಸೆಕ್‌ ನೀರು ಸದ್ಯ ಹರಿಸಲಾಗುತ್ತಿದೆ. ದಿನ ಕಳೆದಂತೆ ನೀರು ಹರಿಸುವ ಪ್ರಮಾಣ ಹೆಚ್ಚಾಗಲಿದೆ. ಇನ್ನಷ್ಟೇ ಆಂಧ್ರ ಪ್ರದೇಶದವರು ನೀರಿಗೆ ಬೇಡಿಕೆ ಸಲ್ಲಿಸಬೇಕಿರುವುದರಿಂದ ಅವರ ಪಾಲಿನ ನೀರು ಹರಿಸಿಲ್ಲ.